Úrval - 01.12.1948, Blaðsíða 56
54
TJRVALi
horfði á umhverfi mitt nú með
augum æskunnar, þótti mér
sem ég væri kominn í vitfirrtan
heim. Og þá varð mér ljóst, að
það hörmulegasta við ástandið
er, að við sættum okkur við
þessa dæmalausu villimennsku
og teljum hana sjálfsagða. Það
mætti ef til vill segja, að það
sé farið með okkur eins og
sauði, af því að við erum að
verða að sauðum.
Loks var okkur sagt að fara
upp í flugvélina til London,
sem beið um fimmtíu metra í
burtu. En þá vorum við enn
stöðvuð af einhverjum dular-
fullum ástæðum. Nokkrir ungir
lögreglumenn, sem höfðu á
sér hermannasnið, voru önnum
kafnir við flugvélina. Tröpp-
urnar voru fluttar frá henni, og
dyrum hennar, sem höfðu verið
opnar, var lokað. Við biðum í
tíu mínútur, án þess að nokkuð
gerðist, nema að það heyrðist
í hreyflum fjarlægra flugvéla
og í vindinum, sem þaut yfir
flugvellinum.
Við biðum þögul, eins og
hver annar dauður farmur.
Loks komu fleiri lögreglumenn
og höfðu sjúkrabörur með-
ferðis. Dyr flugvélarinnar voru
opnaðar og komið var út með
ungan mann og hann lagður á
börurnar. Hann var með lokuð
augu og höfuð hans hékk
máttlaust niður á brjóstið. Lög-
reglumennirnir báru hann í
burtu reiðilaust eins og hann
væri skran, sem þeir hefðu
tekið úr flugvélinni. Við héldum
dauðahaldi um hina dýrmætu
pappírssnepla okkar og settumst
í sæti okkar í vélinni.
Ungi maðurinn var sóma-
samlega til fara og leit ekki út
fyrir að vera neinn þorpari.
Sennilega hefur hann ætlað að
komast hjá rekstrinum og rann-
sókninni, og hefur verið svo
mikill bjáni að ímynda sér, að
hann gæti falið sig í flugvélinni.
Hvað skeð hefur þær tíu
mínútur, sern hurðin var lokuð
og lögreglumennirnir voru inni
í vélinni, veit ég ekki, og ég fæ
sennilega aldrei að vita það.
(í þessum heimi hinna öru
samgangna og fullkomnu frétta-
þjónustu, sem æpir í eyru okkar
dag og nótt, vitum við sífellt
minna og minna.) Ef til vill
hefur hann veitt viðnám og
hefur verið sleginn í rot. Ef til
vill hefur hann fallið í ómegin
af skelfingu.
Ef til vill var hann líka
brjálaður, enda þótt hann liti