Bókatíðindi - 01.12.2022, Síða 30

KIL RAF HLB
Getnaður
Heiða Vigdís Sigfúsdóttir
Getnaður vann samkeppni Forlagsins Nýjar raddir
2022. Hnyttnar og hispurslausar ástarsögur um
þrítuga Reykvíkinga sem fléttast saman á óvæntan
hátt. Djammið dunar en fullorðinspressan fer
sívaxandi – en er tímabært að búa til barnabarn
handa mömmu þegar ekki er einu sinni hægt að
vera sammála um sjónvarpsdagskrána?
149 bls.
Forlagið
IB
Glaðlega leikur skugginn í sólskininu
Steinn Kárason
Drengur vex upp í sjávarþorpi við fjörð sem fóstrar
blómlegar sveitir. Hann sér eitt og annað sem aðrir
skynja ekki. Það reynist honum þungt í skauti.
Ógeðfelldir atburðir gerast í lífi fólksins.
Mannlegur breyskleiki birtist í ýmsum
myndum. Sannleikur þolir ekki dagsljós.
Hlýr blær og glettni ríkja í sögunni
þrátt fyrir skuggalegt baksvið.
238 bls.
Steinn útgáfa
IB RAF HLB
Gratíana
Benný Sif Ísleifsdóttir
Framhald Hansdætra. Framtíðarvonir Gratíönu
eru að engu orðnar eftir árin í Bótarbugt en Evlalía
móðir hennar er óbuguð enn. Með kænsku kemur
hún Gratíönu suður og markar nýja stefnu fyrir þær
Ásdísi litlu. En ekki allar mæður komast frá börnunum
sínum. Áhrifarík og hjartastyrkjandi skáldsaga um
sögupersónur sem lifa áfram með lesandanum.
351 bls.
Forlagið - Mál og menning
IB
Guli kafbáturinn
Jón Kalman Stefánsson
Miðaldra rithöfundur staddur í almenningsgarði í
London á brýnt erindi við Paul McCartney sem situr
þar undir tré. Fortíðin sækir á hann í líki gamals
Trabants þar sem sitja m.a. faðir hans og Guð með
vodkaflösku, mamma hans og heill kirkjugarður
af dánu fólki. Skáldsaga um listina, dauðann og þó
miklu frekar um lífið, ímyndunaraflið og Bítlana.
336 bls.
Benedikt bókaútgáfa
IB RAF
Gættu þinna handa
Yrsa Sigurðardóttir
Fimm vinir halda til Vestmannaeyja um miðjan
vetur. Tilefnið er sorglegt, jarðarför gamallar
vinkonu, en endurfundirnir eru líka ánægjulegir.
Fljótlega verður þó ljóst að þau eiga óuppgerð
mál úr partíi sem þau héldu sjö árum fyrr á
stúdentagarði og hlaut örlagaríkan endi. Og ekki er
víst að allir eigi afturkvæmt úr þessari ferð.
335 bls.
Veröld
IB
Eden
Auður Ava Ólafsdóttir
Málvísindakona, sérfræðingur í fámennistungumálum,
ákveður að breyta landi þar sem ekkert grær í
Edenslund. Hjá íbúum í nálægu þorpi kviknar óvæntur
áhugi á málvísindum. Á fjörur söguhetju rekur handrit
að ljóðabók fyrrverandi nemanda hennar sem fjallar
um ást ungs karlmanns á eldri konu. Eden fjallar
um mátt orðsins og ábyrgðina sem við berum.
240 bls.
Benedikt bókaútgáfa
IB RAF
Eitt satt orð
Snæbjörn Arngrímsson
Á köldu októbersíðdegi sigla Júlía og Gíó, maður
hennar, saman út í hinn sögufræga Geirshólma
í Hvalfirði vegna verkefnis sem Júlía hefur tekið
að sér. Hún snýr hins vegar þaðan aftur ein síns
liðs. Hvað gerðist í kjölfar þess að hún yfirgaf
manninn sinn á þessu eyðiskeri? Og svo virðist
maðurinn horfinn af yfirborði jarðar.
395 bls.
Bjartur
KIL RAF
Elsku sólir
Ása Marin
Systurnar Ársól og Sunna þurfa að halda
fyrirvaralaust til Spánar til að hitta móður sína
sem er við dauðans dyr. Æskuvinkona móðurinnar
slæst með í för en í Andalúsíu tekur við atburðarás
sem engin þeirra átti von á. Elsku sólir er
spennandi saga sem fer með lesanda um heillandi
borgir og blómlegar sveitir Andalúsíu.
271 bls.
Forlagið - JPV útgáfa
IB KIL
Ég var nóttin
Reykjavíkursaga
Einar Örn Gunnarsson
Ungur laganemi leigir kjallaraherbergi í stóru
einbýlishúsi í Þingholtunum. Leigusalarnir eru roskin
hjón sem lifa í fortíðinni. Smám saman áttar stúdentinn
sig á að þau eru ekki öll þar sem þau eru séð.
224 bls.
Ormstunga
IB RAF
Gegn gangi leiksins
- ljóðskáld deyr
Bragi Ólafsson
Sjö ár eru liðin frá því ljóðskáldið Svanur
Bergmundsson losnaði úr klefa sínum á Litla-Hrauni,
eftir að hafa afplánað dóm fyrir manndráp. Hann býr
nú tímabundið í íbúð systur sinnar í Þingholtunum
sem er til sölu. Á fallegum haustdegi bankar ungt
par upp á hjá Svani, og vill skoða íbúðina.
157 bls.
Bjartur
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa30
Skáldverk ÍSLENSK