Bókatíðindi - 01.12.2022, Síða 32

IB RAF
Ljósagangur
Dagur Hjartarson
Við Hringbraut fer að heyrast undarlegur niður
og smám saman fjölgar dularfullum fyrirbrigðum.
Vísindamenn standa á gati. Hlutabréfamarkaðurinn
tekur dýfu. Ljóðabækur yfirtaka metsölulistana. Kettir
hverfa unnvörpum. Og ástin blómstrar hjá ungu
pari í Hlíðunum. Þegar eðlisfræðin og ljóðið mætast
verður til Ljósagangur, skáldsaga engri lík.
Forlagið - JPV útgáfa
KIL RAF
Lok lok og læs
Yrsa Sigurðardóttir
Kiljuútgáfa af þessari vinsælu bók. Á köldu
vetrarsíðdegi fer nágranni að huga að auðugri
fjölskyldu í Hvalfjarðarsveit sem ekki hefur svarað
skilaboðum. Við honum blasir skelfileg aðkoma.
Hvað gerðist hjá þessum nýju ábúendum?
413 bls.
Veröld
KIL RAF
Lungu
Pedro Gunnlaugur Garcia
Fjölskrúðug skáldsaga sem teygir anga sína vítt
og breitt um 20. öldina. Jóhanna tekur upp af
rælni ættarsöguna sem faðir hennar skrifaði.
Þar fléttast saman sögur af brostnum draumum,
töfrum og forboðnum ástum – sem smám saman
draga fram í dagsljósið leyndarmál sem legið
hefur í þagnargildi í heila mannsævi.
391 bls.
Bjartur
KIL
Mannsmyndin
Guðrún Guðlaugsdóttir
Bláleitur litur á líki verður Ölmu Jónsdóttur
blaðamanni að rannsóknarefni. Hún er að þreifa
sig áfram á nýjum slóðum, taka hlaðvarpsviðtal.
Dulrænar sýnir viðmælanda hennar vekja
óhug og einnig bernskuár hans og fortíð þar
sem undarleg dauðsföll koma við sögu.
229 bls.
GPA
IB KIL RAF
Merking
Fríða Ísberg
Þjóðin er klofin í afstöðu sinni til samkenndarprófsins,
byltingarkenndrar tækni sem spáð getur fyrir
um andfélagslega hegðun. Framundan er þjóðar-
atkvæðagreiðsla um málið sem snertir líf persónanna
með ólíkum hætti. Merking er fyrsta skáldsaga
eins eftirtektarverðasta höfundar landsins og
hlaut frábærar viðtökur þegar hún kom út.
266 bls.
Forlagið - Mál og menning
IB RAF
Játning
Ólafur Jóhann Ólafsson
Tveir íslenskir námsmenn, Elísabet og Benedikt,
kynnast í Leipzig skömmu fyrir hrun múrsins. Þau
fella hugi saman en líf þeirra tekur óvænta stefnu
þegar yfirvöld fara að sýna þeim áhuga. Áratugum
síðar neyðist Elísabet skyndilega til að minnast þessara
löngu liðnu daga sem hún vill síst af öllu rifja upp.
390 bls.
Veröld
IB RAF HLB
Kákasusgerillinn
Jónas Reynir Gunnarsson
Bára er hugfangin af öllu sem fólk notar til að breyta
líðan sinni. Í grúski rekst hún á Eirík Mendez,
áhugaljósmyndara sem lést ungur að árum en
tengdist vafasömum tilraunum með ofskynjunarlyf.
Jónas Reynir hefur vakið mikla athygli fyrir sögur
sínar og var sú síðasta, Dauði skógar, tilnefnd
til Íslensku bókmenntaverðlaunanna.
233 bls.
Forlagið - Mál og menning
IB RAF HLB
Kyrrþey
Arnaldur Indriðason
Vægðarlaus glæpasaga um þrúgandi þögn og heitar
tilfinningar. Í fórum látins manns finnur ekkja hans
lúna skammbyssu sem reynist vera morðvopn úr
gömlu og óupplýstu máli. Forvitnin grípur Konráð,
fyrrverandi lögreglumann, vegna sams konar vopns
sem faðir hans átti og leiðir hann á vit fortíðar. Og
úr djúpi tímans birtist fleira en hann óraði fyrir.
283 bls.
Forlagið - Vaka-Helgafell
KIL RAF HLB
Leyniviðauki 4
Óskar Magnússon
Þriðja bókin um Stefán Bjarnason verjanda sem er
hörkutól í dómsal en eins og leir í höndum fagurra
fljóða. Hrottalegt morð er framið í bandarísku
herstöðinni á Miðnesheiði og Íslendingur er
grunaður um verknaðinn. Það flækir stöðuna mjög
að Bandaríkjamenn krefjast þess að fá forræði
málsins og hóta brottflutningi Varnarliðsins.
322 bls.
Forlagið - JPV útgáfa
IB
Lindarbrandur
Hjálmar Þór Jensen
Lindarbrandurinn hefur staðið fastur í svörtum
steini svo árþúsundum skiptir. Þegar sverðið hverfur
svo með dularfullum hætti bendir allt til þess að
Malena hafi tekið það...en hvar er hún?
Amma hennar Rúna og málaliðinn Hervar hefja
leit að henni - því hver ætti annars að gera það?
Bókasamlagið
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa32
Skáldverk ÍSLENSK