Læknaneminn - 01.04.2008, Qupperneq 10

Aðrar nefndir
Ráðningarstjórar eru tveir og koma af
fjórða og fimmta ári. Ráðningarstjóri
starfsárið 2007-2008 var Friðrik
Sigurbjörnsson. Ráðningarstjórar sjá
um að halda til haga þeim stöðum
sem læknanemum standa til boða
og halda ráðningarfundi þar sem
læknanemar taka stöður eftir röð sem
áður hefur verið dregin afhandahófi.
Sú breyting varð á þessu ári að
sumarráðningarfundir voru tveir í
staðeins.Fyrrisumarráðningarfundur
var í byrjun febrúar en sá seinni í
enda mars. Með þessu er vonast til að
fjölga stöðum og gefa læknanemum
kost á að skipuleggja sumarvinnu
sína betur. Það er skoðun stjórnar
FL að þetta hafi gefist vel og að þetta
muni reynast mikið framfaraskref á
næstu árum.
Ritnefnd Læknanemans vinnur að því
að fjalla um allt sem við kemur námi
og starfi í læknadeild. Læknaneminn
kemur einu sinni út á hverjum
vetri. Ritnefnd er skipuð fjórum
læknanemum og ábyrgðarmaður
kemur af fimmta ári.
Alþjóðanefnd sér um að koma að
alþjóðlegum samskiptum í gegnum
IFSMA (International Federation of
Medical Students Associations) og
fara með stúdentaskipti læknanema
við Háskóla íslands. Nefndin sækir
fundi IFSMA sem haldnir eru
tvisvar á ári. Einnig er Lýðheilsufélag
læknanema undir Alþjóðanefnd.
Lýðheilsufélagið og Alþjóðanefnd
hafa skipulagt ýmsa fræðslu og það
sem stendur upp úr starfi þeirra í
þeim efnum eru gríðarspennandi
málþing um áfengislöggjöfina,
ofbeldi gegn börnum og blóðgjafir.
Lýðheilsufélagið skipulagði einnig
blóðgjafamánuð Háskóla Islands sem
var viðamikið verkefni sem hvetja
á alla háskólanema til þess að gefa
blóð.
Ástráður fer fyrir forvarnarstarfi
læknanema við Háskóla íslands á sviði
kynheilbrigðis. Ástráður skipuleggur
forvarnarfræðslu í flesta ef ekki alla
framhaldsskóla landsins. Ástráður
stendur einnig fyrir forvörnum
fyrir almenning með því að halda
úti heimasíðunni www.astradur.is
og gefa út ýmis fræðslurit. Ástráður
heldur líka kynhvatir sem eru mikil
skemmtikvöld fyrir alla læknanema.
Að endingu vil ég fyrir hönd
stjórnar Félags læknanema þakka
læknanemum fyrir samstarfið á
liðnum vetri. Félag læknanema er
samheldur hópur sem vinnur hörðum
höndum fyrir læknanema með hag
þeirra að leiðarljósi.
Lesstofustjórar hafa yfirumsjón með
lesstofum læknanema. Þeir sjá um
að halda lesstofutfmum til haga og
þannig er tryggt að þeir læknanemar
sem lesa hvað mest fái að velja
hentugustu borðin.
Ritstjóri heimasíðunnar, www.
laeknanemar.is, sér um að hlúa að
þeirri miklu lífæð sem heimasíða
félagsins er. Á heimasíðunni eru
fréttir og upplýsingar til læknanema
frá nefndum og félögum en einnig
eru spjallþræðir sem hvert ár heldur
úti. Heimasíðan hefur reynst mjög
vel og er nú komin í mjög gott form.