Læknaneminn - 01.04.2020, Blaðsíða 103

R
it
rý
n
t
e
fn
i
S
ke
m
m
ti
e
fn
i
o
g
p
is
tl
a
r
10
3
Niðurstöður
Oftast A:
Þú þjáist af imposter syndrome. Þér líður stöðugt eins og þú
eigir ekki heima í læknadeild. Þrátt fyrir góðan árangur tekst
þér stöðugt að sannfæra þig um að það sé einungis vegna
heppni og tilviljana. Þér líður eins og allir í kringum þig séu
með hlutina á hreinu og þú sért einungis að spila með. Þetta
er algeng tilfinning meðal læknanema sem margir upplifa á
einhverjum tímapunkti, sérstaklega í klínísku námi.
Oftast B:
Þú þjáist af hypochondriasis. Þú uppfyllir kannski ekki
greiningarskilmerki fyrir geðgreininguna en tikkar í öll box
fyrir læknanema-hypochondriasis. Þú hefur stöðugar áhyggjur
af því að vera með hina ýmsu sjúkdóma og kvilla sem þú ert að
læra um. Í löngum lista af einkennum finnur þú alltaf eitthvað
sem á við um þig. Þú hefur talað við kennara í frímínútum,
beðið þá um að skoða fæðingarbletti og sannfæra þig um að þeir
séu hættulausir. Þetta er einnig algengt meðal læknanema, þar
sem námið felur í sér að vera stöðugt umkringdur sjúkdómum
og þurfa að leggja á minnið hin ýmsu hættulegu teikn. Þessar
áhyggjur eru þó oftast tilefnislausar og flest einkenni eru algeng
og ósértæk.
Oftast C:
Þú þjáist af akademískum analisma. Þú þarft alltaf að hafa rétt
fyrir þér, véfengir gjarnan það sem aðrir segja nema þau vísi í
ritrýndar greinar. Þú ert með preklíníkina á hreinu og tileinkar
þér einungis klínísk vinnubrögð sem hafa verið sannreynd.
Þér finnst óþolandi þegar sjúklingar tala um óspesifísk
einkenni og huglæga líðan. Það er mjög gott að hafa
nýjustu rannsóknir á bak við sig en mundu að
læknisfræðin er einnig ákveðin list.
Sem læknanemar eyðum við mörgum árum í að læra um alla þá sjúkdóma sem geta herjað á mannkynið.
Eðli lega hefur það einhver áhrif á okkar eigin heilsu, þá sérstaklega andlegu hliðina. Við ákváðum að hanna
þetta nákvæma greiningar próf til að hjálpa þér að komast að því hvaða læknanema heilkenni þú þjáist af,
því eins og við vitum er mikilvægt að hafa sjúkdómsgreininguna á hreinu til að geta hafið meðferð!
Oftast D:
Þú þjáist af því að vera krónískt tjillaður. Þú nennir aldrei að
læra en hefur gaman af klínísku starfi og að sinna sjúklingum.
Þú hefur siglt í gegnum prófin í læknadeild með hjálp góðra
vina og gamalla prófa, skilar því margfalt til baka með því að
halda uppi geðheilsu samnemenda með skemmtilegri nærveru
og góðum partíum. Það er gott að hafa afslappað viðmót og
vera fær í samskiptum þó ekki sé hægt að komast algjörlega hjá
því að lesa.
Oftast E:
Þú þjáist af narcissistiskus maximus syndrome. Þú hefur
óbilandi trú á eigin getu og hæfileikum. “See one, do one, teach
one” er þitt mottó og þú gengur alltaf um ganga spítalans með
stethoscopeið um hálsinn þannig að það fari ekki á milli mála
hvaða stétt þú tilheyrir. Hátt sjálfsálit getur fleytt þér mjög
langt og gott sjálfstraust er mikilvægt en þó verður maður að
gera sér grein fyrir eigin takmörkunum og vita hvenær maður á
að biðja um konsúlt.
LÆ
K
N
IS
F
R
Æ
Ð
I
M
E
M
E
S
ke
m
m
tie
fn
i o
g
pi
st
la
r
10
3