Læknaneminn - 01.04.2020, Qupperneq 96

S
ke
m
m
ti
e
fn
i
o
g
p
is
tl
a
r
9
6
Af hverju er
sérgreinin þín best?
„Langmesta tækifærið fyrir athyglissjúka að koma í útvarps- og sjónvarpsviðtöl þegar faraldrar skjóta upp kollinum eins
og gengur og gerist. Mikið drama alltaf, hvort sem um er að ræða svínaflensuna, Ebólu eða COVID-19. Við dýrkum
þetta (uhhh, nei, í raun ekki)! En alvarlega svarið er að það er svo gaman að lækna sjúklinga og í minni sérgrein eru oftast
miklar líkur á því. Einnig hef ég gífurlega mikinn áhuga á sögu og framförum í HIV sýktum, lyf og þróun og að sinna
margvíslegum vandamálum sem koma upp í tengslum við þeirra líf og störf.“
Bryndís Sigurðardóttir, smitsjúkdómalæknir
„Hjartað er ketó, það étur bara
fitusýrur, nema það sé svelt.“
Karl Andersen, hjartalæknir
„Fjölbreytni, fjölbreytni
og fjölbreytni.“
Ófeigur Tryggvi
Þorgeirsson,
heimilislæknir
„Af því að krakkarnir eru svo fáránlega
skemmtilegir – eða eru einhverjir aðrir
sjúklingar sem gefa þér helminginn af
tyggjóinu sínu?“
Ásgeir Haraldsson, barnalæknir
„Það hefur engin sérgrein fengið fleiri Nóbelsverðlaun í
læknisfræði en ónæmisfræði og sér ekki fyrir endann á því.
Einnig er það ákveðinn kostur að ef ég nefni T-frumur eða
IL-35 á nafn þá fara heilar flestra í bráða alkul.“
Björn Rúnar Lúðvíksson, klínískur ónæmisfræðingur
„Af því að hjartað er svo fallegt líffæri og lungun lítið síðri.
Það er líka gaman að knúsa hjörtu og breyta þeim brotnu
í heil. Án gríns þá er áskorun að vinna með þessi líffæri og
aðgerðir á þeim geta verið krefjandi. Á sama tíma eru þau
alltaf að koma á óvart, jafnvel eftir áratugi í starfi.“
Tómas Guðbjartsson, brjóstholsskurðlæknir
„Sýkla- og veirufræðin er án efa skemmtilegasta sérgreinin og aldrei verið meira spennandi en einmitt nú. Fræðigreinin
er einstök að umfangi því hún fjallar ekki einungis um manninn, eins og nær allar aðrar sérgreinar, heldur um þúsundir
annarra lífvera sem hafa sín eigin sérkenni, lífsferla, hýsla og landsvæði. Sýkla- og veirufræðin er því einstaklega
"lifandi" sérgrein því að eiginleikar og faraldsfræði sýkla og veira breytast hratt og örar tækniframfarir varpa nýju ljósi á
eiginleika þeirra, útbreiðslu og hlutverk í sýkingum. Tæknin gegnir líka æ stærra hlutverki í greiningu smitsjúkdóma á
rannsóknastofunni og þá einkum sameindalíffræðin og massagreining. Það er óhætt að segja að sýkla- og veirufræðingar séu
stöðugt "á tánum" til að fylgja sýklunum eftir og tækninni til að skoða þá! Klíníska hliðin á sérgreininni er einnig skemmtileg,
en hún felur í sér margvíslegar ákvarðanatökur um sýklarannsóknir út frá sjúkratilfellum og samskipti við lækna og aðra heilbrigðisstarfsmenn
á klínísku deildunum. Að lokum má nefna vísindarannsóknir, en hin hraða þróun sem á sér stað um þessar mundir skapar frjóan jarðveg fyrir
vísindastarfsemi. “
Ingibjörg Hilmarsdóttir, sýklafræðingur
„Það er vel þekkt að gigtarlæknar eru hamingjusömustu læknarnir. Við gigtarlækningar
á Íslandi starfar samhentur hópur lækna sem vinna mikið saman. Starfið er
skemmtilegt og ákaflega fjölbreytt. Framþróun er geysileg og unnt að hjálpa
sjúklingum verulega mikið frá því sem var fyrir tveimur áratugum síðan. Þá
er það verðlaunandi að þróa langtíma samband við hóp af sjúklingum sem
maður fylgir eftir í gegnum ólíka fasa sjúkdómsferlisins. Þetta gefur
starfinu mikla dýpt.“
Ragnar Freyr Ingvarsson, gigtlæknir