Ný menntamál - 01.06.1983, Blaðsíða 6

'ónas Pálsson var kjörinn rektor Kennaraháskóla Islands
28. janúarsl. Mun hann taka við starfinu af Baldri Jónssyni. 35 fastráðnir kennarar og 9 fulltrúar nemenda höfðu
kosningarétt og greiddu 42 atkvceði. Jónas Pálsson hlaut 24 atkvæði, Stefán Bergmann 17 og einn seðill var
auður.
Baldur Jónsson hefur verið rektor Kennaraháskólans sl. átta ár og áður var hann konrektor í jáfnlangan tíma.
Samkvæmt lögum má ekki endurkjósa rektor nema einu sinni og gat Baldur því ekki gegnt starfi lengur.
Jónas Pálsson er sextugur að aldri, fæddur að Beingarði í Skagafirði, sonur hjónanna Guðnýjar Jónasdóttur og
Páls Björnssonar sem þar bjuggu. Jónas laukprófifrá Samvinnuskólanum árið 1942 og stúdentsprófifrá Mennta-
skólanum á Akureyri árið 1947. Hann stundaði nám ísálarfræði við Edinborgarháskóla í Skotlandi en síðar fram-
haldsnám í Bandaríkjunum og Englandi.
Jónas hefur unnið margvísleg störf, m.a. sem blaðamaður. Hann starfaði sem ráðgjafi við skólana í Kópavogi á
árunum 1956 - ’60 og var síðan ráðinn forstöðumaður sálfræðiþjónustu barnaskólanna í Reykjavík haustið 1960
þegar fræðsluskrifstofa borgarinnar kom þeirri starfsemi á laggirnar. Jónas var skólastjóri Æfingaskóla Kennara-
háskóla íslands 1971-’82. Hann hóf stundakennslu við Kennaraháskólann 1963 og var skipaður lektor sl. haust.
Jónas gegndi starfi prófdómara í uppeldis- og sálarfræðum við Háskóla Islands á árunum 1968-1980.
Eiginkona Jónasar Pálssonar er Ingunn Hermannsdóttir og eiga þau fimm börn.
Hvers vegna sóttist þú eftir því að ná kjöri sem rektor
KHÍ?
Það voru ákveðnar persónulegar og starfslegar ástæður
sem réðu því. Ég tel t.d. eðlilegt að á undan rektors-
kjöri fari fram umræður um starfið í Kennaraháskól-
anum, þ.e. að kennarar og stúdentar reyni að glöggva
sig á því hvaða markmiðum hafi verið náð og íhuga
hvaða stefnu beri að taka. Þess vegna gaf ég út stefnu-
yfirlýsingu í tilefni kjörsins í því skyni að skapa um-
ræður um málefni skólans. Mönnum hefur e.t.v.
fundist það óvenjulegt — jafnvel ósmekkleg fram-
hleypni — að brjóta venjur að þessu leyti en ég tel það
lítinn ávinning að kjósa rektor úr hópi kennara ef kjör-
inu fylgir ekki eins konar faglegt uppgjör. Hins vegar
tel ég óheppilegt að harðvítug persónuleg eða pólitísk
átök eigi sér stað vegna rektorskjörs. Megintilgangur
minn var að stuðla að því að staðið yrði að kjöri rektors
í KHÍ á annan hátt en tíðkast hefur. Ég vildi jafnframt
enn einu sinni vekja máls á þeim skoðunum varðandi
fræðslu- og skólamál sem ég hef leitast við að túlka
undanfarin 20 ár eða svo og þá við aðstæður þar sem
líklegt væri að afstaða min til málefna birtist í starfi en
ekki einungis í snoturlega orðuðum setningum. Hitt er
svo vafasamt hvort mig langaði innst inni til að „sitja
uppi“ með rektorsembættið.
í stefnuyfirlýsingunni víkur þú að menntastefnu grunn-
skólanna og segir að enn hafi ekki tekist að ná mark-
miðum grunnskólalaga að öllu leyti. Hvað áttu við?
Margt hefur breyst frá því að lögin tóku gildi og margar
breytingar hefðu raunar átt sér stað þótt þau hefðu ekki
verið sett. Eins og vera ber kemur meginstefnan í skóla-
málum fram í fræðslulögum. En stofnanir á borð við
skóla breytast afar hægt. Ég er t.d. sannfærður um að
mikið vantar á að almennar markmiðsyfirlýsingar í
grunnskólalögum, og jafnvel einstakir þættir þeirra,
hafi náð fram að ganga. í þessu sambandi vil ég benda
á mjög mismunandi aðstæður í skólum landsins. Ef ég
nefni þrennt varðandi fræðslu- og uppeldisstarf í skól-
um — kennarann, námsefnið og starfsskilyrðin — þá
tel ég starf kennarans mikilvægast. Þess vegna verðum
við að leggja áherslu á starfsmenntun kennara og reyna
að breyta vinnuskilyrðum þeirra til batnaðar. Almenn
lagasetning um skólastarf dugar lítt ef þessar forsendur
brestur.
Texti: Stefán Jökulsson Mynd: Karl Jeppesen