Ný menntamál - 01.06.1983, Blaðsíða 42

Þann 23. september sl. varði Ólafur J. Proppé doktorsritgerð við IUinois-háskólann í Urbana í Bandaríkjunum.
Ritgerðina nefndi Ólafur A Dialectical Perspective on Evaluation as Evolution: A Critical View of Assessment in
lcelandic Schools. Þessu heiti er ekki auðsnarað á íslensku en lausleg þýðing er: Gagnvirkt sjónhorn á mat sem
þróunarferli — gagnrýnin skoðun á námsmati í íslenskum skólum.
I ritgerðinni gerir Ólafur grein fyrir stefnum og straumum sem snerta mat í tengslum við skólastarf og skýrir
ólíkar forsendur matsins. Hann setur fram kenningu um mat sem hann nefnir gagnvirkt mat (dialectical evalu-
ation) og lýsir þeim grundvallarhugmyndum sem það er byggt á.
Kenningar Ólafs um gagnvirkt mat munu vafalítið vekja athygli leikra og lærðra áhugamanna um heimspeki,
þekkingar- og aðferðafræði. íþeim hluta ritgerðarinnar sem fjallar um námsmat í íslenskum skólum kemur fram
hvöss gagnrýni á fjölmarga þætti skólamála hér á landi og sjónarmið hans og niðurstöður eiga áreiðanlega eftir að
vekja umhugsun og umrœðu. Ólafur vegur mjög að flestum aðferðum sem beitt hefur verið við námsmat í skólum
hér á landi. Hörðustu skeytin beinast að hefðbundnum prófum og þá einkum að samræmdum prófum í 9. bekk
grunnskólans. Ólafur dregur gildi þeirra mjög í efa og telur raunar að þau hafi neikvæð áhrif á skólastarf, á nem-
endur, kennara og þásem annast matið.
Ný menntamál báðu Ólaf að svara nokkrum spurningum um kenningar sínar og helstu niðurstöður. ístuttu við-
tali verður aðeins tæpt á nokkrum atriðum en þeim sem vilja kynna sér málið betur skal bent á að Bóksala stúd-
enta hefur gefið ritgerðina út og fæst hún þar.
Texti: Ingvar Sigurgeirsson Myndir: Karl Jeppesen
42