Ný menntamál - 01.06.1983, Qupperneq 13

Ég er ekki ýkja bjartsýnn um árangur en heldur ekki
vonlaus. Líklega er það hjátrú og aumingjaskapur —
en mér finnst meiri líkur á að fá einhverju áorkað ef ég
ber dálítið lóminn, að sið sveitamanna, og geri mér
ekki of miklar vonir. En menn verða að gera greinar-
mun á svartsýni og raunsæi. Ég tel að ég hafi oftast
farið að með sæmilegri gát þegar ný verkefni kölluðu
að. Ástæðan er m.a. sú að ég hef ekki trú á að hrinda
málum í framkvæmd með offorsi. Hins vegar vænti ég
þess að starfið í KHÍ, þann tíma sem ég kem þar við
sögu, mótist sem minnst af málamiðlunum eða meðal-
tölum. Ég vona að okkur takist að skilja eðli mála, taka
mið af aðstæðum, sjá viðfangsefnin í nýju ljósi og
móta þannig farsæla framkvæmdastefnu þótt okkur
verði vafalaust þröngur stakkur skorinn. Við erum
vitaskuld háð velvilja stjórnvalda en stuðningur kenn-
arasamtaka og áhugi almennings er ekki síður mikil-
vægur. Ég mun beita mér alveg sérstaklega fyrir auknu
samstarfi við kennarasamtökin. Skilningur af hálfu
þessara aðilja er að mínu mati ein helsta forsenda þess
að okkur takist að þoka góðum málum áleiðis.
Ég ætla að gefa mér forsendu í næstu spurningu. Þú
leiðréttir mig ef hún er röng: Þú ert efasemdamaður.
Hvernig heldurðu að sambýli efasemdamannsins og
rektorsins verði?
Ég segi nú eins og pólitíkusar þegar þeir ætla að skjóta
sér undan að svara: Þetta er góð spurning. Samstarfs-
fólk mitt hefur stundum kvartað yfir efasemdum
mínum. En efasemdirnar eru — vona ég — aðeins hluti
af rýnni afstöðu minni. Mér finnst að þekkingin nái svo
skammt; við skiljum svo fátt. Tilveran kringum okkur
er svo óendanlega flókin að ég tel það nauðsynlega var-
úðarráðstöfun gagnvart sjálfum mér og öðrum að segja
oft ,,ef“ og ,,en“. Samstarfsfólk mitt verður sennilega
að venjast þessu. Menn breytast hins vegar með hverju
nýju hlutverki og þá beinist rýnin að öðrum hlutum en
áður. Ég mun ábyggilega halda áfram að efast og
spyrja en ég vona samt að vangavelturnar leiði ekki ein-
ungis til skilgreininga heldur jafnframt til viðleitni í þá
átt að finna raunhæfar og skynsamlegar lausnir.
Lesendur eru ein-
dregið hvattir til
að senda Nýjum
menntamálum
bréf og hvers
kyns efni um
uppeldis- og
skólamál.
Tómstundavörur
HEIMILI^SrSKÓI
í tómstundastarfi sameinast ungir
sem aldnir í gagnlegri sköpun og
þroskandi samvinnu. í verslun
okkar er einstaklega skemmtilegt
úrval af efni og tækjum til
hverskonar tómstundastarfsemi.
Höfum mikiö af efni til skólaföndurs
auk bæklinga og bóka meö fjöl-
mörgum myndum um fallegt og
áhugavekjandi föndur, og aö sjálf-
sögöu alls konar jólaföndur fyrir börn
og fulloröna.
Handíö stendur einnig fyrir fjölbreyttu
námskeiöahaldi þarsem
kennd eru undirstööuatriöi margskonar
handmennta.
Sendum vörulistann okkar ókeypis
hvert á land sem er.
HANDÍD
Laugavegi 26 og Grettisgötu
sími 2 9595
13