Andvari - 01.04.1960, Blaðsíða 48
CARLO SCHMID
Þýzki stjórnmálamaðurinn og menntamaðurinn Carlo Schmid kom hingað til
lands síðast liðið sumar og flutti háskólafyrirlestur þann, sem hér birtist í íslenzkri
þýðingu. Var Carlo Schmid gestur Háskóla íslands. I lann kynntist fornsögum okkar
ungur og dáir þær mjög og hefur mikinn áhuga á íslenzkum málefnum.
Carlo Schmid er varaforseti
þýzka sambandsþingsms í Bonn og
einn af áhrifamestu stjórnmálafor-
ingjum Vestur-Þýzkalands. Var hann
forsetaefni þýzkra jafnaðarmanna við
forsetakjörið í sumar, er leið, þegar
Theodor Heuss lét af embætti. Carlo
Schmid fæddist 3. desember 1896 í
Perpignan á Frakldandi, er lögfræð-
ingur að menntun og starfaði sem
málaflutningsmaður og háskólakenn-
ari um langt áraskeið, en sérgrcin
hans er erlendur réttur og þjóðaréttur.
Eftir síðari heimsstyrjöldina gerðist
hann einn af aðalforingjum þýzka
jafnaðarmannaflokksins, var kosinn
á þing 1949 og hefur verið varafor-
seti þýzka sambandsþingsins frá 1953.
Ennfremur er hann formaður utan-
ríkismálanefndar þess og hefur mjög
komið við sögu slíkra mála undan-
farin ár.
Carlo Schmid er afkastamikill
og víðfrægur rithöfundur, og hók
hans um Macehiavelli nýtur hvarvetna mikillar viðurkenningar. Hann er einstakur
mælskumaður, sjálfstæður og persónulegur í skoðunum og málflutningi og mjög
vinsæll. Er honum hugleikið áhugamál, að samskipti Islendinga og Þjóðverja verði
sem mest og farsælust í framtíðinni. Þótti Carlo Sclimid mikið til um náttúrufegurð
íslands og framfarir þær, sem hér hafa orðið.