Árbók VFÍ/TFÍ - 01.06.2011, Qupperneq 92

f
900
800
700
600
500
400
300
200
100
0
V_____
Laun fullvinnandi á almennum vinnumarkaði eftir starfsstétt
Árið 2010 voru stjórnendur með hæst laun allra starfsstétta. Regluleg laun þeirra voru 713
þúsund krónur að meðaltali á mánuði, regluleg heildarlaun 721 þúsund krónur og
heildarlaun 772 þúsund krónur. Laun voru að jafnaði lægst hjá verkafólki, en regluleg
laun þeirra voru 255 þúsund krónur að meðaltali, regluleg heildarlaun voru 313 þúsund
krónur og heildarlaun 342 þúsund krónur. Greiddar stundir voru flestar hjá verkafólki
eða 46,3 stundir að meðaltali á viku en fæstar hjá stjórnendum og sérfræðingum 39,8.
Hafa ber í huga að fastlaunasamningar eru algengir hjá stjórnendum og sérfræðingum en
í slíkum samningum felst meðal annars að ekki er greitt sérstaklega fyrir yfirvinnu. Þetta
hefur í för með sér að raunverulegur vinnutími er ekki skráður og því geta vinnustundir
verið vanmetnar hjá þessum hópi.
Á mynd hér til hliðar má sjá laun eftir starfs-
stétt árin 2009 og 2010. Súlunni er skipt í
þrennt. Neðsti hlutinn sýnir regluleg laun og
næsti hluti sýnir þá upphæð sem bætist við í
reglulegum heildarlaunum. Efsti hlutinn
sýnir svo þann hluta sem bætist ofan á
regluleg heiidarlaun til að fá heildarlaun.
Þannig sýnir súlan í heild sinni skiptingu
heildarlauna í starfsstéttinni. Þar má sjá að
munur á reglulegum launum og reglulegum
heildarlaunum var mestur hjá iðnaðar-
mönnum og verkafólki árið 2010. Þessi
munur felst fyrst og fremst í fjölda greiddra
yfirvinnustunda.
Þegar regluleg heildarlaun og heildarlaun
eru borin saman á myndinni sést að
munurinn er mestur hjá stjórnendum og
iðnaðarmönnum. Munurinn á reglulegum
heildarlaunum og heildarlaunum getur
legið í ýmsum greiðslum sem ekki eru gerðar
upp á hverju útborgunartímabili, svo sem
frammistöðutengdra greiðslna, hlutdeildar í hagnaði fyrirtækja og uppgjörs á upp-
mælingum. Þessar greiðslur halda áfram að dragast saman frá fyrra ári, sérstaklega hjá
stjórnendum og sérfræðingum. Þó eykst hlutfall þessara greiðslna lítillega á ný hjá
iðnaðarmönnum eftir nokkurn samdrátt á árinu 2009. Þetta bendir til þess að hlutfall
uppmælinga í launum þeirra sé að aukast að nýju.
Regluleg laun allra starfsstétta hækkuðu um 3-8% frá fyrra ári. Mest hækkuðu laun hjá
afgreiðslufólki en minnst hjá tæknum. Heildarlaun hækkuðu á bilinu 2-7%, minnst hjá
sérfræðingum en mest hjá verkafólki og afgreiðslufólki.
Regluleg laun stjórnenda voru 713 þúsund krónur að meðaltali á mánuði árið 2010 og var
miðgildi þeirra 653 þúsund krónur. Þegar algengustu laun karla og kvenna eru skoðuð
kemur í ljós að rúmlega 10% karla voru með hærri regluleg laun en 1.175 þúsund krónur
og var það stærsti hópur karla á ákveðnu launabili. Hins vegar var algengast að regluleg
laun kvenna væru á bilinu 275-325 þúsund krónur og voru 13% kvenna í stjórnendastöðu
með laun á því bili.
Meðaltal reglulegra launa karla í hópi stjórnenda var 748 þúsund krónur og miðgildi
þeirra 677 þúsund krónur. Regluleg laun kvenna í hópi stjórnenda voru að meðaltali 610
þúsund krónur og miðgildi þeirra 576 þúsund krónur.
Við samanburð á dreifingu launa árið 2010 kemur í ljós að dreifing reglulegra launa
stjómenda var töluvert meiri en dreifing launa annarra starfsstétta.
Þúsundir króna Tliousand ISK
09 10 09 10 09 10 09 10 09 10 09 10 09 10 09 10
Alls Total (I) (2) (3) (4) (5) IÐN VERK
Laun fullvinnandi launamanna eftir starfsstétt.
Skýringar: Alls; (1) Stjórnendur; (2) Sérfræðingar;(3)
Tæknar og sérmenntað starfsfólk; (4) Skrifstofufólk;
(5) Þjónustu-, sölu- og afgreiðslufólk; (IÐN) Iðnaðarmenn;
(VERK) Verkafólk.
Heimild:Hagstofa Islands.
9 0
Arbók VFl/TFl 2011