Árbók VFÍ/TFÍ - 01.06.2011, Page 170

eða sameinuð. Umsóknum um nám í verkfræði og tölvunarfræði skólaárið 2010-2011
fjölgaði um 18,5% frá 2010.
I kafla 1.5, á bls. 46 í þessari árbók, er gerð grein fyrir skiptingu kandídata úr verkfræði-
deildum skólaárið 2010-2011 eftir námsleiðum og gráðu ásamt lokaverkefnum.
Eiríkur Þór Ágústsson og
Vigdís Finnbogadóttir.
Minningarsjóður Þorvalds Finnbogasonar stúdents
Um áratuga skeið hefur þeim verkfræðinema, sem hæsta einkunn
hefur á síðasta námsári sínu, verið veitt viðurkenning úr
Minningarsjóði Þorvalds Finnbogasonar stúdents. Verðlaunin
komu að þessu sinni í hlut Eiríks Þórs Agústssonar, nemanda í
rafmagns- og tölvuverkfræði. Formaður sjóðsstjórnar, frú Vigdís
Finnbogadóttir, fyrrverandi forseti íslands, afhenti verðlaunin
þann 21. desemþer við hátíðlega athöfn í Norræna húsinu.
Sjóðurinn var stofnaður til minningar um Þorvald Finnbogason
bróður Vigdísar sem nýlokið hafði stúdentsprófi og var við það að
hefja nám í verkfræði er hann lést. Faðir þeirra var Finnbogi Rútur
Valdimarsson sem var fyrsti forseti verkfræðideildar Háskólans.
Formula Student - hönnun og smíði rafbíls - nemendaverkefni
I síðustu árbók var fjallað um rafbílaverkefni sem nokkrir nemendur höfðu unnið að.
Verkefnið hefur haldið áfram af miklum krafti. Um er að ræða þróunarverkefni sem
nemendur við verkfræðideildir Háskóla Islands vinna að. Þeir þróa, hanna og smíða eins
manns rafknúinn kappakstursbíl frá grunni. Bíllinn er síðan fluttur til Englands þar sem
hann er keyrður í alþjóðlegu keppninni Formula Student sem haldin er á hinni sögufrægu
Silverstone kappakstursbraut. Liðið tók fyrst þátt í keppninni sumarið 2011. Þá náði liðið
gríðargóðum árangri og hlaut Teamwork Award verðlaun frá flugvélaframleiðandanum
Airbus. Verðlaunin eru veitt liði sem hefur sýnt samheldni og útsjónarsemi við hönnun
og smíði síns bíls. Liðið hefur aftur skráð sig til þátttöku sumarið 2012.
íslenski hópurinn fékk mikla athygli frá alþjóðlegum fyrirtækjum eins og Mercedes Benz
og Airbus fyrir þau kerfi sem liðið hannaði í bílinn. Mercedes Benz sýndi mikinn áhuga á
tölvubúnaðinum sem liðið þróaði til að stýra kerfum bílsins en íslenska liðið var hið eina
sem þróaði sinn eigin tölvubúnað.
Yfirlýst markmið verkefnisins næsta
ár er að vera með umhverfisvænsta
bíl keppninnar til að vekja athygli á
umhverfismálum og stuðla að sjálf-
bærni. Til þess að ná þessu markmiði
verður lagt út í mikla nýsköpun en
umhverfisleg sjálfbærni og hönnun út
frá slíkum forsendum er nýtt svið. Til
að mynda er verið að þróa hönnunar-
feril þar sem ákvarðanir eru teknar út
frá heildarmynd bílsins en slíkar
ákvarðanir krefjast svara við spum-
ingum eins og: Stenst þetta efni
hönnunarkröfur? Hvernig er við-
komandi efni/hlutur framleiddur?
Hvaðan kemur efnið sem við viljurn
nota? Hversu endurvinnanlegt er
efnið? Er hægt að framleiða það á
Islandi? Hversu endingargott er það?
1 6 8
Árbók VFl/TFl 2011