Árbók VFÍ/TFÍ - 01.06.2011, Page 201

Efling raforkudreifingar
Samhliða byggingu Skeiðsfossvirkjunar árið 1945 var reist raflína milli Skeiðsfoss og
Siglufjarðar og lá línan um erfitt svæði í Fljótum og yfir Siglufjarðarskarð. Nú hefur
jarðstrengur leyst hluta línunnar af hólmi. Árið 1955 var svo Olafsfjörður og hluti Fljóta
tengdur Skeiðsfossi og Garðsárvirkjun með línu um Lágheiði. Ólafsfjörður var síðan
tengdur við landskerfið 1980 með línu til Dalvíkur (Drangalínu) og lá hún um erfitt
fjalllendi, um Burstabrekkudal, yfir Dranga og til Dalvíkur.
Drangalína var erfið í rekstri, nær árlega varð
tjón á línunni vegna snjóflóða, og var hún
færð margsinnis og endurbyggð. Árið 2006
var tekinn í notkun 20 km langur strengur
sem lagður var í gegn um Múlagöng og
leysti Drangalína af hólmi. Með Héðins-
fjarðargöngum opnaðist ný leið. Ákveðið
var að leggja 33 kV háspennustreng frá
aðveitustöð í Ólafsfirði, um Ólafsfjarðarvatn
og gegnum göngin til Siglufjarðar að nýrri
aðveitustöð, alls 17,4 km. Vegna lýsingar í
Héðinsfjarðargöngum var samhliða lagður
11 kV strengur sömu leið og byggðar þrjár
dreifistöðvar í göngunum. Þessi strengur
þjónar einnig sem varatenging, bæði fyrir
Ólafsfjörð og Siglufjörð.
Samfara lagningu strengja að nýrri aðveitu-
stöð á Siglufirði var ákveðið að klára
breytingar á öllu háspennukerfi bæjarins úr
6 kV í 11 kV. Lagðar voru niður þrjár spenni-
stöðvar í nágrenni nýju aðveitustöðvarinnar
og spennar og búnaður endurnýjaður í
öðrum. Jafnframt var lagður annar 33 kV
strengur frá aðveitustöð á Siglufirði að
mynni Skarðsdals, í stað gamals 22 kV
strengs áleiðis til Skeiðsfossvirkjunar. Á
næsta ári verður haldið áfram upp Skarðsdal
samhliða nýrri hitaveitulögn. Með þessum
framkvæmdum eykst afhendingaröryggi
raforku bæði á Siglufirði og Ólafsfirði.
Fjarálestur sölumæla á Siglufirði og Blönduósi
RARIK hóf fjarmælingar árið 1983 og 1989 voru þær orðnar 120 talsins. í dag er um 30%
af seldri orku hjá fyrirtækinu fjarmæld og um 686 fjarmælingar notaðar við orkusölu hjá
RARIK.
Um áramótin 2009/2010 var ljóst að endurnýja þurfti alla hitaveitumæla á Siglufirði og
Blönduósi eða um 1.050 mæla. Líftími hefðbundinna rennslismæla hjá þessum hitaveitum
hefur verið 4 til 6 ár og aðgengi að sölumælum hefur auk þess verið erfitt í mörgum
tilfellum og kostnaður við hefðbundinn álestur því hár. Frá því að RARIK tók við þessum
hitaveitum hefur verið gefinn afsláttur frá gjaldskrá út frá áætluðu hitastigi hjá
viðskiptavinum, en RARIK hafði hug á að þróa þá söluaðferð lengra og fara að selja
„orkuígildi" með fastsett hitastig í bakrás. Með þetta í huga og þá staðreynd að kröfur EB
og þróun í nágrannalöndum okkar bendir eindregið til þess að orkuveitum verði á næstu
Kynning og tæknigreinar fyrirtækja og stofnana i 199