Árbók VFÍ/TFÍ - 01.06.2011, Blaðsíða 248
eru hinar sömu í öllum valkostunum. í töflu 1 má sjá lykiltölur úr greiningunni, meðal
annars samanburð tekna sem þarf á hvern fermetra á mánuði þessi 30 ár sem verkefnið
nær til. Það kemur í ljós að umfangsmikil endurnýting byggingar og efna (valkostur A)
gefur langlægstar nauðsynlegar leigutekjur til að standa undir kostnaði eða 1.053 kr/m2 /
leið B gefur 2.117 kr/m2 og 2.967 kr/m2 ef leið C er valin. Umfangsmikil endurbygging/
valkostur B, er í þessari greiningu um 65% af nýbyggingarkostnaði.
I greiningunni var miðað við 30 ára rekstrartímabil, eins og áður segir, og útreikningar
miðaðir við að stofnkostnaður væri greiddur að fullu á tímabilinu. Ekki var tekin afstaða
til hrakvirðis að þessum tíma loknum, þar sem ýmsar aðstæður munu hafa á hrif á það
þar sem tímabilið er langt og óvíst hvaða breytingar í forsendum kunna að eiga sér stað.
Það er erfitt að gera gæðasamanburð á milli valkostanna án þess að skilgreina fyrst í
hverju gæði felast. Það hlýtur þó að vega þungt fyrir notandann að hann fái aðstöðu sem
hentar starfsemi hans og á verði sem hann er tilbúinn að greiða. Þetta gildir um valkost
A, en valkostum B og C var hafnað af Keili vegna of mikils kostnaðar.
Tafla 1. Lykiltölur kostnaðargreiningar skólahiísnæðis Keilis, Reykjanesbæ.
Lykiltölur
NPV verkefnis
IRR verkefnis
Tekjur sem þarf í verkefni á mánuði
Heildarframkvæmdakostnaður
Heildarstofnkostnaður
Hlutfall tekna sem þarf í verkefnið á mánuði
Hlutfall heildarframkvæmdakostnaðar
Hlutfall heildarstofnkostnaðar
Eining Leið A LeiðB Leið C
kr 0 0 0
% 6,00 6,00 6,00
kr/m2 1.053 2.117 2.967
kr/m2 30.418 205.898 370.018
kr/m2 71.860 247.340 387.405
O/ /o 35,5 71,4 100
O/ /o 8,2 55,6 100
o/ /o 18,6 63,8 100
Skýringar:
NPV; verðmæti verkefnis eftir 30 ár (endurgreiðslutími 30 ár)
IRR; innri vextir fjárfestingar
Umhverfisáhrif og verktími
Arðsemi fjárfestingar verður samt að skoða út frá mismunandi forsendum. Meðvitund
um umhverfisáhrif losunar á skaðlegum lofttegundum í andrúmsloftið hefur aukist.
Líklegt er að auknar kröfur verði gerðar í framtíðinni hvað varðar frekari endurnýtingu á
byggingarefnum og endurskilgreiningu á mannvirkjum sem til staðar eru. Með því að
sýna fram á minni notkun á nýjum byggingarefnum ætti það að leiða af sér sparnað á
náttúrulegu hráefni, minnka losun á óæskilegum úrgangsefnum út í andrúmsloftið og
krefjast minni urðunarsvæða.
Til þess að meta árangur endurnýtingar í minni efnisþörf var skráð hversu miklu efni
þurfti að farga á verktíma og einnig magn nýrra efna sem keypt voru til verksins. Þetta
var síðan borið saman við magntöku á hinum tveim valkostunum. Eðlisþyngd efnanna
var áætluð útfrá upplýsingum frá framleiðendum og söluaðilum og efnismagn vigtað
með vog eða áætlað í samráði við verktaka og hönnuði. Reynt var að gera magnáætlun
fyrir valkosti B og C, sem ekki voru framkvæmdir, sem ítarlegasta en fylling undir
2 4 6
Arbók VFl/TFl 2011