Árbók VFÍ/TFÍ - 01.06.2011, Side 307

• Röng notkun byggingarefna.
Hvorki hönnuðir sem velja slík byggingarefni né verktakar sem nota þau hafa
reynslu af þeim né þekkingu á hvemig þau skuli notuð. Hér vil ég nefna sem dæmi:
-Varmamót en þau krefjast sérhæfðra lausna m.a. fyrir frágang á hæðaskilum,
kringum glugga og hurðir og við þakbrún sem ekki er á allra færi. Niðurstaðan er sú
að lekavandamál eru algeng í þessari gerð húsa.
- Notkun samlokueininga í útveggjum. Hönnuðum og verktökum hættir til að velja
einingar í alltof flókin mannvirki sem eru margflötungar og á mörgum pöllum
o.s.frv.
- Múrklæðningar á útveggjum eru einnig varasamar í notkun. Þrátt fyrir að hönnun á
ýmsum deililausnum sé öllum aðgengileg er sú hönnun ekki notuð af hönnuðum eða
iðnmeisturum.
• Mannvirki eru ekki byggð í samræmi við sampykkta uppdrætti.
Þetta hefur m.a. orðið til þess að hönnuðir hafa þurft að breyta upprunalegri hönnun
simii í þá veru sem byggt er eða eins og sagt er: Mannvirkið er teiknað eftir á.
Hvatinn til þess að hönnuðir láta leiðast til þess að teikna eftir á er gjarnan fjár-
hagslegur, en með því að gera slíkt hafa hönnuðir tekið að sér ábyrgð alls óskyldra
aðila.
• Skráðir byggingarstjórar og iðnmeistarar koma ekki að byggingu þeirra mannvirkja sem þeir
eru skráðirfyrir.
Þetta veldur því að rangir aðilar eru gerðir ábyrgir fyrir framkvæmd á meðan þeir
sem sáu um framkvæmdina eru lausir mála. Slíkt fyrirkomulag eykur hættuna á að
byggingarframkvæmdin sé ekki í samræmi við hönnun, lög og reglugerðir. Orsök
þessa er oftast fjárhagslegs eðlis. Fyrir þann sem byggir hús er kostnaðarsamt að hafa
byggingarstjóra og iðnmeistara sem rækja skyldur sínar að fullu á meðan kostnaður
við „lepp" er tiltölulega lítill.
• Byggingarfulltrúar sinna ekki eftirlitsskyldu sinni í áfangaúttektum.
Alltof algengt er að byggingarfulltrúar framkvæmi ekki áfangaúttektir eins og gert
er ráð fyrir. Ástæða þessa er oftast sú að byggingarfulltrúaembættin eru undir-
mönnuð og geta ekki sinnt þessari skyldu sinni. í stað þess framvísa þeir þessari
skyldu til byggingaraðilans í skjóli reglna um eigið eftirlit byggingaraðila.
• Reglur um eigið eftirlit og áfangaúttektir eru þverbrotnar.
Þegar byggingaraðila er falið að hafa eftirlit með eigin verkum verður að fylgjast með
því að það eigi sér stað. Algengt er að skotist sé undan þessari skyldu þannig að
skráning á framvindu byggingarframkvæmda sé ófullkomin og á þetta sérstaklega
við um smærri byggingar eins og einbýlishús, parhús og raðhús.
• Mannvirki eru tekin í notkun áður en lokaúttekt hefur fariðfram.
í gallamálum er þetta nánast undantekningarlaus staðreynd.
• Skráning Fasteignaskrár á byggingarstigi mannvirkja samræmist ekki skráningu byggingar-
fulltrúa.
Algengt er að sjá fasteignir skráðar á byggingarstigi 7 í Fasteignaskrá Þjóðskrár
íslands en þegar skráning byggingarfulltrúa er könnuð kemur í ljós að lokaúttekt
hefur ekki farið fram og að skráð byggingarstig er á lægri stigum.
• Rangar upplýsingar um byggingarstig eru veittar í söluyfirliti fasteignasala.
Vegna þess sem hér að framan er getið verða upplýsingar í söluyfirliti fasteignasala
villandi og gefa ekki rétta mynd af þeirri fasteign sem til sölu er hverju sinni.
Tækni- og vísindagreinar
3 0 5