Morgunblaðið - 19.12.1991, Blaðsíða 29

MORGUNBLAÐIÐ FIMMTUDAGUR 19. DESEMBER 1991
29
keppnisjafnrétti um aðgang að
höfnum og hafnaraðstöðu til at-
hafna, m.a. á íslandi. Það hefur
lítið farið fyrir kynningu utanríkis-
ráðherra á þessum „böggli“ EES-
samninganna. Hafa menn hugleitt,
að samkvæmt þessu gætu fiskiskip
EB-ríkja landað fiski í gáma í ís-
lenskum höfnum og flutt beint á
erlendan markað?
í samningsviðaukanum um sjáv-
arútvegsmál segir ennfremur, að
hann skuli endurskoða annað hvert
ár, fyrst fyrir árslok 1993. Þar er
talin vera ein ástæðan fyrir sigur-
fögnuði Spánverja. Þeir þekkja
EB-réttinn betur en við og vita að
undanþágur frá meginatriðum
gilda aðeins til bráðabirgða. Við
síendurtekna endurskoðun fisk-
veiðiheimildanna í íslenskri fisk-
veiðilögsögu annað hvert ár telja
þeir sig geta fært sig smátt og
smátt upp á skaftið, fengið stærri
og stærri kvóta til að veiða nytja-
fiska í hinni gríðarstóru fiskveiði-
lögsögu íslands uns lokamarkmið-
inu verði náð í samskiptum risans
við smáríkið og fiskveiðistefna EB
komi að fullu í gildi í sjónum um-
hverfis ísland. Samningaferlið hef-
ur þegar sýnt, að við allar endur-
skoðanir verða lausir endar og allt
sem túlka má á tvo vegu túlkað
EB í hag til hins ýtrasta en okkur
í óhag.
Lokaorð
Hvenær ætlar almenningur og
forustumenn okkar að rumska og
vakna til varnar bestu hagsmunum
íslands í þessu máli?
Getur það verið, að fólk sætti
sig við það, að fórnað verði hluta
af fullveldinu til lagasetningar og
dómsvalds auk þess sem fiskveiði-
lögsagan verði opnuð fyrir flota
EB fyrir minni háttar tollalækkan-
ir, sem auðvelt væri að ná án slíkra
fórna, samanber nýgerða fríversl-
unarsamninga Færeyinga við EB?
Höfundur er félagsfræðingur og
fyrrverandi sendiherra.
Pálmaolía y
í jólamatinn
Sími/fax 612295.
mtamælar
- 50 til + 1000 C
í einu tæki meö elektrón-
ísku verki og Digital sýn-
ingu.
Vesturgötu 16 - Símar 14680-13280
Vilhjálmur Egilsson um álagningu jöfnunargjalds:
Gjaldendur gætu höfðað mál
VILHJÁLMUR Egilsson,
framkvæmdastjóri Verslun-
arráðs og þingmaður Sjálf-
stæðisflokksins, segist vel
geta trúað að gjaldendur
ynnu dómsmál gegn álagn-
ingu jöfnunargjalds eins og
aðstæður væru í dag. Hann
segist hafa lýst andstöðu sinni
við gjaldið innan þingflokks
sjálfstæðismanna.
Jöfnunargjaldið hefur undan-
farna daga verið til umræðu á Al-
þingi. Snúast þær aðallega um lög-
mæti gjaldtökunnar, sem nú nemur
3% og leggst á allar innfluttar vör-
ur, og Friðrik Sophusson fjármála-
ráðherra hefur lýst því yfir að hann
telji gjaldið löglegt hér á landi og
öllum beri að fara að þeim lögum.
Hann sagði málið hafa verið borið
undir báða þingflokka stjórnar-
flokkanna og samþykkt af þeim.
Vilhjálmur Egilsson sagði við
Morgunblaðið, að hann hefði verið
í útlöndum á þingmannafundi
EFTA-ríkjanna, þegar þetta mál
var afgreitt í þingflokki sjálfstæðis-
manna, en hann hefði áður látið í
ljós afstöðu sína til jöfnunargjalds-
ins við forustumenn flokksins en
þeir hefðu kosið að taka ekki tillit
til þess.
Vilhjálmur sagðist telja, að jöfn-
unargjaldið væri andstætt fríversl-
unarsamningi íslands og Evrópu-
bandalagsins, enda hafi EB þegar
borið fram kvartanir vegna þessa.
Einnig álítur hann allar forsendur
fyrir gjaldtökunni löngu horfnar,
en gert hafði verið ráð fyrir að jöfn-
unargjaldið hyrfi um leið og virðis-
aukaskatturinn kom. Að auki kveð-
ur hann að gjaldið kunni að veikja
samningsstöðu íslands við Evrópu-
bandalagið á næstunni - „málið
snýst um hvort við viljum vera í
hópi þjóða sem tekið er mark á eða
ekki“, segir Vilhjálmur.
Friðrik Sophusson fjármálaráð-
herra sagði í Morgunblaðinu í gær
að hann teldi meirihluta á Alþingi
fyrir framlengingu jöfnunargjalds-
ins, en það yrði fjarlægt um mitt
næsta ár og bjóst hann við að
EFTA-þjóðirnar hefðu biðlund með
íslendingum þangað til.
Vilhjálmur kvaðst hins vegar
munu bíða og sjá hvort meirihluti
yrði fyrir frumvarpinu, en vissulega
væri sá möguleiki fyrir hendi að
setja hreinlega lög er heimiluðu
gjaldtökuna.