Morgunblaðið - 19.12.1991, Page 50

50
MORGUNBLAÐIÐ FIMMTUDAGUR 19. DESEMBER 1991
Nokkrir flytjendanna á tónleikunum.
Morgunblaðið/Sigurður Jónsson
Húsfyllir á jólatón-
leikum í Selfosskirldu
Qolfncci
HINIR árlegu jólatónleikar í Selfosskirkju fóru fram sunnudaginn
15. desember og voru að venju fjölsóttir. Afrakstur tónleikahalds-
ins rennur til kirkjunnar og hefur komið í góðar þarfir við þá
uppbyggingu sem þar hefur verið undanfarin ár.
Tónleikahaldið endurspeglar að
verulegu leyti tónlistarlífið á Sel-
fossi. Flytjendur á tónleikunum
voru Skólahljómsveit Selfoss og
Lúðrasveit Selfoss undir stjórn
Asgeirs Sigurðssonar, Barnakór
Sandvíkurskóla og tveir bjöllukór-
ar úr sama skóla undir stjórn Jón-
ínu Guðmundsdóttur, Kór aldr-
aðra undir stjórn Sigurveigar
Hjaltested, Kór Fjölbrautaskóla
Suðurlands undir stjórn Jóns Inga
Sigurmundssonar, Karlakór Sel-
foss undir stjórn Ólafs Sigurjóns-
sonar, Samkór Selfoss undir
stjórn Jóns Kristins Cortes og
Bamakór Selfosskirkju og Kirkju-
kór Selfoss undir stjórn Glúms
Gylfasonar.
Húsfyllir var á tónleikunum
sem fóru fram síðdegis og um
kvöldið. í lokin afhenti einn flytj-
endanna, Þóra Gunnlaugsdóttir,
séra Sigurði Sigurðarsyni afrakst-
urinn, rúmar 200 þúsund krónur.
Sigurður þakkaði viðstöddum
komuna og flytjendum fyrirhöfn-
ina og lét þess getið hversu mjög
hinn þróttmikli flutningur og
framganga tónlistarfólksins end-
urspeglaði öflugt menningarstarf
þess á Selfossi. í lokin sungu síð-
an viðstaddir Heims um ból.
Sig. Jóns.
*
Kennarasamband Islands mót-
mælir tillögnm ríkissljóniarinnar
í ályktun sem Kennarasamband íslands hefur gert er tillögum
ríkisstjórnarinnar, sem birtast í frumvarpi til laga um ráðstafanir í
ríkisfjármálum, harðlega mótmælt. I ályktuninni segir að tillögurnar
auki á kjaraskerðingu launafólk, vegi að starfsöryggi þess og dragi
úr þjónustu velferðarkerfisins.
„Með tillögum sínum ræðst ríkis-
stjórnin enn einu sinni á þá þjóðfé-
lagsþegna sem búa við bágust kjör
og eiga erfiðast með að verja sig
árásum hennar, í stað þess að sækja
aukið fjármagn með skattlagningu
á háar launatekjur og fjármagns-
gróða,“ segir í ályktuninni, sem
gerð var á fundi Kennarasambands
Islands sl. föstudag.
Þar segir ennfremur að nái tillög-
ur ríkisstjórnarinnar fram að ganga
sé augljóst að þær muni enn tor-
velda samningagerð og auka líkur
á frekari átökum launafólks og
vinnuveitenda.
I annarri ályktun sem gerð var
á fundi stjórnar Kennarasambands-
ins er varað við tillögum til breyt-
inga á grunnskólalögum, sem nú
liggja fyrir Alþingi. Um það segir
að ekki verði betur séð en með til-
lögum ríkisstjórnarinnar séu gerðar
grundvallarbreytingar á grunnskól-
alögum í skjóli ráðstafana í ríkisfj-
ármálum.
„Mjög hæpið er að þær tillögur
sem fyrir liggja verði til sparnaðar
í skólakerfinu þegar á heildina er
litið, hættara er við að þær muni
kalla á kostnaðarsamar hliðarráð-
stafanir auk þess sem þær vega
gróflega að hagsmunum nemenda
og foreldra þeirra og gera skólunum
enn erfíðara en nú er að sinna lög-
boðnum skyldum sínum,“ segir í
ályktuninni.
Alþýðusamband Norðurlands:
Mótmæli við skerðingxi
sj ómannaafsláttar
MIÐSTJÓRN Alþýðusambands Norðurlands mótmælir harðlega
fyrirhugaðri skerðingu á sjómannaafslættir segir í ályktun frá
Alþýðusambandi Norðurlands sem samþykkt var á fundi 13. des-
ember.
í þessu sambandi bendir stjóm-
in á þann mikla aflasamdrátt sem
verður á yfírstandandi fiskveiðiári
og þýða mun verulega kjaraskerð-
ingu fyrir sjómannastéttina. Frek-
ari einhliða kjaraskerðingar af
hálfu stjórnvalda eru því fráleitar
og ekki til þess fallnar að stuðla
að farsælli lausn á yfirstandandi
kjaradeilum.
Stjórnvöld hafa lýst því yfir að
sjómannaafslátturinn sé ekkert
annað en niðurgreiðsla á launa-
kostnaði útgerðarinnar. Vilji menn
falla frá slíkum niðurgreiðslum
væri því réttara að senda útgerð-
inni reikninginn í formi samhliða
breytinga á skiptareglum eða
kostnaðarhlutdeild sjómanna.
JÓlatréð í Stykkishólmi. Morgunblaðið/Árni Helgason
Stykkishólmur:
Jólatréð komið upp
Stykkishólmi.
VINABÆRINN okkar, Drammen í Noregi, sendir Stykkis-
hólmsbúum alltaf stórt og myndarlegt jólatré fyrir hver jól og
nú er jólatréð í ár komið og búið að koma því fyrir í skrúðgarð-
inum okkar, Hólmgarði.
Senn verða ljósin tendruð. Þá safnast bæjarbúar saman við söng
og iúðrablástur og ávörp og er það hátíðleg stund.
- Árni
Velkomin í verslunina Jötu, við Laugaveginn ofanverðan
Háift hundrað bílastæða norðan búðarinnar.
Það tilheyrir jólunum að fara í Jötuna.
Opið virka daga frá 9 - 22.00
Laugardaga frá 10-22.00
Sunnudaga frá 18-22.00 ^
Sendum í póstkröfu.
l/erslunin