Morgunblaðið - 20.11.1999, Side 10

10 LAUGARDAGUR 20. NÓVEMBER 1999
MORGUNBLAÐIÐ
Tekist á um fyrir-
komulag við úthlutun
lóða í Grafarholti
Minni-
hlutinn
ósáttur við
útboð
SJÁLFSTÆÐISMENN gagnrýndu
tillögur um úthlutun lóða í Grafar-
holti harkalega á fundi borgarstjórn-
ar í fyrrakvöld. Borgarstjórn sam-
þykkti tillögurnar, sem höfðu áður
hlotið samþykki borgarráðs, en þær
fela meðal annars í sér að bjóða á út
byggingarétt á langflestum íbúðar-
lóðum í hverfinu.
Vilhjálmur Þ. Vilhjálmsson, borg-
arfulltrúi Sjálfstæðisflokksins, lýsti
þeirri skoðun sinni að skipulags- og
lóðamál borgarinnar hefðu verið í
mestu ógöngum í tíð meirihluta R-
listans í borgarstjórn. Hann sagði
hægt og bítandi hafa orðið til ástand
sem skapaði brask með lóðir og
hækkandi íbúða- og leiguverð. Vil-
hjálmur telur eðlilegt að miða gatna-
gerðargjöld við þann kostnað sem
íylgir því að gera hverfí byggingar-
hæft en hafnar þeirri leið R-listans
að hleypa lóðunum á „uppboðsmark-
að“. „Nú er lóðaskortur. Nú eru lok-
aðar dyr. Nú er uppboð,“ sagði Vil-
hjálmur. Hann segir ljóst að það
verði aðallega öflugustu byggingar-
fjrirtækin sem taki til sín þær lóðir
sem boðnar verða út. Sjálfstæðis-
menn lýstu einnig mikilli óánægju
með útboðsskilmálana, sem þeir
sögðust efast um að stæðust út frá
jafnræðissjónarmiðum.
Ingibjörg Sólrún Gísladóttir borg-
arstjóri segist gera sér vonir um að
tiilögurnar um úthlutun lóða í Graf-
arholti vísi fram á við. „Við munum,
ef það koma upp annmarkar á þeim,
sníða þá af síðar meir en ég er sann-
færð um það að þetta er farsælli leið
og þetta er sanngjarnari leið heldur
en hér hefur verið farin hingað til,“
sagði borgarstjóri.
Tillaga sjálfstæðismanna felld
Breytingartillaga sjálfstæðis-
manna um að verð á lóðum fyrir fé-
lagslegt og sérhæft húsnæði í Grafar-
holti yrði miðað við gatnagerðargjald
eins og það er í dag var felld. Sam-
kvæmt tillögum meirihluta borgar-
stjómar sem samþykktar voru á
fundinum í fyrrakvöld verður bygg-
ingarétturinn á þessum lóðum seldur
á fostu verði; 530 þúsund krónur fyrir
íbúð í fjölbýÚ, 1650 þúsund fyrir rað-
hús og 2 milljónir og 700 þúsund fyrir
einbýlishús. Borgarstjóri óskaði eftir
að færð yrði til bókar í borgarstjóm
bókun R-listans úr borgarráði þar
sem fram kemur að ef þær félagslegu
byggingar sem um er að ræða verða
til þess að létta á biðlistum hjá Fé-
lagsþjónustunni eftir félagslegu
leiguhúsnæði eða vistrými fyrir aldr-
aða geti borgarráð ákveðið að veita
styrk á móti hluta af gjaldinu.
---------------
*
Utsvar í borg-
inni 11,99%
ÁLAGNINGARSTUÐULL útsvars
verður 11,99% á tekjur Reykvíkinga
á árinu 1999. Þetta var samþykkt á
fundi borgarstjórnar á fimmtudag
gegn atkvæðum minnihlutans. Sjálf-
stæðismenn lögðu fram bókun þar
sem bent er á að það hljóti að vera
skylda borgaryfirvalda að halda
álögum á borgarbúa í lágmarki.
I bókuninni segir meðal annars:
„Nú liggur fyrir að skatttekjur hafa
aukist um mörg hundmð milljónir
króna umfram áætlanir vegna þessa
árs og jafnframt að Orkuveita
Reykjavíkur greiðir af eigin fé 4
milljarða króna í borgarsjóð.
Þegar þessar staðreyndir um fjár-
mál borgarinnar eru hafðar í huga
og að fasteignaskattar munu að öll-
um líkindum hækka töluvert á næsta
ári hlýtur það að vera skylda borgar-
yfirvalda að halda álögum á borgar-
búa í lágmarki.“
FRÉTTIR
Málefni Reykjavíkurflugvallar rædd á fundi sem sjónvarpað var til átta staða
Kostnaður af flugi til Akur-
eyrar myndi hækka um 15%
MÁLEFNI Reykjavíkurflugvallar
og innanlandsflugs voru til um-
ræðu á fundi samgöngunefndar Al-
þingis sem haldinn var í Háskólan-
um á Akureyri í gær, en fundinum
var sjónvarpað til alls átta staða á
landinu, Vestmannaeyja, Reykja-
víkur, Akraness, ísafjarðar, Sauð-
árkróks, Siglufjarðar, Egilsstaða
og Hornafjarðar.
Um hálf milljón farþega ferðast
með innanlandsflugi árlega og búa
70% notendanna á landsbyggðinni
að því er fram kom í erindi Þor-
geirs Pálssonar flugmálastjóra, en
hann sagði farþegum fjölga jafnt
og þétt þótt vegakerfið hafi batnað.
Vegna þessa sagði hann mikilvægt
að miðstöð farþegaflugsins í
Reykjavík væri á góðum stað og
einnig vegna sjúkraflugs, þ.e. að
flugvöllurinn væri í námunda við
sjúkrahúsin í höfuðborginni. Þá
nefndi hann að Vatnsmýrin væri
heppilegur staður hvað veðurfar
snerti.
Hvað framtíðina varðar væri
um tvo kosti að ræða, að flugvöll-
urinn væri áfram í Vatnsmýrinni
eða hann yrði fluttur og þá líkleg-
ast til Keflavíkur. Nefndi hann
ýmsa ókosti við flutning, en hann
myndi hafa í för með sér að marg-
ar áætlunarleiðir legðust af og
farþegum myndi fækka stórlega á
öðrum leiðum. Helstu rök fyrir
flutningi sem nefnd hefðu verið
væri sú mengun sem fylgdi
Reykjavíkurflugvelli á núverandi
stað, þar með talin hávaðameng-
un, en gripið hefði verið til ráð-
stafana til að stemma stigu við
henni. Þá væri áhætta nefnd fyrir
fólk á jörðu niðri, en samkvæmt
úttekt breskra sérfræðinga væri
hún innan viðunandi marka t.d.
samkvæmt breskum viðmiðunum.
Nefnt hefði verið að betur mætti
nýta þetta landssvæði í hjarta
borgarinnar, en að sögn flugmála-
stjóra krefðist flugvöllur minna
lands en vegakerfið.
Kristján Þór Júlíusson, bæjar-
stjóri á Akureyri, sagði að sú mið-
stöð innanlandsflugsins sem
Reykjavíkurflugvöllur væri hefði
gert landsbyggðarfólki auðveldar
fyrir að nýta kosti okkar dreifbýla,
fámenna og stóra lands. Yrði þessi
samgöngumiðstöð lögð af þyrfti að
skilgreina upp á nýtt verkefni og
þjónustuhlutverk höfuðborgarinn-
ar. Tók Kristján skýrt fram að það
væri mál Reykvíkinga hvort þeir
vildu hafa flugvöll innan borgar-
markanna eða ekki og önnur sveit-
arfélög hefðu ekkert um það að
segja, en meðan Reykjavík væri
höfuðborg landsins, miðstöð
stjómsýslu og máttarstöð menn-
ingar- og viðskiptalífs og sam-
gangna liti hann svo á hún væri að
þessu leyti einnig sín.
Er mögulegt að
fækka flugbrautum?
Helgi Hjörvar, forseti borgar-
stjómar Reykjavíkur, hvatti til víð-
tækrar, málefnalegrar og efnis-
legrar umræðu um málið og sagði
að slíkri umræðu stefnt áður en til
atkvæðagreiðslu meðal Reykvík-
inga um framtíð Reykjavíkurflug-
vallar kæmi á næsta ári. Þar yrði
öllum valkostum velt upp og sjón-
armið kynnt. Áður en til atkvæða-
greiðslunnar kæmi yrði könnuð af-
staða íbúa landsbyggðarinnar til
málsins svo borgarbúum yrði hún
kunn áður en gengið yrði til at-
kvæða. Sagði Helgi að margt hefði
verið gert til að auka sátt borgar-
búa um flugvöllinn.
Helgi sagði það íhugunarefni
hvort allt það svæði sem nú væri
lagt undir Reykjavíkurflugvöll
Fram kom á fundi samgöngunefndar
Alþingis um framtíð Reykjavíkurflugvallar
að við flutning innanlandsflugs til Keflavík-
ur myndi flugleiðin lengjast um 10 mínútur
hvora leið og ffugkostnaður hækkaði um
15%. Kostnaður flugfélaganna við bygg-
ingu flugskýlis og aðstöðu yrði ekki
undir 1,5 milljörðum króna.

Morgunblaðið/Sigurður Mar
Flugvöllurinn er ekki
einkamál Reykvíkinga
Hornafírði. Morgunblaðið
Á HORNAFIRÐI telja menn að
flugvöllurinn í Reykjavík sé alls
ekki einkamál Reykvíkinga,
heldur sé flugvöllurinn málefni
allra landsmanna. Garðar Jóns-
son, bæjarsljóri Hornaíjarðar,
segir að það sé skýr afstaða
Homfírðinga að Reykjavíkur-
flugvöllur eigi að vera í höfuð-
borginni. Hann bendir á að verði
flugvöllurinn færður til Keflavík-
ur muni sá tími lengjast talsvert
sem fer í að komast til Reykja-
víkur. Garðar segir að ekki sé
hægt að horfa framhjá þeirri
staðreynd að miðstöð stjórnsýsl-
unnar í landinu sé í Reykjavík,
sem öll sveitarfélög á landinu
þurfí að eiga töluverð samskipti
við. Samgöngur séu nógu erfiðar
til höfuðborgarinnar, að ekki sé
farið að lengja ferðalagið með
því að færa völlinn út fyrir höf-
uðborgarsvæðið.
væri nauðsynlegt og velti upp þeim
möguleika að fækka flugbrautum.
Þær eru nú þrjár, en Helgi vildi að
skoðað yrði hvort tvær eða jafnvel
ein myndi duga og benti á að ein
braut væri nóg á Akureyri. Nefndi
hann að á vegum Orkuveitu
Reykjavíkur hefði verið skoðað að
setja snjóbræðslukerfi undir flug-
brautirnar en rekstrarkostnaður
við slíkt verkefni gæti numið um 50
milljónum króna á ári. Slíkt kerfi
gæti haft mikinn sparnað í för með
sér hvað snjómokstur varðar og
gerði flugvöllinn einnig öruggari að
öllu leyti.
Inga Jóna Þórðardóttir, fulltrúi
minnihlutans í borgarstjórn, sagði
Reykjavík hafa skyldur við landið
allt. Enginn vafi væri í sínum huga
að ef flugvellinum yrði lokað þýddi
það endalok innanlandsflugsins.
Guðjón Hjörleifsson, bæjarstjóri
í Vestmannaeyjum, sagði að á
þessu ári hefðu sjúkraflug frá Eyj-
um til Reykjavík verið 41, nánast
eitt á viku að meðaltali. Staðsetn-
ing flugvallarins í námunda við
sjúkrahúsin skiptu sköpum varð-
andi sjúkraflugið.
Guðmundur Bjamason, bæjar-
stjóri í Fjarðarbyggð, vakti athygli
á þeim aukna tíma sem færi í
ferðalög farþega í innanlandsflugi
yrði það fært til Keflavíkur, en
flestir vildu ljúka sínum erindum á
sem skemmstum tíma. Það hefði í
för með sér mikið óhagræði og
kostnað.
Ellert Eiríksson, bæjarstjóri í
Reykjanesbæ, sagði flesta á því að
Reykjavíkurflugvöllur yrði víkj-
andi mannvirki eftir 2016. Fróð-
ustu menn teldu að íslendingar
myndu eiga fullt í fangi með að
reka einn fullbúinn flugvöll í fram-
tíðinni og þá væri staðsetningin
augljós, Keflavíkurflugvöllur.
Sesselja Jónsdóttir, bæjarstjóri í
Olfusi, benti á ákjósanlegt land í
sveitarfélaginu undir flugvöll kæmi
til flutnings. Halldór Halldórsson,
bæjarstjóri í Isafjarðarbæ, sagði
flutning flugvallarins vera málefni
Reykvíkinga, en afar mikilvægt
væri fyrir notendur að hann væri
innan höfuðborgarsvæðisins. Það
yrði þó jákvætt fyrir landsbyggð-
ina yrði völlurinn færður nógu
langt í burtu, það myndi eflaust
flýta fyrir flutningi opinberra
starfa út á land.
Borgaði sig fyrir flugfélögin að
kaupa ReykjavíkurflugvöII
Sigurður Aðalsteinsson, flug-
rekstrarstjóri Flugfélags íslands,
sagði að yrði innanlandsflugið fært
til Keflavíkur myndu flugleiðir
lengjast, þannig myndi flugleiðin
milli Keflavíkur og Akureyrar
lengjast um 10 mínútur hvora leið
og flugkostnaður hækkaði um 15%.
Aukakostnaður legðist á öll flug,
alla daga um ókomna framtíð og
kostnaði auðvitað velt út í verðlag-
ið. Um samnýtingu á Keflavíkur-
flugvelli fyrir utanlands- og innan-
landsflug sagði Sigurður að sparn-
aður yrði ekki mikill. Kostnaður
flugfélaganna við byggingu flug-
skýlis og aðstöðu yrði ekki undir
1,5 milljörðum króna. Beinn
rekstrarkostnaður Flugmála-
stjórnar af Reykjavíkurflugvelli
sem félli niður í kjölfar flutnings er
um 200 milljónir á ári. Árlegur
ferðakostnaður flugfarþega í inn-
anlandsflugi milli Reykjavíkur og
Keflavíkur yrði 315 milljónir á ári
og aukinn flugkostnaður um 250
milljónir til viðbótar. „Það myndi
því hreinlega borga sig fyrir flugfé-
lögin að kaupa Reykjavíkurflugvöll
og reka hann fyrir eigin reikning
fremur en að flytja til Keflavíkur,
ef það stæði til boða,“ sagði Sigurð-
ur.
Einar Björnsson, flugrekstrar-
stjóri hjá Islandsflugi, velti einnig
íýrir sér auknum kostnaði ef til
flutnings flugvallar kæmi og sagði
margt mæla á móti slíkum flutn-
ingi, lengri ferðatími, meiri líkur á
seinkunum, farþegum myndi
fækka verulega eða allt að 150 þús-
und á ári, sem væri um það bil sá
íjöldi farþega sem ferðaðist með
Islandsflugi. Þá taldi hann að
landsbyggðin myndi einangrast
enn frekar eftir því sem flugferð-
um fækkaði. Flugfélögin berðust í
bökkum, en afleiðingar flutnings
myndu bitna verulega illa á þeim.
Pétur H. Armannsson, formaður
samtakanna Betri byggð, sagði
Reykjavíkurflugvöll hernaðar-
mannvirki og byggðan upp á for-
sendum stríðs en ekki innanlands-
flugs á íslandi. Taldi hann brýna
þörf fyrir að finna flugvellinum
nýjan stað og sú umræða þyrfti að
hefjast nú þegar.
Fyrir fundinn sendu samtökin
Betri byggð frá sér ályktun þar
sem þau gagnrýndu hvernig staðið
var að fundi samgöngunefndar,
sem hefði verið skipulagður án
samráðs við borgaryfirvöld eða al-
mannasamtök í borginni. „Tiltæki
meirihluta samgöngunefndar er
gróf íhlutun í málefni Reykjavíkur
og tilraun til þess að svipta höfuð-
borgina forræði yfir skipulagsþró-
un svæðisins til langrar framtíðar."
Óhagræði og
kostnaður fyrir farþega
Bjarki Brynjarsson í Vest-
mannaeyjum, Öm Ingólfsson, ísa-
firði, Þórhalla Þórhallsdóttir,
Akureyri og Soffía Lárusdóttir,
Egilsstöðum, töluðu fyrir hönd far-
þega á þessum stöðum og voru
sammála um að óhagræði og kostn-
aður myndi fylgja flutningi flug-
vallar frá núverandi stað fyrir far-
þega.
Fyrirspurnir sem bárust frá
fundarmönnum vítt um landið
voru m.a. um hver áhrif flutningur
flugvallarins hefði á ferðaþjón-
ustu, um sjúkraflug og hvort fyrir-
huguð flugstöðvarbygging þyrti
ekki að fara í umhverfismat. Þor-
geir Pálsson flugmálastjóri sagði
flugstöðvarbygginguna ekki þurfa
í umhverfismat, ekki væri um að
ræða nýtt mannvirki heldur end-
urbyggingu á húsi sem staðið
hefði í 58 ár.
Tveir þingmenn Reykjaness,
Kristján Pálsson og Hjálmar Árna-
son, bentu á að umræður væru
miðaðar við stöðuna nú, en ekki
væri vafi á að önnur staða yrði uppi
eftir um 20 ár þegar að því kæmi í
fyrsta lagi að flytja flugvöllinn.