Skírnir - 01.01.1912, Blaðsíða 11

Listin að lengja lífið.
11
ónógu fæði, eru sjaldnari og hættuminni; ennfremur heiir
læknaetéttinni fjölgað og læknarnir færari orðnir að stemma
stigu fyrir hættulegum farsóttum, yflrsetukonur eru betri,
og loks er áfengisnautn miklu minni en áður. En
það má hins vegar orða þetta öðru vísi og segja að fram-
farirnar séu því að þakka, að við nú séum orðnir miklu
betur að okkur í heilsufræði en áður, en reyndar gildir
það ekki um þjóðina í heild sinni, heldur þá, sein henni
stjórna.
Við megutn nú ekki láta við svo búið standa, heldur
halda svo fram stefnunni og komast langt á undan öll-
um öðrum, og það er okkur í lófa 1..gið ef vilji er með.
Til mikils er að vinna, því auk þess sem mannslífin eru
dýrmæt í sjálfu sér, þá eru þau líka ákaflega mikils virði
ef þau eru metin til peninga. I skýrslum um landshagi
á íslandi fyrir árið 1906 bls. 112—113 hefir herra Indriði
skrifstofustjóri reiknað út, að vér íslendingar spörum ár-
lega rúmlega hdlfa aðra miljón Jcróna, fyrir þann sparnað
á mannlifum og lengingu meðalæfinnar, sem eg áður gat
um. — Vil eg biðja menn að lesa um þetta í skýrslunum
sjálfum og það með athygli.
Því meira sem maður sér af sjúkdómum og horfir
upp á af mannlegum þjáningum, því betur lærist manni
að hægt hefði verið á ýmsan hátt að koma í veg fyrir
mikið af þessarri eymd, ef ráð hefði verið í tíma tekið.
En vissulega má mikið því um kenna, að grundvallar-
atriði heilsufræðinnar eru ekki enn þá orðin almenningi
kunn. Heilsul'ræðin er enn þá ung vísindagrein og kenn-
ingar hennar hafa svo lítið verið fluttar út meðal fólksins.
Heilsufræði þarf að prédika fyrir öllum frá unga aldri,
engu siður en kristin fræði, því í rauninni er undarlegt
að hugsa til þess, að sí og æ er verið að prédika fyrir
fólki um eilífa sælu í öðru lífi, sem vér þekkjum lítið eða
ekkert til, en á það er sjaldan minst, hver ráð séu til að
koma í veg fyrir sjúkdóma og þjáningar í þessu lífi, sem
þó allir þekkja, að er harla gott, meðan heilsan er góð.
Og þó eru læknarnir bráðum að verða jafn margir og