Árbók Hins íslenzka fornleifafélags - 01.01.1959, Blaðsíða 23

26
ÁRBÓK FORNLEIFAFÉLAGSINS
Baöstofa (V), séö austur. Vi/rnar til hægri. — Bathroom (V); door to the left.
staðar er gólfið um 30 sm hærra. Talsvert er af steinum í gólfi,
einkum í norðvesturhluta þéss. Gólfið er mjög kolaborið einkum
frammi fyrir hlóðum og mön austur eftir miðju gólfi. Við norður-
vegg og við suðurvegg austan dyra var naumast hægt að tala um
gólfskán, og raunar var hún einnig óljós við austurvegg miðjan.
Virðast hafa verið bekkir við alla- veggi, nema á milli eldstæðis
og dyra, en um breidd þeirra er ekki unnt að segja, en breiðastur
virðist bekkurinn hafa verið í norðvesturhorni, norðan við eldstæðið;
þar gæti hafa verið rúmlega 1 m breiður pallur, eða þar kynni
að hafa staðið ílát á gólfi fyrir vatn eða viðarkol.
Þetta hús hefur staðið hærra en öll önnur hús á bænum, og af
þeirri ástæðu hafa veggir þess varðveitzt illa. Nú er ekki hægt að
sjá hvernig eldstæðið hefur verið útbúið nema neðanvert. Þess
vegna gæti það hafa verið útbúið sem ofn, en um það skal ekkert
fullyrt. ! [
I eldstæðinu voru neðst viðarkol og aska, en yfir kolunum var