Árbók Hins íslenzka fornleifafélags - 01.01.1959, Qupperneq 25

28
ÁRBÓK FORNLEIFAFÉLAGSINS
ekki hærra upp1)- Efri brún vindaugans í IV er einnig í líkri hæð
sem baðstofuþröskuldurinn.
í baðstofu myndast mikil gufa og væri efalaust óheppilegt að
hana gæti lagt inn í hin bæjarhúsin. Af þeirri orsök einni er sjálf-
sagt, að baðstofan standi hærra en önnur hús á bænum, ef hún
er þá ekki byggð ein sér án sambands við önnur hús.
1 V fundust 2 brýni, 2 snældusnúðar og brot úr eirpotti. Gæti
það bent til að húsið hafi verið notað til fleiri starfa en baða.
VI. Áustan við II var hús, sem sneri fram á stéttina. Það hefur
farið verst af öllum húsum á bænum. Tóftin virðist hafa staðið
lengi opin, 'og loks iiefur verið byggður kofi inni í henni (tóftin
austan við „skðifuHa“ sbr. bls. 7). Þá hafa veggirnir í VI verið
rifnir svo gjörsa'mlega, að ekkert stendur eftir af þeim nema lítið
eitt af norðausturhorni og báðir kamparnir. Af þessum veggjaslitr-
um og gólfskáninni má þó sjá upphaflega stærð tóftarinnar. Hún
hefur verið 7,25 m löng frá norðri til suðurs, 3,45 m víð innst,
og á milli dyrakampa voru 2,10 m. Frammi á milli dyrakampanna
er gólfið hellulagt, en úr því kemur innar í húsið hættir þessi hellu-
lögn, en þó er mikið af hellum og flötum steinum um allt gólf,
en út við veggina og undir þeim er talsvert af hnullungum og hleðslu-
steinum, flestum smáum. Þó hér sé talað um dyrakampa, var raun-
ar beinn veggur vestan hússins innan frá gafli og út að stétt, en
að austan virðist vera kampur, 1,5 m að þykkt, og krókurinn norðan
hans í mesta lagi 40 sm, en vera má að veggurinn þar hafi einnig
verið beinn, og húsið hafi víkkað jafnt framan frá stétt inn að
gaflhlaði.
Allt gólfið mátti heita úr ösku og kolum, en utarlega á miðju
gólfi var allstór öskuhrúga og dálítið af steinum niðri í henni, en
ekki var þetta hlaðið né flórað eldstæði, en þó er líklegast, að þarna
hafi eldurinn verið kyntur, og er trúlegast að húsið hafi verið ein-
hvers konar eldhús.
1 sömu hæð og gólfið hurfu gólfskánir inn undir veggi bæði að
austan og vestan, innan við mitt hús. Að vestan er þessi gólfskán
1 m að breidd, og virðast þar hafa verið dyr. Er stoðarhola þar
að sunnan, en steinn, sem gæti verið undan stoð, að norðan. 1 aust-
urvegg er gólfskánin 1,75 m breið, en óljósari. Enginn efi er á
því, að þetta ei’ frá eldra byggingarstigi, enda sáust þess merki,