Árbók Hins íslenzka fornleifafélags - 01.01.1959, Blaðsíða 129
SKÝRSLA ÞJÓÐMINJASAFNSINS 1957
131
Enn fremur safnaði Stefán prófessor Einarsson í átta hreppum
í Suður-Múlasýslu og- fjórum í Norður-Múlasýslu. Hann hafði ame-
rískan styrk til þessa starfs, en handritin afhenti hann Þjóðminja-
safninu.
Viðhald gamalla húsa. Á síðastliðnu ári var lokið við að gera
við gamla bæinn á Grenjaðarstað, en eftir var þó að byggja fyrir-
hugað loftræstingarkerfi í hann. Á þessu ári voru lagðar loftrásir
um allan bæinn, samkvæmt tillögum verkfræðinga hjá Traust h.f.,
en enn þá er eftir að koma blásaranum fyrir. Ekkert varð heldur
úr því, að Byggðarsafn Þingeyinga flytti í bæinn á árinu, en það
verður áreiðanlega á komandi vori.
Hafizt var handa um viðgerð bæjarins í Laufási, sem hingað til
hefur verið látinn sitja á hakanum. Þykir þó sjálfsagt að láta ekki
þennan gagnmerka bæ eyðileggjast héðan af, þó að hann sé að
vísu illa kominn. Þó er mesta furða, hve lítið fúnir viðir bæjarins
eru. Sigurður Egilsson frá Laxamýri tók að sér að stjórna fram-
kvæmdum í Laufási, og með honum voru Guðmundur Þorsteinsson
frá Lundi og fleiri. Alls var unnið í Laufási um 14 vikur og gerð
upp baðstofan, eldhús og búr, kennslustofa og brúðarhús eða með
öðrum orðum öll hús aftan við burstahúsin, sem fram á hlaðið vita.
Verkið gekk ágætlega og verður öllu hið ytra lokið næsta sumar,
ef hægt verður að vinna með sama krafti.
Gengið var frá olíukyndingu í Hólakirkju, og virðist hún reyn-
ast vel.
Byrjað var að gera við gamla bæinn á Hólum í Hjaltadal og lokið
við framhúsin. Það verk vann Valdimar Stefánsson, sem áður hefur
gert að bæjarhúsunum á Ökrum.
I Glaumbæ þurfti að gera við eina skemmu frá rótum, en á Keld-
um hrundi gamla eldhúsið og þurfti að byggja það upp. Þess skal
getið, að lokið var við að gera rækilega við Keldnakirkju, en safnið
lagði fram nokkurt fé til þess verks, vegna þess að gamli bærinn
má heita að hafa nokkrar skyldur við kirkjuna, þar sem hans vegna
kemur miklu fleira fólk á staðinn en ella.
Loks er þess að geta, að á þessu ári var að nýju byggt yfir rúst-
irnar í Stöng í Þjórsárdal. Gamla þakið frá 1939 var orðið með
öllu ónýtt, enda frá upphafi lítt til frambúðar. Að þessu sinni var
það afráðið að hafa þakið úr járni og láta það ná vel út á brún-
u'nar. Voru reknir niður gildir tjörusoðnir símastaurabútar og grind
fest á þau, en sperrur reistar á grindinni. Þakið er traustlegt og mynd-