Árbók Hins íslenzka fornleifafélags - 01.01.1959, Qupperneq 19

22
ÁRBÓK FORNLEIFAFÉLAGSINS
í miðju. Hér og hvar voru hellublöð í gólfinu og út við langveggi,
50—70 sm frá vesturhornum voru öruggir stoðarsteinar, en í sjálf-
um hornunum hafa líklega ekki staðið stoðir.
Sá hluti hússins, sem er austan (framan) við þetta þil, er hin
eiginlega stofa. Hún er rúmlega 4,6 m löng, 2,8 m víð í innri enda,
og 3,1 m í fremri enda. Úr dyrum er gengið inn á gólf, sem er
frekar slétt og þó mishæðótt. Með þremur veggjum eru 'pallar. Við
norðurvegg er moldarpallur með nokkrum steinum í frambrún, en
ekki hefur sú brún verið hlaðin, framan í henni voru leifar af fjöl.
Pallurinn var 40—50 sm breiður, allt að 30 sm hár, og endaði 1
m frá dyrum, en hurð virtist hafa verið þar innst í stofugöngum,
og þar við vegginn fannst járnhlutur, sem líklega er úr hjörum.
Þverpallurinn var hlaðinn úr fallegum steinum, 40—50 sm breiður
(miðað við klefaþilið) og allt að 50 sm hár og er jafnhár gólfinu
í klefanum. Pallurinn nær þvert yfir stofuna. Við syðri enda þver-
pallsins virðist hafa verið gengið í klefann um þröngar dyr (ekki
víðari en 45 sm), þar er hola eftir stoð eða hæl í frambrún þver-
pallsins, og er trúlegt að sá hæll hafi borið suðausturhorn trébilju
á pallinum. I horninu sunnan við stoðarholuna var frekar flái en
pallur, en 1 m austar en klefaþilið byrjaði aftur langpallur við
suðurvegg með stórum steini í frambrún (og óljósari stoðarhola
nær vegg), en síðan myndast frambrún pallsins af 4 þunnum stein-
um, sem eru reistir á rönd og snúa fallegri sléttri hlið fram að
gólfinu. Frammi fyrir þeim austasta var eldstæSi. Þessi hluti lang-
pallsins endaði rétt á móts við austurenda nyrðra langpalls. Hann
er 40—70 sm breiður og um 30 sm hár. í króknum austan við pall-
endann eru enn steinar í röð 25 sm frá suðurvegg og 20 sm hærri
en gólfið fyrir framan, og hefur ef til vill verið bekkur í króknum.
Eflaust hafa trébiljur verið yfir pöllunum öllum. Framan á nyrðra
langpalli hefur líklega verið þiljað, því trúlegt er að tréð, sem þar
var, sé úr því þili. Einnig má vera, að þiljað hafi verið framan á
þverpallinn, en framan á syðra langpalli hefur aldrei verið þiljað,
enda hefur verið kyntur eldur þar nærri á gólfinu, og þess vegna
er hin haganlega steinbrún gerð þar.
Utantil á miðju gólfi við syðra langpall var lágur bingur. Þegar
hann var rofinn, kom í ljós að efst í honum var torf, en þar undir
öskulög og sorp. Er ekki vafi á, að þar hefur verið eldstæði, en
sérstakur umbúnaður var þar ekki, hvorki hellulagt gólf né hlóðir,
en þar nærri á gólfinu voru nokrir stórir steinar lausir undir