Árbók Hins íslenzka fornleifafélags - 01.01.1959, Blaðsíða 13

16
ÁRBÓK FORNLEIFAFÉLAGSINS
þess var stór sléttur steinn upp við vegginn, og virðist hann vera
undan stoð. Þvert yfir miðgólfið lá stór steindrangi, sem gæti verið
undan þröskuldi, ef hann er ekki sjálfur þröskuldurinn. Frá stein-
inum lá mön af smásteinum upp að norðurvegg, og upp við hann
voru hærri steinar, og gæti stoð hafa staðið á þeim, en steinamönin
virðist vera undan þili. Gólfið austan þessa þils er mjög óljóst.
Miðgólf heldur þó áfram rétt austur að gafli, en virðist þó ekki
hafa náð alla leið. Má vera að þverpallur hafi verið þar við gafl-
inn. Svo til mitt á milli þils og gafls voru sléttir steinar út við
veggina og einnig í báðum hornum rétt austur við gafl. Þeir virð-
ast vera undan stoðum. I miðri frambrún syðra „setsins" og í sömu
línu upp við gafl voru einnig steinar, sem virtust vera undan stoð-
um, en í framlínu nyrðra „sets“ var þetta ekki eins ljóst, en þó
er flatur steinn eða hella í gólfi þar sem miðstoð hefði átt að
standa. Báðum megin miðgólfsins eru breiðar grjótskákir. Hin syðri
er með beinni frambrún, 1,90 m breið, en hin nyrðri er óreglu-
legri, og er frambrún hennar ekki bein lína. Hafi verið trégólf
yfir grjótinu við veggina, er eðlilegast að þar hafi verið tvö set,
hvort um 1,90 m að breidd og miðgólf óþiljað, tæplega 1 m á
breidd, en upp við gaflinn hafi verið mjór trépallur eða sæti. Á
miðgólfinu voru dálitlar trjáleifar sitt til hvorrar handar, rétt aust-
an við steindrangann, og gætu þær verið úr aurstokkum eða set-
brúnum. Allur var austurendi skálans (austan þilsins) mjög óljós.
Þar var mikið af grjóti og rofmold á gólfi og náði talsvert upp
í vikurinn, en hvorugu megin miðgólfs var eiginlega neina gólfskán
að finna. Mögulegt er, að eitt jafnhátt timburgólf hafi verið í
öllum þessum enda hússins og að miðgólfið sé frá eldra bygging-
arstigi.
Skálinn á milli þilja er 6,4 m langur. Trúlegt er, að þiljað hafi
verið innan á veggi, en þess sáust ekki örugg merki. Hann skiptist
í þrennt eftir endilöngu. Set með veggjum fram og lægra gólf í
miðju. Syðra setið er víðast um 1,90 m breitt frá vegg að fram-
brún, en þar sáust lóðrétt skil í vikrinum frá vestra þili austur
fyrir miðjan skála á 3,80 m kafla og vantaði þó í á tveimur stöð-
um. Er svo að sjá, að þetta séu leifar af þilju framan á setinu,
en hvort hún hefur náð upp fyrir setbrúnina varð ekki séð. Austur
undir eystra þilinu sáust einnig trjáleifar í gólfi þar sem aurstokks
var að vænta. Mikið grjót var á setinu allsstaðar nema vestast, og
komu fram skil í því þvert yfir setið, eins og því hefði fyrst verið