Árbók Hins íslenzka fornleifafélags - 01.01.1959, Blaðsíða 99
RÆNINGJADYSJAR OG ENGLENDINGABEIN
101
Dysjarnar orðnar þaktar grjóti, sem ferðamenn kasta að þeim frá
götunni, nú eru þarna óvéfengjanleg mannaverk á, það var einmitt
þarna, sem ræningjarnir voru dysjaðir, enda heita dysjarnar Ræn-
ingjadysjar og Ræningjalaut fyrir ofan. Á einhvern þessu líkan hátt
hafa munnmælin myndazt, því að í ,,dysjum“ þessum hefur vissu-
lega aldrei neinn verið dysjaður. Líku máli gegnir að líkindum
um þorra þeirra „dysja“, sem finnast við alfaraleiðir og ferðamenn
hafa kastað saman smátt og smátt á löngum tíma.
En vel má vera, að enn kunni að finnast fleiri bein fallinna Eng-
lendinga á Höfðaströnd og það nær Mannskaðahóli en beinin við
Höfðaá, því að bærinn er þó áreiðanlega kenndur við þessar óeirðir,
Mannslagshóll.
Kristján Eldjárn.
2. Rannsóhn mannabeinanna.
Eins og lýsingin á beinafundinum ber með sér, tók bóndinn í
Höfða allmikið af beinunum, en sumt var tekið upp síðar úr ruðn-
ingnum eftir jarðýtuna. Þótt eitthvað af þeim beinum hafi verið
í nokkurn veginn eðlilegri afstöðu hvert til annars, voru öll beinin
látin saman í kassa, og af fundarskýrslu er engan stuðning að fá
um það, hvaða bein eigi saman.
Heillegar hauskúpur eru fjórar og nokkur brot úr þeirri fimmtu,
og önnur bein gefa ekki ástæðu til að álíta, að beinin séu úr fleiri
en fimm beinagrindum, svo sennilega er það rétt tala. Að minnsta
kosti er öruggt, að færri hafa þær ekki verið.
Ég hef merkt hauskúpurnar E1—E5 og reynt að ákveða, hvað
hinna beinanna ætti við hverja þeirra. Þetta er auðvelt hvað E1
viðvíkur, því að sú beinagrind sker sig mjög úr hinum að því leyti,
að hún er úr manni, er hefur ekki verið búinn að taka út fullan
vöxt, en hin beinin er yfirleitt mjög erfitt að staðfæra, því þau
virðast öll vera úr karlmönnum, sem hafa verið á svipuðum aldri
og líkir að hæð. Þó að ég því hér á eftir telji þessi bein eiga við
einhverja hauskúpanna E2—E5, þá er það um sum þeirra aðeins
nieira eða minna líkleg tilgáta.
El: Hauskúpan var öll mölbrotin, en það tókst að líma hana
saman, nema andlitið. Við þessa hauskúpu eiga efri partur af
spjaldbeini, 3 rif, hægra herðablað og upparmsbein, öll framhand-