Árbók Hins íslenzka fornleifafélags - 01.01.1959, Blaðsíða 122

124
ÁRBÓK FORNLEIFAFÉLAGSINS
sem voru í eðlilegri afstöðu hvert til annars, þannig að handleggur-
inn var beinn. Fast norðan við ölnbogahluta handleggsins sást svört
rák í moldinni. Hún var samsíða og um 10 sm sunnan við syðri
hlið nyrðri kistunnar, en ekkert sást til kistubotns né loks og eng-
inn umbúnaður annar, er ætla mætti að hefði verið um líkið. Stein-
arnir, sem áður er vikið að og lágu í röð ofan á beinunum, gátu
allir verið úr klöppinni er myndaði undirstöðuna undir Smiðjuhól
og voru ekki þesslegir, að þeir væru úr þekju yfir beinagrindinni
né úr hleðslu um hana. Sennilegast er, að jarðýtan hafi skilið þannig
við þá, þó ekkert verði fullyrt um það nú. Undir steinunum komu
í ljós neðri brjóstliðirnir, allir lendarliðir og efri hluti spjaldbeins
ásamt beinum úr hægri framhandlegg, bringubeini og talsverðu af
rifjabrotum, sem lágu sitt á hvað í graut, og innan um þau fannst
mathnífur nokkru lengri en sá er fannst í nyrðri gröfinni. Allir
hryggjarliðirnir (21 að tölu) og spjaldbeinið lágu í nokkurn veginn
réttri röð, en þeim var bylt og umturnað á ýmsa vegu og lágu
sunnar en svarar til eðlilegrar fjarlægðar frá vinstri handlegg, en
hinsvegar var hryggurinn samsiða handleggnum og í nokkurn veg-
inn eðlilegri hæðarafstöðu við hann. Bæði mjaðmarbeinin og vinstri
sköflungur höfðu legið ofanjarðar og voru í vörzlu bóndans. Lær-
leggirnir lágu fjær spjaldbeini og vinstri handlegg en eðlilegt gæti
talizt og einnig óeðlilega langt á milli þeirra, svo að þeir hafa einnig
verið færðir úr stað. Kringum neðri enda þeirra fundust nokkur
smábein úr hendi og fæti. Hægri sköflungur og dálkur fundust ekki
og ekkert frekar úr hauskúpunni, en vinstri dálkur var nokkru suð-
austan við vinstri lærlegg, en þó varla í upprunalegri legu. Stærð
grafarinnar var ekki hægt að ákveða né legu beinagrindarinnar
með vissu, en sé gengið út frá því að vinstri handleggur hafi verið
á sínum upprunalega stað, þá hefur þessi gröf verið nokkru grynnra
tekin en sú nyrðri, og mun því hafa ráðið klöppin, en niður á
hana hefur gröfin náð að sunnanverðu, en í norður af klöppinni
smádýpkaði á henni. Ennfremur verður ráðið af legu handleggsins,
að líkið hafi verið lagt til á alveg sama hátt og hið nyrðra. Til
þess bendir einnig að veðruð eru nokkur hægi'i bein (mjaðmarbein,
herðablað, viðbein og lærleggur) og þrjú hægri leggbein vantar
alveg (upphandleggsbein, sköflung og dálk). Jarðýtan hefur vafa-
laust komið að austan eða suðaustan og tekið dýpra til fóta af
gröfunum, en síðar hækkað á sér og skafið burt og fært til það
sem hæst bar á í gröfunum, sem hefur verið hægri hlið syðri beina-