Eimreiðin - 01.05.1916, Blaðsíða 4

8o
undinn og lagður í snatri á hinn sjúka líkamshluta. Utan yfir
sjálfan kuldabaksturinn eru svo lagðir 2—3 þurrir dúkar, helzt úr
ull, svo að engin væta komist í rúmið.
Að þessi einfalda lækningaraðferð getur hjálpað gegn ýmsum
sjúkdómum, er bezt sönnun þess, hve mikilsverð styrking taug-
anna, einkum æðatauganna, er fyrir líf og heilsu manna. Köldu
böðin, og þá líka köldu vatnsbakstrarnir, hafa, eins og áður var
á drepið, þau miklu áhrif á líffærin, að efnabreytingin verður skjót-
ari; og af því leiðir aftur, að hin sjúku líffæri eða limir fá betri
og meiri næringu, og enn fremur, að hin eðlilegu gagneitur lík-
amans gegn ýmsum sjúkdómum myndast skjótar og öflugar.
Hlutverk læknis þess eða hjúkrunarkonu, sem notar þessar
lækningaaðferðir, er að sjá um, að erting (irritation) taugakerfisins
verði ekki úr hófi fram; því þá getur það skyndilega lamast og
hlutaðeigandi fallið í ómegin eða yfirlið. Pess verður og að gæta,
að kuldaáhrifin verði ekki of sterk eða langvinn. fað gegnir þó
furðu, hve vel menn þola köld böð, jafnvel ísköld böð, án þess
að sýkjast eða fá ofkælingu. Rétttrúaðir Rússar skíra börn sín á
þann hátt, að þeir dýfa þeim niður í straumvötn, ár eða fljót, og
skirrast þeir ekki við að gera það, þótt þeir verði að höggva vak-
ir í ísinn á vetrum, til þess að skírnarathöfnin geti fram farið. Og
samkvæmt frásögn Troels Lunds í »Dagligt Liv i Norden« var
skírnarbörnum á 16. og 17. öld vanalega dýft niður í kalt vatn.
Margir trúarflokkar skíra og enn þann dag í dag á þann hátt, og
menn verða meira að segja stundum að dýfa sér 3—7 sinnum
niður í hið kalda vatn, þótt um hávetur sé, og það bæði börn,
fullorðið fólk og gamalmenni. í fyrravetur var um 30 manns
skírt á þennan hátt hér á vesturströnd Jótlands, og á meðal
þeirra voru gamlar konur yfir sjötugt. Og ekki er þess getið, að
nokkrum hafi orðið meint við þessa köldu skírnarathöfn.
Eftir að maður hefir laugað sig í köldu vatni eða tekið kalt
steypibað, á maður að finna hlýjan yl færast um allan líkamann.
Ef maður verður ekki var við þesskonar tilfinningu, en þvert á
móti við kuldahroll eða skjálfta, þá er hætt við, að ofkæling hafi
átt sér stað, og er þá um að gera, að fá sem fljótast aftur hita
í kroppinn, helzt með húðnuggi og líkamsæfingum, eða þá að
hátta niður í volgt rúm og drekka einhvern heitan drykk. Ylur-
inn, sem færist um líkamann eftir köld böð, orsakast af aukinni
blóðsókn til hörundsins og stæling og styrkingu tauga, æða og