Ársrit Ræktunarfélags Norðurlands - 01.01.1982, Side 15

búgreina, sem þar er að staðið á sama tíma, með laxeldisstöð
og loðdýrabúi, leggja vonandi traustar undirstöður að fastri
hlutverkaskrá skólans um komandi tíma, jafnframt og húsa-
kostur staðarins hefur verið færður til hæfis nútíma kröfum.
Við 100 ára afmœlið.
Nýir tímar beina hugum ungmenna að þeim fjölbreyttu
verkefnum og fagsviðum, sem framtiðin býður. Nýjar reglu-
gerðir og lagafyrirmæli skapa og móta nýja vegu, svo á sviði
landbúnaðar sem á öðrum leiðum þjóðfélagsins. Á sviði
búskapar er eðlilegt að minnast á, í sambandi við menntun
við bændaskólana, að áður sóttu þá eingöngu piltar, en nú
dvelur þar við nám hópur kvenna árlega, rétt eins og gerst
hefur í grannlöndum okkar um áraraðir, ekki síst í Finnlandi.
Þannig mótast fleiri og traustari rætur búskaparins. Vera má
að hér hafi mótast ný viðhorf þegar á árunum í kring um 1930
voru opnaðar dyr til venjulegs alþýðuskólanáms að nokkru á
Hólum og ungar stúlkur sóttu það. Hitt getur líka nokkru
ráðið, að með fenginni tækni og vélgengi eru ýmiss bústörf
jafn auðunnin af konum sem körlum með aðstoð vélanna,
bæði við heimilishald og venjuleg bústörf. Með þetta í huga
má víst slá því föstu, að framtíðarhlutverk við bændaskólana
eru og verða rækt af bæði konum og körlum, bæði nemar og
kennarar eru þar úr hópi kvenþjóðarinnar hlutgengir jafnt og
karlmenn. Á því stigi stöndum við nú þegar Bændaskólinn á
Hólum hefur haldið hátíðlegt 100 ára afmæli sitt.
f ágústmánuði 1981 kvaddi landbúnaðarráðherra 5 menn
til að undirbúa og leggja drög að þeim atburðum, sem skyldu
fram fara þegar skólinn yrði 100 ára. Nefndin skyldi m.a.
ákveða hátíðisdaginn og kanna færar leiðir til þess að gera svo
merkt afmæli eftirtektarvert og áhugavert með fjölbreyttu
hátíðahaldi, enda öruggast að gamlir nemendur og aðrir vel-
unnarar skólans mundu fjölmenna þangað. Ákvörðun
nefndarinnar mælti svo fyrir m.a. að afmælið yrði hátíðlegt
haldið 4. júlí 1982. Samið skyldi afmælisrit, merki yrði
hannað fyrir skólann, frímerki gefið út á vegum póst- og
2
17