Frjáls verslun - 01.10.1994, Qupperneq 56

ERLENDIR FRETTAMOLAR
SKILNAÐURIACOCCA
Skilnaður við maka er ekki það
skemmtilegasta, sem menn lenda í á
sjötugasta aldursárinu, ogþað verður
víst ekki gerður greinarmunur á rík-
um og fátækum þegar hjónabandserf-
iðleikar eru annars vegar. Það er ein-
mitt þetta, sem Lee Iacocca, fyrrum
forstjóri Chrysler í Bandaríkjunum og
heimsþekktur bílasali, hefur þurft að
takast á við undanfarið. Hin 55 ára
gamla Darrien Iacocca var veitinga-
hússtjóri í Los Angeles þegar þau
gengu í það heilaga í mars ’91, nánar
TEXTI: STEFÁN FRIDGEIRSSON
tiltekið í úthverfi í Detroit. Stutt sæl-
an það en spumingin er hvort skilnað-
armál þeirra hjóna muni taka á sig
mynd bandarískrar sápuóperu þar
sem mikið er í húfi. Hafa þau sótt um
skilnað í sitthvoru fylkinu, eiginmað-
urinn í Michigan og konan í Kaliforníu.
Lee er ákafur í að ganga frá skilnaðar-
máli þeirra hjóna í Michigan þar sem
talið er að reglur fylkisins um „sann-
gjarna skiptingu" eigna sé í hófsamari
kantinum. Til að ná markmiði sínu
verður hann að sanna búsetu sína í
fylkinu yfir 180 daga tímabil fram að
þeim degi er hann sækir um skilnað.
Darrien Iacocca sótti hins vegar um
skilnað sinn á vesturströndinni en tal-
ið er að þargildandi reglur kveði á um
að eiginkonan fái helming þess er
hjónin öfluðu meðan þau voru í hjóna-
bandi. Þetta væri kannski ekki í frá-
sögur færandi nema þekkt fólk og
miklir fjármunir væru í húfi.
Eftir að Lee Iacocca hætti störfum
hjá Chrysler ’92 bjóst eiginkonan við
að hann myndi hægja á ferðinni. Ekki
varð raunin sú því þess í stað fór best
launaði bílasali heims að fljúga heims-
hornanna á milli til að setja á laggirnar
spilavítis-og skemmtanaveldi. Fannst
eiginkonunni nóg um og er nú deilt um
eignir Lees að upphæð 100 milljónir
dollara, auk þess sem hún ásakar Lee
um að hafa látið öryggisverði og fyrr-
um einkaritara njósna um sig í 4,2
milljóna dollara húsi þeirra í Bel Air í
Kalifomíu. Ásakanir ganga á víxl því
Lee heldur því fram í réttarskjölum að
eiginkonan hafi hótað sér „fjármála-
legum hernaði“. Skilnaðarmál í Kalif-
orníu þýðir meiri athygli og Lee hefur
áhyggjur af slæmu umtali, sem gæti
gæti dregið dilk á eftir sér fyrir ýmis
verkefni hans í viðskiptalífinu, þar á
meðal spilavítisuppbygginguna og til-
raun til að hleypa af stokkunum fjár-
hættuspili í háloftunum. Eftir að
Darrien Iacocca sótti um skilnaðinn í
Kaliforníu varð mál Lees lýðum ljóst,
og ef kaupmáli hjónanna fyrir hjóna-
band verður hluti réttarskjala mun
listi yfir eignir Lees verða gerður op-
inber. Lee Iacocca yrði ekki ánægður
með það og verður það lóð á vogar-
skálar eiginkonunnar. Constance R.
Ahrons, prófessor í þjóðfélagsfræð-
um við háskólann í Suður-Kaliforníu,
telur að svo gæti farið að Lee verði að
gera skil vilji hann gera málið upp með
skjótum hætti. Hvorki Lee né Darr-
ien Iacocca hafa viljað tala um skilnað-
inn og lögfræðingar þeirra hafa rætt
varfærnislega um framhaldið.
Skilnaður Lee Iacocca, fyrrum forstjóra Chrysler, og Darrien Iacocca, er
orðinn að sápuóperu vestanhafs. Þau Lee og Darrien giftu sig í mars árið
1991. Stutt sæla það hjá þessum heimsþekkta bílasala.
56