Frjáls verslun - 01.10.1994, Page 69

FOLK
SÆVARJÓNSSON,LEONARD
Sævar Jónsson var atvinnumaður í knattspyrnu í Sviss og komst þar í kynni við
svissnesk gæðaúr sem hann fékk umboð fyrir.
„Verslunin hjá okkur jókst
mjög eftir að við fluttum úr
Borgarkringlunni yfir í
Kringlu í mars 1994 og
stækkuðum búðina. Ég hef
verið að auka vöruvalið
smátt og smátt. Ég byrjaði
með úr, bætti svo við skart-
gripum og er nýlega farinn
að selja leðurtöskur. Ætli
skartgripasalan sé ekki orð-
in um 60% af sölunni,“ segir
Sævar Jónsson, eigandi
Leonards í Kringlunni.
Sævar er 36 ára. Hann
tók gagnfræðapróf frá Víg-
hólaskóla og fór að því loknu
að vinna í verslun föður
síns, Jóns Þórarinssonar,
sem hét Vörðufell og var
fyrst í Hlíðunum en síðan í
nýju húsnæði í Kópavogi.
Sævar hefur verið Valsari
frá unga aldri og 1981 gerð-
ist hann atvinnumaður í
knattspyrnu hjá Brugge í
Belgíu. Þar var hann í þrjú
ár, kom síðan heim í eitt ár
og réð sig svo til Bergen.
„Þegar ég bjó í Bergen fór
ég á námskeið í markaðs-
fræðum en hef að örðu leyti
lært af reynslunni. Ári
seinna lék ég með sviss-
nesku liði og komst í kynni
við hina miklu úrafram-
leiðslu Svisslendinga. Ég
kynnti mér hvort einhver
væri með umboð fyrir þessi
fínu merki hér heima. Fyrst
svo var ekki var auðvelt að
gerast umboðsmaður og
1988 byrjaði ég að leggja
grunn að framtíðaratvinnu
minni,“ segir Sævar.
UMBOÐ FYRIR RJÓMANN AF
SVISSNESKUM ÚRUM
Fríhöfnin á Keflavíkur-
flugvelli var fyrsti sölustað-
ur Sævars á úrum og skart-
gripum og þar selur hann
enn. Verslunina Leonard í
Borgarkringlunni stofnaði
hann 1991.
„Ég flyt nánast allt inn
beint frá verksmiðjunum og
get boðið mjög góð verð.
Flest vinsælustu úrin eru
ódýrari hjá mér en t.d. í
London og New York auk
þess sem öll viðgerðarþjón-
usta er auðveldari hér á
landi heldur en ef fólk kaupir
úrin erlendis.
Ég er með úr frá flestum
þekktustu framleiðendun-
um og er þar bæði um að
ræða sportúr með ýmsum
möguleikum, t.d. skeið-
klukku, og fín úr. Vinsæl-
ustu úrin hjá okkur eru frá
Georgio Beverley Hills,
Tag Heuer, Breitling og
Cartier.
Ég hef umboð fyrir Giv-
enchy og Dior skarptgripi
sem eru vinsæl merki og á
góðu verði. Nýlega bætti ég
svo við úrvali af töskum frá
virtum framleiðendum og
hefur þeim verið vel tekið,“
segir Sævar.
TENNIS, BADMINTON,
LYFTINGAR 0G FÓTBOLTI
Sambýliskona Sævars er
Helga Daníelsdóttir flug-
freyja og eiga þau fimm
mánaða gamla dóttur. Sæv-
ar á einnig 11 ára son frá
fyrra hjónaþandi. „íþróttir
eru enn mitt helsta áhuga-
mál, ég verð að halda mér í
formi til þess að mér líði vel.
Ég er að læra tennis og hef
spilað badminton einu sinni í
viku í mörg ár. Þrisvar í viku
fer ég í lyftingar hjá Magnúsi
Scheving í Gallerí Sport og
ég spila fótbolta með göml-
um félögum í hádeginu á
þriðjudögum. Það er líka
góð aflsöppun að fara með
dóttur mína í ungbarnasund
tvisvar í viku.
Ég hef gaman af starfi
mínu og að fylgjast með í
viðskiptaheiminum en það
geri ég m.a. með lestri. Ég
fæ góða hjálp frá Helgu því
hún kemur með mér í versl-
unarferðir en mér finnst
nauðsynlegt að fá hennar
kvenlega álit þegar ég kaupi
inn. Við höfum líka gaman af
að ferðast og skoða okkur
um í heiminum," segir Sæv-
ar að lokum.
69