Morgunblaðið - 31.03.2001, Blaðsíða 24

LANDIÐ
24 LAUGARDAGUR 31. MARS 2001 MORGUNBLAÐIÐ
Stykkishólmi - Iðntæknistofnun
hefur kynnt starfsemi sína víða um
land að undanförnu. Haldinn var
fundur í Stykkishólmi í þeim til-
gangi. Þar mættu Hallgrímur Jón-
asson, forstjóri Iðntæknistofnunar,
Hannes Hafsteinsson, forstöðumað-
ur matvælarannsóknasviðs, og Ing-
ólfur Þorbjörnsson, forstöðumaður
efnis- og umhverfistæknisviðs.
Í lok fundarins veitti Hallgrímur
Jónasson forstjóri hvatningarverð-
laun í atvinnumálum á svæðinu. Við-
urkenninguna hlaut Rakel Ólsen,
framkvæmdastjóri Sigurðar Ágústs-
sonar ehf. í Stykkishólmi. Fyrirtæki
hennar hefur verið brautryðjandi í
vinnslu hörpudisks og lagt mikla
vinnu og fjármuni í þróun í vinnslu á
rækju og kavíar. Í kavíarvinnslu Sig-
urðar Ágústssonar ehf. er verið að
þróa nýja rétti úr hrognum og er sú
vinna að skila árangri.
Impra fyrir frumkvöðla
Það kom fram að hjá Iðntækni-
stofnun vinna um 75 starfsmenn á
sex sviðum. Markmið stofnunarinn-
ar er að leggja áherslu á þróun, ný-
sköpun og framleiðni. Lögð var
áhersla á að kynna starfsemi Impru.
Impra er þjónustumiðstöð fyrir
frumkvöðla og fyrir lítil og meðalstór
fyrirtæki þar sem hægt er að fá að-
stoð við að þróa hugmyndir, fram-
leiða og svo markaðssetja. Tilgang-
urinn er að hjálpa þessum aðilum af
stað og koma í veg fyrir að hver sé í
sínu horni að „finna upp hjólið“, sem
ef til vill leiðir til uppgjafar.
Hjá Impru fá frumkvöðlar hvatn-
ingu og hjálp til að halda áfram. Þar
eru samankomnar ýmsar upplýsing-
ar sem aðrir hafa aflað og geta
reynst gagnlegar. Impra hefur nú
þegar stuðlað að rekstri nýrra fyr-
irtækja sem skapa vinnu og verð-
mæti.
Iðntæknistofnun kynnir starfsemi sína
Rakel Ólsen fær braut-
ryðjandaverðlaun
Morgunblaðið/Gunnlaugur Árnason
Magnús Bæringsson, verksmiðjustjóri hjá Sigurði Ágústssyni ehf. í
Stykkishólmi, tekur við frumkvöðlaviðurkenningu fyrir hönd Rakelar
Olsen. Það er Hallgrímur Jónasson sem afhendir viðurkenninguna.
Hvammstanga - Á bænum
Efri-Fitjum í Húnaþingi vestra
bar ær tveim lömbum 26. mars.
Er það fyrsti sauðburður sem
vitað er um í héraðinu á þessu
ári. Ærin var keypt í haust frá
Bessastöðum við Hrútafjörð,
en ekki var þá ljóst um burð hjá
ánni svo snemma.
Lömbin voru gleðigjafar hjá
unga fólkinu á bænum, sem
fengu að halda á lömbunum.
Ábúendurnir, Gréta og Gunn-
ar, kipptu sér hinsvegar ekki
upp við atburðinn, enda eiga
þau von á hátt í eitt þúsund
lömbum á sauðburði í vor.
Morgunblaðið/Karl Á. Sigurgeirsson
Nína Guðbjörg og Jóhann-
es Geir Gunnarsbörn með
nýbornu lömbin.
Snemm-
borin lömb
Norður-Héraði - Páll Benedikts-
son, bóndi og refaskytta á Hákon-
arstöðum, hefur skotið níu refi í
vetur úr skothúsi sínu sem hann
hlóð sjálfur. Páll hirðir skinnin af
öllum refum sem hann skýtur og
lætur verka og þurrka skinnin í
skinnaverkun og selur þau til
ferðamanna á sumrin.
Nokkur eftirspurn hefur verið
eftir þessum skinnum síðustu sum-
ur en þau hafa verið til sölu meðal
annars á Sænautaseli þar sem er
endurbyggður torfbær og rekin í
honum nokkur ferðaþjónusta. Páll
segir að þar sem áhugi hafi verið
fyrir hendi að fá þessi skinn keypt
hafi sér þótt ófært að henda þess-
um skinnum og ákveðið að gera
prufu á að koma þeim á markað að-
allega til ferðamanna.
Morgunblaðið/Sigurður Aðalsteinsson
Páll Benediktsson, bóndi og refaskytta á Hákonarstöðum, að flá ref sem
hann skaut á dögunum.
Verkar og selur
skinn af villtum ref
Egilsstöðum - Fræðslunet Austur-
lands og Austfirska menntasmiðjan
hafa staðið að mánaðarlöngu nám-
skeiði fyrir atvinnuleitendur í
Fjarðabyggð. Þátttakendur eru ell-
efu talsins, tíu konur og einn karl.
Emil Björnsson hjá Fræðslunet-
inu, segir námskeiðið mjög metn-
aðarfullt og að það bjóði upp á fjöl-
breytt námsefni, svo sem eins og
listsköpun, sjálfseflingu, tölvu-
fræðslu og aðferðafræði upplýs-
ingaöflunar. „Fólki virðist líða vel
og líka námið vel,“ segir Emil.
Hópurinn var á dögunum í kynn-
ingarferð hjá fyrirtækjum og
stofnunum á Egilsstöðum og ein-
mitt í góðu yfirlæti hjá Svæðisút-
varpi Austurlands að kíkja á upp-
töku frá nýafstaðinni Fegurðar-
samkeppni, þegar fréttaritara bar
að garði.
„Við erum í fyrirtækjakynningu
hér uppfrá og komum hingað til að
breyta aðeins um umhverfi,“ sagði
Þorleifur Guðjónsson sem er einn
þátttakenda. „Þetta er heilmikið og
fjölbreytt prógram sem við erum
búin að fara í gegnum og við erum
núna á síðustu metrunum. Við er-
um atvinnulaus öllsömul og sumir
eru á milli í atvinnu og aðrir að
leita að vinnu. Við höfum mörg
hver misst vinnu vegna samdráttar
og ýmsar fleiri ástæður liggja að
baki atvinnuleysi okkar.“
Þátttakendur gerðu góðan róm
að námskeiðinu og tóku undir þau
orð Þorleifs að það væri liður í því
að styrkja þau í að finna sig í ein-
hverju. Hrafnhildur Geirsdóttir,
sem einnig hefur sótt námskeiðið,
segir að ástandið sé erfitt á Fjörð-
unum, samdráttur í öllu og geysi-
lega mikið um uppsagnir á starfs-
fólki.
„Maður sér ekki alveg hvað get-
ur verið fram undan í atvinnumál-
unum og fólk spyr sig orðið hvort
Fjarðabyggð muni leggjast í eyði
með þessu framhaldi,“ segir Hrafn-
hildur. Hún segist hvergi sjá neina
raunverulega uppbyggingu í at-
vinnulífi eystra og nefnir í því sam-
hengi að mörgum finnist orðið
langsótt að álver muni rísa á Reyð-
arfirði. „Þess vegna er svona nám-
skeið mjög mikilvægt til að byggja
upp kraft í fólki,“ segir Hrafnhild-
ur að lokum.
Námskeiðið hefur verið haldið í
Austrahúsinu á Eskifirði og er
kostað af Svæðisvinnumiðlun Aust-
urlands.
Margir að missa vinnu vegna
samdráttar á Fjörðunum
Morgunblaðið/Steinunn Ásmundsdóttir
Þátttakendur í námskeiði fyrir atvinnuleitendur í Fjarðabyggð sóttu
Svæðisútvarp Austurlands heim á dögunum.
Selfossi - Nemendur 10. bekkj-
ar Sandvíkurskóla tóku sig til
og skelltu sér í maraþonnám í
síðustu viku með það að mark-
miði að slá tvær flugur í einu
höggi, að afla fjár til skóla-
ferðalags og að læra meira
enda styttist í samræmd próf
hjá þeim.
Styrktaraðilarnir, einstak-
lingar og fyrirtæki, veðjuðu á
námsáhugann og krakkarnir
sátu stíft við undir umsjón
kennara sinna og pældu í gegn-
um námsgögnin af miklum
móð. Öðru hverju var gert hlé á
náminu til þess að skerpa hug-
ann og gera stundina skemmti-
legri.
Morgunblaðið/Sig. Jónss.
Setið við og pælt í gegnum
námsgögnin.
Maraþonnám
í Sandvík-
urskóla
á Selfossi Fagradal - Á bænum Þórisholti í
Mýrdal var verið að taka í notkun
nýja færibandalínu til að hreinsa
og pakka rófum þegar fréttaritari
brá sér þangað í heimsókn.
Í Þórisholti hafa verið ræktaðar
rófur um nokkurra ára skeið og
er þetta samvinnuræktun milli
bændanna í Þórisholti og á Litlu-
Heiði. Síðastliðið haust voru tekin
upp í kringum 150 tonn af rófum
og er það því mikið verk að koma
öllum þessum rófum til neytenda,
þvo þær, hreinsa og setja í poka.
Þess vegna ákváðu þeir bændur
að láta smíða fyrir sig tæki þar
sem hægt væri að vinna alla þætti
verksins á sem einfaldastan hátt.
Þetta er nokkurs konar færiband
þar sem rófurnar byrja á að fara
úr stórsekk í þvottavél, síðan situr
fólkið við færibandið og hreinsar
af þeim alla óæskilega anga og að
lokum renna þær í poka þar sem
sjálfvirk vigt sér um að rétt magn
sé í hverjum poka. Afkastageta
línunnar er í kringum eitt tonn á
klukkutíma.
Sex manns sitja við að hreinsa
og flokka og einn maður setur róf-
ur úr stórsekkjum í þvottavélina
og síðan tekur annar maður fullu
pokana frá færibandinu og staflar
þeim á bretti og þaðan eru pok-
arnir síðan fluttir með flutningabíl
til Reykjavíkur þar sem Ávaxta-
húsið kaupir alla framleiðsluna.
Þeir fengu til liðs við sig Smára
Tómasson smið, sem búsettur er í
Vík og vinnur við ýmiskonar smíð-
ar og uppfinningar á tækjum til
hagræðingar í landbúnaði. Smíð-
aði hann og útfærði þetta færi-
band eftir þeirra hugmyndum.
Þessi vél á örugglega eftir að létta
mikið vinnuna í kringum rófurnar.
Að sögn Guðna Einarssonar,
bónda í Þórisholti, er næsta mál
að láta hanna og smíða hentuga
vél til að taka upp rófurnar í
haust. Þá verði rófuræktin orðin
þokkalega vélvædd en til þessa
hafi þær verið teknar upp með
höndunum.
Morgunblaðið/Jónas Erlendsson
Rófur gerðar klárar til sölu við nýju vinnslulínuna.
Rófubændur
vélvæðast