Morgunblaðið - 31.03.2001, Blaðsíða 4

FRÉTTIR
4 LAUGARDAGUR 31. MARS 2001 MORGUNBLAÐIÐ
ÍBÚÐALÁNASJÓÐUR tekur á
næstu vikum í notkun nýtt tölvu-
kerfi, sem mun leysa af hólmi eldra
tölvukerfi sjóðsins, og mun Íbúða-
lánasjóður þá ekki lengur sækja
tölvuþjónustu til Reiknistofu bank-
anna. Um er að ræða svonefnt Flex-
cube-fjármálahugbúnaðarkerfi, sem
verður m.a. notað við innheimtu
sjóðsins.
Undirbúningur að uppsetningu
kerfisins hefur staðið yfir talsvert á
annað ár, sem er töluvert lengri tími
en stjórnendur sjóðsins gerðu ráð
fyrir í upphafi. Að sögn Guðmundar
Bjarnasonar, forstjóra Íbúðalána-
sjóðs, reyndist viðameira og flóknara
mál að skipta yfir í hið nýja tölvu-
kerfi en menn höfðu reiknað með.
Gunnar Björnsson, formaður
stjórnar sjóðsins, segir að prófanir
kerfisins og samkeyrsla þess við
eldra kerfi sjóðsins hafi staðið yfir að
undanförnu en nú sé gert ráð fyrir að
eldra upplýsinga- og tölvukerfi
sjóðsins verði aftengt að öllu leyti
um miðjan næsta mánuð.
„Þetta er hins vegar það stórt og
umfangsmikið kerfi að við aftengjum
ekki gamla kerfið fyrr en við erum
alveg hundrað prósent öruggir um
að nýja kerfið virki fullkomlega,“
segir Gunnar.
Indverskir forritarar við upp-
setningu undanfarna mánuði
Flexcube-hugbúnaðurinn er fram-
leiddur af indverska hugbúnaðarfyr-
irtækinu I-Flex Solutions, dótturfyr-
irtæki Citicorp. Er hann notaður í
fjármálastofnunum víða um lönd og
hafa Sparisjóðabankinn og Tölvu-
miðstöð sparisjóðanna tekið sams-
konar hugbúnað í notkun.
Hafa tveir indverskir forritarar
verið að störfum hjá Íbúðalánasjóði
um margra mánaða skeið við upp-
setningu og prófanir á nýja tölvu-
kerfinu, að sögn Guðmundar Bjarna-
sonar.
„Með þessu erum við að fara út úr
Reiknistofu bankanna. Meginbreyt-
ingin er sú að þetta verður sjálfstætt
innheimtukerfi, en við gerum líka
ráð fyrir að þessu kerfi fylgi betra
upplýsingakerfi fyrir okkur varðandi
bókhald og til að halda utan um allar
okkar fjárreiður. Við stefnum einnig
að því að þetta kerfi og umsóknar- og
greiðslumatskerfi okkar geti runnið
saman í eitt ferli þannig að það muni
auðvelda okkur afgreiðslu og alla
umsjón með okkar málum,“ segir
Guðmundur.
Tölvukerfið var boðið út á árinu
1999 og bárust tilboð frá sex fyrir-
tækjum. Gengið var til samninga við
Fjárvaka ehf. á Sauðárkróki, sem
annast sölu og þjónustu á Flexcube-
fjármálahugbúnaðinum hér á landi.
Hvorki Gunnar né Guðmundur
höfðu upplýsingar um kostnað við
nýja kerfið en sögðu að Íbúðalána-
sjóður myndi spara verulegar fjár-
hæðir með notkun kerfisins.
„Við erum að vona að þetta verði
ódýrara en eldra kerfi og að við fáum
út úr þessu betra upplýsingakerfi og
einfaldara kerfi til umsjónar um
lánsumsóknir, innheimtu og bókhald
þegar upp er staðið,“ segir Guð-
mundur.
Gunnar tekur í sama streng og
segir nýja kerfið nýtast mun betur
en eldra kerfi. „Því miður var gamla
kerfið þannig byggt upp að öll upp-
lýsingagjöf til okkar um stöðu á
hverjum tíma hefur verið mjög sein-
virk, svo ekki sé meira sagt. Þetta
gjörbreytist hins vegar í nýja kerf-
inu. Nú eigum við að geta fengið töl-
ur samdægurs ef við þurfum á að
halda,“ segir Gunnar.
Íbúðalánasjóður tekur í notkun indverskt tölvukerfi sem hefur verið á annað ár í hönnun
Hætta að skipta við
Reiknistofu bankanna
SKAGAMENN og nærsveitamenn
eru duglegir að nýta sér hinn sér-
staka Langasand til hressandi
gönguferða. Þar hafa mörg sporin
verið stigin og þrátt fyrir kulda og
trekk í vikunni voru Skagamenn
þar á ferðinni á sandinum hvíta.
Morgunblaðið/RAX
Létt spor á
Langasandi
HÉRAÐSDÓMUR Reykjavíkur dæmdi í gær
Bergþóru Guðmundsdóttur í 14 ára fangelsi fyrir
að hafa orðið Hallgrími Elíssyni að bana í íbúð að
Leifsgötu 10 í júlí í fyrra.
Dómurinn sýknaði hana hins vegar af ákæru um
að hafa skömmu áður slegið Hallgrím og rænt af
honum veski með um 100.000 krónum. Tveir karl-
menn sem ákærðir voru fyrir hylmingu með því að
taka við hluta af ránsfengnum voru sömuleiðis
sýknaðir af þeim ákærum.
Dánarmein Hallgríms var kyrking en við krufn-
ingu fundust miklir áverkar frá höku og niður að
viðbeini. Sérfræðingar í réttarmeinafræði sögðu
áverkana þó ekki hafi dregið hann til dauða heldur
hefði verið lokað fyrir hálsæðar með þrýstingi
þannig að ekkert blóð eða súrefni barst til heilans.
Áverkamerki á hálsinum bentu til þess að kyrk-
ingin hafi verið gerð með berum höndum. Hall-
grímur bar einnig áverka eftir höfuðhögg og var
talið hugsanlegt að hann hefði vankast við höggið.
Með persónuleikatruflun
og skapgerðarbresti
Geðlæknir taldi Bergþóru sakhæfa en í áliti hans
kemur fram að hún greinist með viss alvarleg ein-
kenni persónuleikatruflunar og skapgerðarbresta.
Ljóst sé að hún geti verið mjög árásargjörn og
jafnvel hættuleg undir áhrifum áfengis, róandi
lyfja og eiturlyfja. Bergþóra eigi við mjög alvar-
legan fíkniefnasjúkdóm og áfengissýki að stríða.
Þá segir í dómnum að slík persónuleikaröskun
geti valdið því að hún skipti mjög fljótt skapi, geti
orðið reið og heiftug og með léleg raunveruleika-
tengsl. Tryllingsleg viðbrögð séu þekkt hjá ein-
staklingum með slík einkenni og þekkt að í upp-
námi geti þau skaðað bæði sjálfa sig og aðra.
Bergþóra neitaði ávallt að hafa orðið Hallgrími
að bana. Hún játaði hins vegar að hafa lent í átök-
um við hann á dýnu í íbúðinni sem hafi lokið með
því að hann skar hana í báðar hendur með gler-
brotum. Hún sagði hann hafa verið á lífi þegar
átökunum lauk en eftir það hafi annar þeirra sem
var ákærður fyrir hylmingu í þessu máli lent í átök-
um við Hallgrím. Eftir þau átök hefði Hallgrímur
látist.
Dómurinn trúði ekki þessari frásögn Bergþóru,
framburður hennar um atburði á Leifsgötu 10 væri
mjög óstöðugur og ótrúverðugur og samrýmist
hvorki framburði vitna né gögnum málsins. Þá hafi
blóð frá henni fundist á fötum Hallgríms og á
skyrtu Bergþóru.
Auk þess taldi dómurinn að Hallgrími hefði verið
það ómögulegt að veita henni áverkana á höndum
án þess að skerast sjálfur en engir slíkir áverkar
fundust á höndum hans. Í dómnum segir orðrétt:
„Ákærða var ölvuð og reið út í Hallgrím er hún átti
í átökunum við hann. Dómurinn telur áverkana á
líki Hallgríms, svo sem brotið barkabrjósk og
tungubein sem ákærða var völd að ... sýna að atlaga
hennar að Hallgrími var ofsafengin. Þessi viðbrögð
hennar koma heim og saman við persónuleikarask-
anir í fari hennar.“
Ekki ásetningur í upphafi
Dómurinn taldi þó að þegar hún réðst að Hall-
grími í upphafi hafi það ekki verið ásetningur henn-
ar að deyða hann. Atlagan hafi hins vegar verið svo
ofsafengin að háttsemi hennar beri að virða sem
ásetningsverk.
Bergþóra er tæplega fertug. Hún hefur áður hlot-
ið átta refsidóma þar af einn hæstaréttardóm. Dóm-
arnir eru fyrir þjófnað, skjalafals, fjársvik og lík-
amsárás. Hún hlaut síðast refsidóm í janúar 1999,
sex mánaða fangelsi fyrir skjalafals.
Frá fangelsisvist í 14 ár dregst samfellt gæslu-
varðhald frá 24. júlí sl. Bergþóru var einnig gert að
greiða 400.000 krónur í málsvarnarlaun til verjanda
síns, Hilmars Ingimundarsonar hrl., auk annars
sakarkostnaðar að frádregnum málsvarnarlaunum
skipaðra verjenda karlmannanna tveggja sem voru
ákærðir fyrir hylmingu, þeirra Arnars Clausen hrl.
og Jóhannesar Alberts Sævarssonar hrl.
Héraðsdómararnir Guðjón St. Marteinsson sem
dómsformaður, Arngrímur Ísberg og Páll Þor-
steinsson kváðu upp dóminn.
Sigríður J. Friðjónsdóttir saksóknari sótti málið
fyrir hönd ríkissaksóknara.
Dæmd í 14 ára fangelsi fyrir manndráp á Leifsgötu 10 í fyrrasumar
Ofsafengin atlagan
talin ásetningsverk
LÖGREGLAN á Keflavíkurflugvelli
leitar nú bifreiðar af Mazda-gerð
sem stolið var frá Flugstöð Leifs Ei-
ríkssonar á Keflavíkurflugvelli hinn
26. mars sl.
Eigandinn hafði skilið bifreiðina
eftir við Flugstöð Leifs Eiríkssonar.
Sjálfur var hann á leið til útlanda en
hugðist láta þvo bílinn á meðan hann
væri í ferðalaginu. Hann gleymdi
hins vegar að skilja lyklana eftir hjá
bílageymslufyrirtæki og fékk því
eiginkonu sína til að senda lyklana
með Kynnisferðum í Leifsstöð. Af
einhverjum ástæðum misfórust lykl-
arnir þar. Skömmu síðar var búið að
stela bílnum af skammtímastæðum
við flugstöðina.
Samkvæmt upplýsingum frá lög-
reglunni á Keflavíkurflugvelli hafa
fjölmörg símtöl verið hringd úr bíla-
símanum. Símtölin voru öll til út-
landa, m.a. til Rússlands, Suður-Afr-
íku, Grikklands, Englands og Ung-
verjalands.
Bifreiðin er ljósbrún Mazda 626,
árgerð 1999, með skráningarnúmer-
ið YF-468. Þeir sem hafa upplýsing-
ar um bifreiðina er beðnir um að
hafa samband við lögregluna.
Símtöl til
útlanda
úr bíla-
símanum
Lögregla leitar að
stolinni bifreið
VATNSLEKI varð í Húsi Málarans í
fyrrinótt en slökkvilið höfuðborgar-
svæðisins var kallað út um klukkan
fimm. Í húsinu, sem stendur á gatna-
mótum Bankastrætis og Ingólfs-
strætis, er rekið kaffihús og varð lek-
inn á annarri hæð. Að sögn slökkviliðs
bilaði vatnstenging í kælitæki með
þeim afleiðingum að vatn lak um allt.
Á annarri hæðinni var vatn yfir öllu
gólfinu en einnig lak eitthvað vatn
niður á hæðina fyrir neðan og í kjall-
ara. Slökkvilið kom á staðinn með
vatnssugur sem það notaði til að
hreinsa vatnið upp og tók starfið um
eina og hálfa klukkustund. Einhverj-
ar skemmdir urðu á húsinu en eftir er
að meta hversu miklar þær eru.
Vatnsleki í Húsi
Málarans
♦ ♦ ♦