Morgunblaðið - 22.10.2005, Blaðsíða 35

MORGUNBLAÐIÐ LAUGARDAGUR 22. OKTÓBER 2005 35
DAGLEGT LÍF | FERÐALÖG
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Laugavegi 63 (Vitastígsmegin),sími 551 2040.
Silkitré og silkiblóm
Rýmum fyrir jólavörunni
20% afsláttur af öllum vörum í 7 daga
Innitré útitré
haustgreinar
erikur
pottablóm
gjafavara
leirker og fl eira
Vika í Danmörku
www.hertz.is
19.350 kr. - ótakmarkaður akstur,kaskó, þjófavörn, flugvallargjaldog skattar.*Verð á viku miðað við 14 daga leigu.*
Opel Corsa eða sambærilegur
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
28
90
9
06
/2
00
5
50 50 600
Bókaðu bílinn heima
- og fáðu 500 Vildarpunkta
Ódýrari bílaleigubílar fyrir
Íslendinga.
Bílar frá dkr. 1.975.- pr. viku.
Innifalið í verði; ótakmarkaður akstur,
allar tryggingar, engin sjálfsábyrgð.
( Afgr.gjöld á flugvöllum. )
Höfum allar stærðir bíla, 5 - 7 manna
og minibus 9 manna og rútur
með/án bílstjóra
Sumarhús
Útvegum sumarhús í Danmörku af
öllum stærðum - frá 2ja manna og
uppí 30 manna hallir. Valið beint af
heimasíðu minni. Pantið núna fyrir
árið 2006 og greiðið staðfestingar-
gjald eftir áramót.
Fjölbreyttar upplýsingar á
heimasíðu; www.fylkir.is
Fylkir.is ferðaskrifstofa
sími 456-3745
Eina ferðaskrifstofan á Vestfjörðum
sem ekki nýtur styrkja frá
opinberum aðilum.
Bílaleigubílar.
Sumarhús í
DANMÖRKU
ÞAÐ getur verið erfitt að standa í
miðri London og ákveða hvar eigi að
borða. Það er allt morandi í veit-
ingastöðum en hverjir af þeim eru
góðir og hverjir ekki? Margir staðir
gera út á ferðamenn svo þjón-
ustustigið og maturinn er kannski
ekki alltaf með því besta. Annað
vandamál er svo að ákveða hvað eigi
að borða þ.e. kínverskt, japanskt,
grískt, indverskt, ítalskt eða eitthvað
annað. Svo kemur þriðja vandamálið
og það er hvað maturinn má kosta?
Ódýrt og bragðgott
Kínahverfið í Soho er troðið af
austurlenskum veitingastöðum en
þeir gera út á ferðamenn. Það borgar
sig ekki að borða í Kínagötunni sem
slíkri heldur fara niður fyrir hana í
Lisle Street. Þar eru veitingarstaðir
sem Kínverjar sjálfir mæla með, eins
og t.d. Golden Dynasty eða Joy King
Lau í Leicester Street sem eru báðir
tiltölulega ódýrir staðir.
Ef matseld frá Indlandi og Bangla-
desh er í uppáhaldi þá er Brick Lane
hjá Liverpool Street-stöðinni besta
gatan til að fara í.
Þetta er Bangladesh-hverfi Lond-
on og best er að mæta bara á staðinn
og láta henda sér einhvers staðar inn
þar sem menn standa fyrir utan flesta
staði með alls lags tilboð um ódýran
mat, afslátt eða frítt vínglas.
Fólk getur einnig komið með sitt
eigið vín og þarf því ekki að kaupa vín
af matseðlinum. Einstaklega
skemmtilegt hverfi og ódýrt að fara
út að borða, matur með víni kostar
iðulega um 1.100 krónur á manninn.
Eitthvað nýtt
Það er ekki á hverjum degi sem
fólki gefst tækifæri á að fara í báts-
ferð um Thames og borða við róm-
antískt undirspil. Bateaux-báturinn
siglir með gesti um Thames meðan
þeir njóta þess að slaka á og borða –
maturinn er ágætur en það er nú
kannski frekar stemningin sem verið
er að sækjast eftir. Ferðin með mat
og drykk kostar um 7.500 til 11.500
krónur. Það þarf að bóka borð og
þetta er veitingastaður þar sem
stundvísi borgar sig.
Ef útsýni skiptir gestina máli þá er
sniðugt að prófa Rhodes Twenty
Four sem er í hæstu byggingunni í
viðskiptahverfinu City. Rhodes
Twenty Four er rómaður fyrir að
vera með fínan mat en það er nátt-
úrulega útsýnið sem hann selur út á.
Matseldin flokkast undir nútíma evr-
ópska og er meðalverðið um 4.500
krónur á manninn.
Eþíópískur veitingastaður
Langi fólk að prófa öðruvísi mat og
ef það er til í að ferðast í norðanverða
London þá er frábær upplifun að fara
á Lalibela sem er eþíópískur veit-
ingastaður í 10 mínútna fjarlægð frá
Kentish Town neðanjarðarstöðinni.
Það er skemmtilegast að fá að sitja í
lágsætum á meðan borðað er og að
sjálfsögðu prófa að borða matinn með
höndunum og vefja honum þá inn í
súrt brauð. Sem sagt framandi matur
og skemmtileg stemning. Verð með
víni er um 3.000 krónur á mann.
Nútímaleg hönnun
En hvað með að létta í buddunni og
fara á eftirminnilegan stað?
Þá er Asia de Cuba rétti staðurinn.
Asia de Cuba er inni í St Martin’s
Lane-hótelinu og hönnunin er sér-
stök. Þegar komið er inn þá blasir við
manni nútímahönnun. Veitingastað-
urinn sjálfur er fallega
innréttaður með súlum
þar sem hanga uppi
ljósmyndir af fólki í nú-
tímalegum stíl. Boðið
er upp á blöndu af suð-
ur-amerískri og kín-
verskri matseld. Flott-
ur staður og
meðalverðið er um
6.000 krónur á mann.
Réttirnir eru vel úti-
látnir því margir
þeirra eru hugsaðir
sem réttir til að deila.
Rómantíkin svífur
yfir vötnum
Maggiores á Kings
Street sem er hjá Leic-
ester square er þekktastur fyrir að
vera einn af rómantískustu veit-
ingastöðunum í London. Maggiores
er klassískur og rómantískur staður
þar sem hægt er að sitja við snark-
andi arineld sem er einhvern veginn
yndislegt án þess að vera klisjukennt.
Maturinn er frá Miðjarðarhafinu með
ítölskum brag, bragðgóð vín og
dásamleg stemning. Verðið á mann
er um 5.000 krónur fyrir þriggja rétta
máltíð með víni. Pottþéttur staður
sem flestir koma aftur og aftur á.
Hvað sem tilefnið er, buddan leyfir
eða bragðlaukarnir heimta þá er eitt
víst að enginn ætti að þurfa að vera
svangur í London.
Þetta er bara spurning um að velja
og hafna.
 LONDON | Aragrúi frábærra veitingahúsa í borginni
Indverskt, eþíópískt eða ítalskt?
Ef matseld frá Indlandi og Bangladesh er í uppáhaldi þá er Brick Lane
besta gatan.
Breskur matur er ekki beint þekktur fyrir að vera
besti maturinn í heiminum en Laila Sæunn
Pétursdóttir segir að Bretar kunni að meta góðan
mat og því sé úr mörgu að velja.
 Nánari upplýsingar um Bateaux London veitingastaðinn er hægt að nálgast
á http://www.bateauxlondon.com.
 Til að panta borð á Rhodes Twenty Four og biðja um góðan stað er hægt að
hringja í síma 0044 207 877 7703.
 Best er að hringja í 0044 207 284 0600 til að panta borð á Kentish Town.
 Asia de Cuba er mjög vinsæll veitingastaður svo nauðsynlegt er að panta
með góðum fyrirvara – í síma 0044 207 300 5588.
 Það er nauðsynlegt að panta borð á Maggiores og helst biðja um að vera
ekki of nálægt dyrunum ef farið er á köldu vetrarkvöldi. Borðapantanir eru í
síma 0044 207 379 9696.
Lalibela er frábær eþíópískur veitingastaður.
Höfundur er búsettur í Bretlandi.