Morgunblaðið - 22.10.2005, Qupperneq 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 22. OKTÓBER 2005 VERÐ Í LAUSASÖLU 220 KR. MEÐ VSK.
FRIÐRIK Sigtryggsson, einn af
velunnurum Barnaspítala Hrings-
ins, hefur ákveðið að láta allar sínar
eigur renna til spítalans eftir sinn
dag. Ákvörðun Friðriks má rekja til
þess að fyrir nokkrum árum lýsti
spítalinn eftir fjármunum til tækja-
kaupa. Þá tók Friðrik sig til og tók
út úr banka hundrað þúsund krónur
í seðlum sem hann afhenti spít-
alanum. Í kjölfarið hafði Friðrik
samband við Hauk Björnsson,
frænda sinn, sem útbjó erfðaskrá
þar sem spítalanum eru gefnar allar
eigur Friðriks. Þá var stofnaður
sjóður sem sinnir nú hlutverki
fræðslusjóðs og hefur þegar komið
að góðum notum.
Friðrik hefur haft það fyrir sið að
gefa Barnaspítala Hringsins gjöf á
afmælisdegi sínum. Í gær fagnaði
hann 88 ára afmæli sínu með því að
færa spítalanum ávísun upp á fjórar
milljónir króna sem bætist í sjóðinn
sem nú hefur að geyma einar fjór-
tán milljónir. „Þar sem ég á engan
lögerfingja hefðu þessir fjármunir
dreifst út um allt og ekki komið
neinum að gagni ef ég hefði dottið
út án þess að gera þessar ráðstaf-
anir,“ segir Friðrik sem aldrei hefur
kvænst og er barnlaus. Hann hefur
hingað til ekki viljað koma fram í
fjölmiðlum en vonar að sú breyting
eigi eftir að fá fleiri í hans stöðu til
að taka sér hann til fyrirmyndar.
„Ef menn í mínum sporum gera
ekki ráðstafanir og ganga frá sínum
málum áður en þeir falla frá geta
orðið alls kyns leiðindi í kjölfarið.“
Ómetanleg gjöf
Gylfi Óskarsson, barnalæknir og
formaður fræðslusjóðs Barnaspítala
Hringsins, segir gjöf Friðriks vera
ómetanlega þar sem ekki sé gert
ráð fyrir neinum kostnaði varðandi
fræðslu og endurmenntun starfs-
fólks í fjárframlögum til barnaspít-
alans. „Í vor var veitt úr sjóðnum til
þess að koma af stað mjög öflugri
fræðslu til starfsfólks um hvernig
skuli staðið að verkjameðferð ný-
bura og reyndar eldri barna einnig.
Í þeim tilgangi fengum við til liðs
við okkur tvo sérfræðinga sem eru í
fremstu röð í heiminum á sínu sviði
og þeir héldu fyrirlestra og voru
með vinnubúðir fyrir starfsfólk.
Einnig fóru þeir yfir það hvernig
við stöndum að verkjameðferð ný-
bura og þetta var í raun gjörbylting
á því hvernig er staðið að þeim mál-
um,“ segir Gylfi og bætir við að
hugmyndin sé sú að nýta fræðslu-
sjóðinn til þess að fá þekkingu að
utan í stað þess að starfsfólkið sé
sent til útlanda til að sækja þekk-
ingu. Með þessu móti sé hægt að
fræða fleiri í einu og á hagkvæmari
máta.
En ekki er nóg að veita aðeins fé
til þess að fræða starfsfólkið heldur
verður einnig að fræða foreldra og
aðra aðila sem gætu haft hag af því
að fá skipulagða fræðslu um barna-
sjúkdóma og bráðasjúkdóma barna.
En fyrst og fremst hafi starfið
snúið að því að efla fræðslu innan
spítalans og ekki hafi verið vanþörf
á þar sem spítalinn byggist upp á
því að starfsfólkið hafi framúrskar-
andi kunnáttu innan síns sviðs.
Stofnaði sjóð til fræðslu
Morgunblaðið/RAX
Á leið sinni um spítalann hitti Friðrik Sigtryggsson fyrir ungan sjúkling, Hugin H. Guðmundsson, og föður hans,
Guðmund Guðbergsson, en fyrir aftan þau standa Rakel Jónsdóttir gæðastjóri og Gylfi Óskarsson barnalæknir.
Friðrik Sigtryggsson hefur gefið Barnaspítala Hringsins 14 milljónir króna
AFLAMARK sem nam 270.173
tonnum var flutt milli óskyldra aðila
á síðasta fiskveiðiári. Verðmæti
þessa aflamarks var um 8,8 millj-
arðar króna. Þetta er 15.000 tonn-
um minna magn en fiskveiðiárið þar
á undan, en verðmætin eru meiri
þar sem leiguverðið hefur hækkað.
Alls voru flutt 61.315 tonn af
þorski með þessum hætti milli skipa
og báta og er verðmæti þeirra um
5,7 milljarðar króna.
Leiguverð er miklu hærra í afla-
markskerfinu en í krókakerfinu. Er
verðmunurinn reyndar allt frá því
að vera óverulegur upp í 250%. Í
þorski er verðmunurinn 58%, þar
sem verðið er 122,33 krónur á hvert
kíló í aflamarkskerfinu en 77,62
krónur í krókaaflamarkinu. Hæst
var borgað fyrir leigu á humri,
894,68 krónur að meðaltali, en
lægsta verðið var fyrir loðnu, eða 56
aurar.
Humarkvóti dýrastur
 Leigðu | 15
ÍSLENSKIR starfsmenn við gerð
Kárahnjúkavirkjunar og lagningu
Fljótsdalslínu 3 og 4 eru nú um
450. Er þetta heldur hærra hlutfall
en hefur verið af heildarfjölda
starfsmanna við framkvæmdirnar,
sem nú er 1.636 samkvæmt upplýs-
ingum sem Morgunblaðið tók sam-
an frá verktökum.
Að sögn Sigurðar Arnalds, tals-
manns Landsvirkjunar, hefur fjöldi
starfsmanna sveiflast til eftir árs-
tíðum, og þá um leið fjöldi Íslend-
inga. Þeir hafa að jafnaði verið um
fjórðungur vinnuafls þegar allt er
tekið en hlutfallið nú er tæp 28%.
Erlendir starfsmenn eru nú tæp-
lega 1.200 og gæti þeim átt eftir
að fjölga á næstunni. Þannig er
von á tíu Pólverjum í næstu viku
til starfa í stöðvarhúsinu í Fljóts-
dal.
Alls eru nú tíu verktakar að
störfum við mannvirkjagerð hvers
konar, og nokkrir undirverktakar
til viðbótar. Þá er miðað við
ganga- og stíflugerð, vegagerð,
línu- og strengjalögn, uppsetningu
vélbúnaðar og byggingu stöðvar-
húss, tengivirkis og hlaðhúss.
Sem kunnugt er þá er Impregilo
langstærsti verktakinn, með um
1.150 starfsmenn, þar af aðeins um
100 Íslendinga. Íslensk verktaka-
fyrirtæki á svæðinu eru Suður-
verk, Arnarfell, Héraðsverk, Ístak,
Keflavíkurverktakar, Myllan og Ís-
lenskir aðalverktakar, sem eru
hluti af alþjóðlega verktakahópn-
um Fosskrafti. Þá eru nokkrir
undirverktakar að störfum, eins og
t.d. Malarvinnslan á Egilsstöðum.
Um 450
Íslendingar
við Kára-
hnjúka
 Flest annað | Miðopna
40*
,12) 4/-! 

)  -
 
!!
#
)%$ $

 
"#"
. /-$$
P 
& -$% $!
HAUKUR Björnsson aðstoðaði frænda sinn Friðrik
Sigtryggsson við að stofna sjóð til styrktar Barnaspít-
ala Hringsins. Haukur segir Friðrik hafa komið á sinn
fund þar sem hann hafi fyrir fimmtán til tuttugu árum
aðstoðað föðurbróður hans sem var, líkt og Friðrik,
ókvæntur, barnlaus og kominn á sín efri ár, við stofnun
sjóðs til styrktar söngmenntun – söngmenntasjóð Mar-
ínós Péturssonar.
Að sögn Hauks er ekki mikið mál að stofna slíkan
sjóð, það þurfi að útbúa erfðaskrá, gera samþykktir
fyrir sjóðinn og fá samþykki frá dómsmálaráðuneytinu
til að öðlast löggildingu en einnig þarf að setja saman
stjórn sjóðsins.
Jafnframt segir Haukur það mikið gleðiefni að fá að
koma að svona málefni, sem er svo gott að það geri
mann mjúkan. „Það myndi gera mig hamingjusaman
að hjálpa fleiri aðilum við að stofna sjóði á borð við
þann sem Friðrik stofnaði. En annars er hægt að leita
til lögfræðings eða einhvers lögfróðs manns,“ segir
Haukur sem er viðskiptafræðingur að mennt.
Lítið mál að stofna styrktarsjóð
LANDSPÍTALA – háskólasjúkra-
húsi (LSH) hefur verið falið að und-
irbúa framleiðslu lífsnauðsynlegra
innrennslisvökva á vegum spítalans.
Er það m.a. gert í ljósi hættu á að
skæður inflúensufaraldur geti
breiðst út um heimsbyggðina og tek-
ið fyrir möguleika á að flytja inn inn-
rennslisvökva í nægilegu magni og
nægilega hratt fyrir landsmenn.
Þessi ákvörðun var tekin í fram-
haldi af samþykkt ríkisstjórnarinnar
nýverið og fundi í heilbrigðis- og
tryggingamálaráðuneytinu.
Innrennslislyfin eru til hefðbund-
inna nota á heilbrigðisstofnunum
ríkisins auk þess að koma upp næg-
um birgðum til að geta mætt far-
aldri. Búið er að skipa starfshóp til
að undirbúa verkefnið.
„Um er að ræða vökva sem gefnir
eru í æð, ýmist
saltvatn eða syk-
urvatn,“ sagði Jó-
hannes M. Gunn-
arsson, lækninga-
forstjóri LSH. Á
árum áður fram-
leiddi Lyfjaversl-
un ríkisins inn-
rennslislyf, en
framleiðslu
þeirra var hætt
hér á landi. LSH hefur síðan boðið út
kaup á þessum vökvum og hafa þeir
verið fluttir inn og engin innlend
framleiðsla verið um árabil.
„Menn hafa haft af þessu miklar
áhyggjur, alveg burtséð frá öllum
farsóttum,“ sagði Jóhannes. „Birgðir
í landinu eru takmarkaðar og þetta
er vara sem þarf alltaf að vera til.
Það má ekki mikið út af bregða að
það gæti hugsanlega komið upp
skortur á þessu. Við hugsanlegan
faraldur myndi eftirspurn í heimin-
um verða svo mikil að það yrði al-
mennur skortur. Við slíkar aðstæður
er hver sjálfum sér næstur og hætt
við að það yrði erfitt að fá þetta. Í
versta falli gætu samgöngur lamast
til landsins og þessi vara, sem er
þung í flutningi, bærist ekki. Þetta
er heilmikið alvörumál og áhyggju-
efni að þessi lyf skuli ekki vera fram-
leidd í landinu.“
Víða um heim hafa sjúkrahús
komið sér upp eigin framleiðslu á
innrennslislyfjum. Jóhannes nefndi
að það væri t.d. nokkuð algengt í
Danmörku og sjúkrahúsið í Þórs-
höfn í Færeyjum væri með eigin
framleiðslu. Hann sagði að dagskip-
unin væri að vinna verkið eins hratt
og mögulegt er. Taldi Jóhannes að
starfræksla verksmiðju af þessu tagi
gæti hafist á næsta ári.
LSH falið að framleiða lífsnauðsynlega innrennslisvökva
Áhyggjuefni að lyfin
séu ekki framleidd hér
 Viðbragðsáætlun | 4
Eftir Guðna Einarsson
gudni@mbl.is
Jóhannes
Gunnarsson
Eftir Andra Karl
andri@mbl.is