Morgunblaðið - 15.10.2006, Blaðsíða 31

Það er notalegt að hafa heila sundlaug fyrir sig.Bjarni Magnússon hreppstjóri syndir í bítið áhverjum morgni, þó að sundlaugin sé ekkiopin nema þrjá daga í viku. Það eru forrétt-
indin sem fylgja því að vera eftirlitsmaður laug-
arinnar.
Gamla gufan ómar um búningsklefann og sundlaug-
in er 32 gráða heit, – sundlaug í Grímsey! Það er af
sem áður var þegar vatn var hirt af húsþökum og
tunnur og ílát látin út þegar rigndi. Börn voru jafnvel
böðuð öll í sama balanum og síðan fóru foreldrarnir í
restina.
Nú nýtur Bjarni þess að synda og segir að það vanti
aðeins heitan pott vestan megin við húsið. Nóg sé af
heitu vatni, sem hann veit manna best, því hann er líka
vatnsveitustjóri. Auk þess verði borað eftir heitu vatni
í haust og hafi þegar farið fram fjórar tilraunaboranir.
Eftir sundið er ekki flókið að finna Miðtún þar sem
Bjarni býr, því sunnan hússins stendur hátt mastur. Á
sumrin dregur hann siginn fisk efst upp í mastrið;
flugurnar ná ekki svo hátt. Á haustin er signi fiskurinn
neðar, því þá er engin fluga.
Það flækist ekki fyrir Bjarna 76 ára gömlum að
príla efst upp í mastrið og standa á bitunum til að
skipta um ljósaperu. Hann er laus við lofthræðslu,
enda sígur hann enn í björg, þó að í vor hafi hann ekki
komist vegna veðurs, – í fyrsta skipti síðan hann var
13 ára.
Við norðurendann á húsinu er báturinn Fiske og á
honum hefur barnabarn og alnafni Bjarna farið með afa
sínum á hákarlaveiðar. „Um leið og hákarlinn kom um
borð lagði hann sig,“ segir Bjarni og kímir.
„Hann er á kafi í sjómannaalmanökum og veit allan
fjandann um báta og útgerð. Síðast rerum við saman
fyrir tíu dögum, svo þurfti ég að flaka, salta og hengja
upp. Daginn eftir sagði hann: „Afi, eigum við ekki að
skreppa aftur?“
Bjarna þykir fiskurinn bestur beint úr sjónum. „Ég
set hann gjarnan beint í pottinn í bátnum, lifrina og allt
saman. Ég segi fyrir mig að þegar ég fæ nýja ýsu er ég
ekki í rónni fyrr en búið er að flaka og snyrta, skafa roð-
ið og ganga frá henni. Og þegar um kvöldmatarleytið
frysti ég hana. Ég á gamlan kunningja, togarasjómann í
Siglufirði, sem segir að ýsan sé ekki étandi nema hún
hafi verið þrjá daga í ís. Ég bað hann nú vel að lifa. Áð-
ur fyrr var ekki gert út á veturna, en árabátar settir út í
þokkalegu veðri til að fiska nýtt í matinn. Þá var farinn
rúnturinn, gefið á bæina og soðið nýtt um kvöldið.“
Bjarni er vitavörður og öllum hnútum kunnugur þar,
eins og sjá má þegar hann klifrar fimlega upp þrönga
stigana á þak vitans. Þegar hann lyftir hleranum heyrist
óp og hressilegur hlátur, svo kallar hann: „Sáuð þið
flugnamökkinn! Ger alveg maður!“
Útsýnið er tilkomumikið af þakinu yfir bjargið sem
stendur uppi í hárinu á Atlantshafinu, hæst hundrað
metrar. „Hér er stundum gusugangur,“ segir Bjarni.
„Einu sinni kastaðist hér upp stærðar spýta.“
„Viti menn,“ segir ljósmyndarinn og smellir af.
Hér er stundum gusugangur
Alnafnar Bjarni Magnússon ásamt afa sínum og alnafna við bátinn Fiske.
Outlander 4X4
Öflug tveggja lítra 136 hestafla vél
Staðalbúnaður:
• Sítengt aldrif
• Álfelgur
• Vindskeið
• Þakbogar
• Skyggðar rúður
• ABS hemlalæsivörn
• Mikil veghæð, 19,5 cm
26.116 kr. á mánuði
2.495.000 kr.
Flottur sportjeppi
á frábæru verði
Umboðsmenn um land allt: Höldur hf., Akureyri, sími 461 6020 · HEKLA, Borgarnesi, sími 437 2100 · HEKLA, Ísafirði, sími 456 4666
HEKLA, Reyðarfirði, sími 470 5100 · HEKLA, Reykjanesbæ, sími 420 5000 · HEKLA, Selfossi, sími 482 1416
HEKLA, Laugavegi 174, sími 590 5000
www.hekla.is, hekla@hekla.is
H
V
ÍT
A
H
Ú
S
IÐ
/
S
ÍA
Miðað við 30% útborgun og gengistryggðan bílasamning SP til 84 mánaða.
MORGUNBLAÐIÐ SUNNUDAGUR 15. OKTÓBER 2006 31