Náttúrufræðingurinn - 1938, Page 57

NÁTTÚRUFRÆÐINGURINN 101
•iiiiimmmimmiiiuiiiiimiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
hinn hraði vöxtur og mikla efnisaukning strax í ljós á fyrsta
æfiári trésins.
Og öll líffæri risaasparinnar eru stærri og sterkbyggðari en
sömu líffæri hinnar venjulegu blæaspar. Blöðin eru ekki aðeins
miklu stærri, heldur líka þéttari og þykkari og dökkrauð að lit.
Brumin eru talsvert stærri og eins blómin og blómstönglarnir.
Blaðtennurnar stækka og breytast á sérstakan og einkennandi
hátt, biaðstönglarnir eru lengri og miklu þykkari o. s. frv. Og
blaðmagnið er meira og samfelldara en hjá beztu þekktum blæ-
aspastofnum.
Hægra og vinstra megin á myndinni eru sýnd blöð af risaösp, en
í miðju eru blöð af vanalegri ösp.
Hinn hraði vöxtur og aukna efnismagn trésins gerir það að
verkum, að sama trjámagn fæst á miklu skemmri tíma en fyrr.
En orsök hins hraða vaxtar er sú, að þegar litþráðunum fjölgar,
stækkar kjarni hverrar frumu og síðan fruman sjálf í sama hlut-
falli, að því er virðist. Og ef frumurnar skipta sér með sama
hraða og frumur blæasparinnar, hlýtur það að leiða til hlutfalls-
lega hraðari vaxtar.