Náttúrufræðingurinn - 1944, Blaðsíða 16
NÁTTÚRUFRÆÐINGURINN
118
deilitegundar fugl sá skuli teljast, sem náðst hefur hér á landi. Litur
fuglsins og fleiri einkenni benda þó ótvírætt til þess, að hér sé unt
deilitegundina A. sp. petrosus að ræða, enda eru líka mest líkindi til
þess, að fuglar þeirrar deilitegundar flækist hingað, og þá líklega
helzt frá Noregi. Eftirfarandi lýsing á strandtittlingnum og lífshátt-
um lians er því, miðuð við þá deilitegund. íslenzka nafnið strand-
3. mynd Strandtittlingar (Anthus spinoletta pelrosus). (Úr I . A. Coward: The
Birds of tlie British Isles).
tittlingur er einnig valið með tilliti til þess, að hér sé um þá deili-
tegund að ræða.*
Strandtittlingurinn er náskyldur þúfutittlingnum og mjög svijt-
aður honum, en er talsvert stærri. Nefið er líka tiltölulega lengra,
og höfuðið sýnist því vera aflangara. Nefið er brúnsvart, neðri skolt-
ur gulleitur við rótina á veturna. Fætur eru brúnholdlitaðir. Lit-
himnan er dökkbrún. Klóin á afturtánni er löng og bogin, álíka löng
eða lítið eitt lengri en afturtáin sjálf. 1. flugfjöður er örsmá og hulin,
3. og 4. eru lengstar, 2. og 5. stundum eins langar, en oft 1—2 mm.
styttri, 6. 9—12 mm. styttri. 3.-5. eru sniðskertar á útfönum. Mál:
*) Enska natnið Rock-Pipit og þýzka nafnið Strandpieper eiga einnig aðeins við þá
deilitegund. Á þessum málum eru einnig til alþýðleg nöfn á sumum hinna deiliteg-
undanna.