Náttúrufræðingurinn - 1944, Blaðsíða 17

NÁTTÚRUF RÆÐIN G U RIN N
119
Vængur: 89—94 á karlf. og 80—90 á kvenf., stél 63—68, nef frá kúpu
14— 16.og rist 23—24 mm.
Kynin eru eins á lit. I vetrarbúningi er fuglinn dökkgrænbrúnn að
ofan, með dekkri og brúnni fjaðrahryggjum nema á yfirgumpi, sem
er einlitur. I kringum augað er gulhvítur hringur, og frá nefrót
gengur gulhvít, en mjó og ógreinileg, rák aftur eftir höfði ofan við
augað. Taumurinn er grásvartur með ljósleitum dílum og fjaðrirnar
neðan við augað eru eins á lit. Hlustarþökur eru grágrænbrúnar. Á
kverk, miðjum liálsi og kviði er fuglinn ljósleitur með grængulleit-
um blæ; undirstélþökur eru eins á lit, nema hvað hinar lengri þeirra
eru með grágrænbrúnum langrákum. Annars staðar að neðan er
fuglinn með þéttum, dökkgrænbrúnum langrákum eða ógreinilega
takmörkuðum flikrum, sem eru einkum áberandi á bringu og síð-
urn. Vængkrikafjaðrir eru grábrúnar með hvítum eða gulhvítum
fjaðrajöðrum. Stélfjaðrirnar eru brúnsvartar með mjóum, gulgræn-
um útjöðrum. Miðfjaðrirnar tvær eru eins á lit og bakið. Útfön yztu
stélfjaðrar er ljósreykbrún og aftast á innfön hennar er eins litur
fleygblettur. Aftast á næstu stélfjöður er eins litur díll eða blettur.
Flugfjaðrirnar eru brúnsvartar nteð mjóum, gulgrænum útjöðrum
og breiðari, ljósgráum innjöðrum; innri armflugfjaðrir eru þó með
breiðum, grágrænbrúnum jöðrum; handþökurnar eru eins á lit og
handflugfjaðrirnar, en hinar yfirvængþökurnar eru eins á lit og innri
armflugfjaðrirnar, en þó lítið eitt ljósari í oddinn. Fuglinn klæðist
vetrarbúningnum eftir algerðan fjaðrafelli á tímabilinu ágúst-okt.
Þegar komið er fram á miðjan vetur og búningurinn er farinn að
snjást, verður fuglinn brúnni og með minna áberandi grænleitum
blæ að ofan, en l jósari og með brúnni og meira áberandi flikrum að
neðan. — Fuglinn klæðist sumarbúningnum á tímabilinu febr.—
apríl eftir að hafa fellt allt kroppfiðrið og stundum einnig smá- og
miðþökur á yfirvæng og nokkrar innstu armflugfjaðrirnar, en sjald-
an allt stélið. Venjulega fellir fuglinn þó engar af stélfjöðrunum),
og ekki flugfjaðrirnar (að undanskildum innstu armflugfjöðrunum),
handþökurnar og stóru yfirvængþökurnar. Sumarbúningurinn er
mjög svipaður vetrarbúningnum, en grágræni blærinn á fuglinum
ofanverðum er þó ekki alveg eins áberandi, og að neðan er fuglinn
ljósari með minna áberandi gulgrænum blæ; auk þess eru flikrurnar
á fuglinum neðanverðum brúnni og ekki eins grágrænleitar. Þegar
sumarbúningurinn fer að snjást, verða dökku fjaðrahryggirnir á fugl-