Náttúrufræðingurinn - 1993, Qupperneq 126

skarandi þolgæði og dugnað við
þessar erfiðu aðstæður. Þrátt fyrir
þetta náðist veruleg þekking á jarð-
fræði Brúardala og á vesturbakka
Jökulsár á Fjöllum. Kreppubrúin var
tilbúin í septemberbyrjun um haustið.
Eg fór eina ferð í leiðakönnun inn í
Krepputungu. Með í þeirri för var Jón
í Möðrudal, 92 ára gamall, og mun
þetta hafa verið síðasta öræfaferðin
hans. Þar með lauk rannsóknum þetta
sumar.
I byrjun júlí 1971 var þráðurinn tek-
inn upp aftur. Nú fengum við stóran
vinnuskúr til umráða og var honum
komið fyrir í Krepputungu móts við
norðurenda Upptyppinga (7. mynd).
Þeir Kristinn J. Albertsson og Kristinn
Einarsson voru áfram með í för og
jarðfræðinemarnir Sigurður G. Tómas-
son og Björn Jóhann Björnsson bættust
í hópinn, en Helgi Guðmundsson var
ekki með að þessu sinni. í ágústmánuði
1971 var einnig unnið að almennri
vatnafræðirannsókn á öllu vatnasviði
Jökulsár á Fjöllum og Jökulsár á Dal
og mælingar gerðar á aðrennsli þeirra.
Niðurstöður þeirra birtust í skýrslunni
„Mælingar á aðrennsli Jökulsár á Brú
og Jökulsár á Fjöllum í ágúst 1971“
(Guttormur Sigbjarnarson o.ll. 1971).
Þau Laufey Hannesdóttir, Björn Er-
lendsson og Kristján Ágústsson önnuð-
ust rennslismælingarnar.
Veðráttan sumarið 1971 reyndist
miklu hagstæðari til rannsókna en árið
áður, en þó snjóaði af og til í háfjöll.
Unnið var að rannsóknum í Kreppu-
tungu og í Brúardölum. Einnig var far-
inn einn rannsóknaleiðangur á vestur-
bakka Jökulsár á Fjöllum en þeim hluta
tókst ekki að Ijúka sem skyldi. Sama
máli gegndi um Kverkárnes og Kverk-
fjallarana. Rannsóknunum miðaði þó
vel ál'rarn og var þeim að mestu lokið
seint í ágúst. Leiðangursmenn hurfu þá
á braut, nema hvað ég varð eftir
ásamt Kristni Albertssyni til að ljúka
jarðfræðiþætti rannsóknanna. Að
kvöldi dags þann 25. ágúst brast á iðu-
laus stórhríð sem stóð linnulaust í nær
þrjá sólarhringa. Við vorum staddir
upp við Sigurðarskála í Kverkfjöllum,
en hann var þá í smíðum, þegar veðr-
ið skall á en náðum þó að komast um
kvöldið í húsið okkar í Krepputungu
undir Upptyppingum. Daginn eftir
tókst okkur að brjótast niður í Möðru-
dal en þaðan var þjóðvegurinn lok-
aður í báðar áttir vegna snjóa.
Dvöldumst við þar langt i'ram á næsta
dag, en þá byrjaði veðrið fyrst að
ganga niður og blotna í snjóinn svo að
okkur tókst að aka niður í Mývatns-
sveit um kvöldið. Eyþór Einarsson
grasafræðingur var okkur samferða á
öðrum bíl í þessari hrakningaför ásamt
aðstoðarmanni sínum, Árna Hjartar-
syni. Við Kristinn J. Albertsson fórum
eftir þetta enn eina ferð inn í Kreppu-
tungu en okkur tókst þó ekki að ljúka
rannsóknunum þar vegna snjóa. Lauk
þar með svæðisrannsókn okkar þá um
haustið en sumarið 1973 fórum við
Kristinn J. Albertsson enn í nokkurra
daga leiðangur á þessar slóðir. Við
náðum þá nokkuð að fylla í stærstu
eyðurnar. Þar með lauk rannsóknum
okkar fyrir gerð jarðfræðikortsins
(Guttormur Sigbjarnarson o.fl. 1974)
en síðan hef ég farið þangað í nokkr-
ar stuttar ferðir sem allar hafa aukið
verulega við fyrri þekkingu mína á
kortlagða svæðinu.
LOKAORÐ
Hér læt ég staðar numið við lýsingu
á aðdraganda, skipulagi og framkvæmd
jarðfræðikortlagningar á landinu
„Norðan Vatnajökuls“. I eftirfarandi
greinum mun ég lýsa niðurstöðum
kortlagningarstarfsins.
Að lokum vil ég þakka öllum þeim
sem unnu með mér að þessum rann-
120