Menntamál - 01.12.1935, Qupperneq 80

222
MKNNTAMÁI,
Nathan Stálmarck: Individuell undervisning-smetodik,.
llád og anvisningar. — A. Lindblads Förlag.
Uppsala 1933.
Hér er lílil bók á ferðinni, en injiig merkileg. Hún er rúmar
50 bls. Fyrst er í bókinni gerð grein fyrir hinni nýju skólastefnu,.
markmiði hennar og tilgangi, en annars er allt efni bókarinnar
ráðleggingar um tilhögun vinnu og náms í barnaskólum. Bókin
fjallar um allar þær greinir, sem kenndar eru í sænskum nýtízku
barnaskólum, og er hún ætluð til leiðbeiningar handa kennur-
um. Bók þessi vakti feikna eftirtekt i Svíþjóð, þegar hún kom
út, seldist upp á fáum mánuðum og kom út í öðru upplagi í
nóv. 1933, eftir 7 mánuði frá því fyrsta útgáfan kom út.
Okkur íslenzka barnakennara vantar algjörlega slíkar bækur
sem þessa, sem gefi fjölhæf og holl ráð um tilhögun kennsl-
unnar og meðferð námsefnisins, og þarf sannarlega að bæta úr
því mjög fljótlega, því að þótt bezt sé, að hver kennari leggi sem
mest frá sjálfum sér inn í kennsluna, þá er okkur öllum þörf
á leiðbeiningum og vekjandi hugmyndum. Eg vildi eindregið ráð-
leggja kennurum að fá sér þetta kver og nota það til hliðsjónar
í meðferð námsgreina. Bókin kostar aðeins 1.00 kr. sænska.
Jón Sigurðsson.
Ýmislegt.
Söngarkir.
Páll Halldórsson, söngkennari í Reykjavik, hefir byrjað útgáfu
á sönglögum fyrir barnakór. Ivoni ein örk út í fyrra vetur, önn-
ur er i prentun, þriðja kemur bráðlega. 3—5 lög eru á hverri örk.
Stafaveski
eftir sænskri fyrirmynd, gaf Jóhann Þorsteinsson, kennari í
Hafnarfirði, út fyrir nokkrum árum. Eru það einstakir stafir,
sem raða má saman i orð og setningar. Mun þetta kennslutæki
lítið notað 1 barnaskólum, vegna þess að börnin koma í skól-
ana með nokkra þekkingu á stöfunum. En þetta gæti þó komið
heimilum að gagni og þeim skólum, sem taka börnin ung, t. d.
6—7 ára. Fln veskið þyrfti að lækka i verði.
Svíar eru farnir að ræða um það, að lækka skólaskylduald-
urinn enn um eitt ár og taka börnin 0 ára í skólana.