Menntamál - 01.06.1955, Page 42
104
MENNTAMÁL
RÓSA BJÖRK ÞORBJÖRNSDÓTTIR:
Kennsla í sérdeild.
Ritstjóri Menntamála
hefur farið þess á leit við
mig, að ég greindi eitthvað
frá reynslu minni eftir
fjögurra vetra kennslu við
deild þá, sem kallast sér-
deild gagnfræðastigsins. I
sérdeild þessari eru sam-
ankomin flest þau börn á
tveim síðustu vetrum
skyldunámsins, sem ýmissa
ástæðna vegna fá undan-
þágu frá venjulegri skóla-
göngu. Er þetta því ákaf-
lega sundurleitur hópur, en
af því leiðir aftur, að nær
liósa Björk Þorbjömsdóttir. eingöngu er um einstakl-
ingsbundna kennslu að
ræða. Deildin starfar sem síðdegis- og kvölddeild og er tví-
skipt. Fjöldi nemenda hefur oftast verið rúml. 30, þannig
að um 15 eru í bekk. Undanfarin ár hafa yfirleitt verið börn
í deildinni, er staðizt hafa barnapróf, en í vetur voru þar
einnig börn, er stóðust ekki barnapróf, t. d. í lestri eða
reikningi, en flest eiga þau, samkvæmt greindarmæling-
um, að geta lært þessar greinar. Langar mig að fjölyrða
hér nokkuð um lestur. Lestur er tæki til að tileinka sér
aðrar námsgreinar, og hljótum við því ávallt að leggja
mikla áherzlu á lestrarleikni og með hvaða aðferðum henni