Menntamál - 01.06.1955, Side 87

MENNTAMÁL
149
nú kvikmyndatökuvél komið fyrir og miðað á gróandi
jurt og teknar örfáar myndir í einu með t. d. dags milli-
bili allan tímann, sem jurtin er að vaxa, og filman síðan
sýnd með eðlilegum hraða, þá sést allt vaxtarskeið jurt-
arinnar á nokkrum sekúndum. Hún teygir sig upp úr mold-
inni, vex, blómgast og fölnar,
j. Kvikmyndin getur flutt jafnt fortið sem fjarlæga
staði inn í kennslustofuna.
Oft veitist nemendum örðugt að lifa sig inn í atburði
liðinna tíma með því að lesa um þá. En nú er hægt að
setja atburði sögunnar á svið, leika þá, kvikmynda og
sýna síðan unglingunum til þess að auka áhuga þeirra og
glæða skilning. Nokkuð hefur verið gert að þessu erlendis.
Bandaríkjamenn t. d. hafa gert sögulegar kvikmyndir af
ýmsum þjóðskörungum sínum og samtíðarmönnum þeirra,
eins nærri hinu rétta og unnt var að komast. Þarf ekki
að efa, að miklu meira muni verða að því gert með flest-
um þjóðum, er stundir líða, að gera fræðslumyndir úr
þeim efnivið, er til fellur og geymist, bæði fréttamyndum
og heimildamyndum, sem nú eru gerðar. Ætti það að auð-
velda skólaæsku framtíðarinnar að átta sig á samtíð for-
feðra sinna og meta rétt. — Þegar haldið verður 100 ára
afmæli hins endurreista íslenzka lýðveldis verður eflaust
sýnd í skólum landsins kvikmynd af hátíðahöldunum á
Þingvöllum 1944. — Hve mikið mundi nú þykja gefandi
fyrir kvikmynd, sem tekin hefði verið af stofnun Alþingis
eða atburðunum á Alþingi árið 1000 ?
Eins og kvikmynd getur þannig gefið sýn inn í liðinn
tíma, getur hún einnig látið okkur sjá gegnum holt og
hæðir og langt út í löndin. Við getum séð á myndadúkn-
um, hvernig kínverski bóndinn erjar akur sinn með tré-
plógi, hvernig trúaðir Indverjar lauga af sér syndir sínar
í leirugu vatni Gangesfljótsins og Alaskaeskimóar heyja
lífsbaráttu sína á ísum og auðnum við yzta haf. Slíkar
kvikmyndir gefa mörg efni til íhugunar og umræðu.