Iðunn : nýr flokkur - 01.07.1930, Qupperneq 25

IÐUNN
Hallgrímur Pélursson járnsmiður.
231
Brynjólfur þaut yfir garðinn og inn að dyrunum.
— Þá skyldi ég nú blása, bla—ása, bla—a—ása!
drundi við innan úr myrkrinu.
Djöfullegur ískrandi hlátur úr barka smiðsins rann
saman við hljóðið úr stynjandi, skirpandi smiðjubelgnum.
Hvítglóandi járnteininum var snúið látlaust á aflinum.
Það var eins og að vera viðstaddur helvízka galdrasæring.
Brynjólfur fylti nærri alveg út í dyrnar. Glóandi járn-
teinninn skar sig fram úr myrkrinu.
— Lad være at skygge pá, for helvede, orgaði smið-
urinn á slæmri dönsku og fór að slá járnið á steðjanum.
— Komdu sæll, landi minn! sagði Brynjólfur og veik
sér til hliðar inn í smiðjuna.
Það var auðséð, að smiðurinn heyrði ekkert fyrir
ofsanum. Hann barði hamstola á járninu.
Brynjólfur beið rólega meðan járnteinninn skifti litum:
úr hvítu í rautt, úr rauðu í svart. Þá endurtók hann hátt:
— Komdu sæll, landi minn!
Smiðurinn misti járnteininn úr töngunum.
Fám sekúndum síðar hafði hann dregið Brynjólf fram
í dyrnar, út í birtuna.
— Mikið er að heyra hvernig þú blótar, maður —
en fallegt er málið, sem þú talar, sagði Brynjólfur; hann
hafði ekki heyrt íslenzkt orð síðan hann fór að heiman.
— Þú ert Vestfirðingur? spurði smiðurinn.
Rómur hans var stiltari en áður, en bar þó keim af
svo niðurbældum ofsa, að það var eins og spyrjandinn
stæði hér reiðubúinn til að slá aðkomandann í rot, ef
hann játaði að hann væri frá þessum landshluta.
— Kannastu við mig? spurði Brynjólfur.
—- Nei, ég heyrði það á orðalaginu. Hvað heitir þú?
— Brynjólfur Sveinsson.
— Brynjólfur Sveinsson, frá Holti í Onundarfirði!