Iðunn : nýr flokkur - 01.12.1929, Qupperneq 98

420
Nýjar bækur.
IÐUNN
Að öllu samanlögðu er ekki svo lítill fengur í þessari
bók. Hagalín er duglegur rithöfundur, og hann er á upp-
leið. Stíll hans er orðinn léttari og aðgengilegri síðan
hann skrifaði Veður öll válynd, og hann tekur nú fastari
tökum á efninu en hann gerði í Brennumönnum.
Dropar heitir rit, allstórt, sem frú Guðrún J. Erlings
hefir gefið út, og er það ritað af konum eingöngu. Inni-
hald ritsins er skáldskapur, baeði í bundnu máli og ó-
bundnu. Eigi færri en fjórtán kvenrithöfundar koma þar
fram á sjónarsviðið, sumar þektar að vísu, en meiri h.lut-
inn algerlega ný nöfn. Sýnir það að konurnar vrkja
engu síður en karlmennirnir. Fjöldi kvæða er þarna,
misjöfn nokkuð að gæðum, en flest vel ort og nokkur
einkar hugljúf. Af sögunum er »Sigrún« eftir Svanhildi
Þorsteinsdóttur athyglisverðust. Efnið er ekki nýtt eða
sérlega merkilegt, en það er tekið á því með skilningi
og án hleypidóma, frásögnin er föst og látlaus og stíll-
inn fágaður, eins og hér væri þaulæfður rithöfundur á
ferð. Minnist eg þó ekki að hafa séð neitt eftir þenna
höfund fyr, svo þarna er einkar laglega af stað farið.
En dóttir Þorsteins Erlingssonar á heldur ekki langt að
sækja rithöfundar-hæfileikana.
Heftið er prýtt fjölda mynda, og hafa ýmsir af okkar
ágætustu listamönnum lagt þar hönd að verki. Allur ytri
frágangur ritsins er svo prýðilegur, að slíks munu fá
eða engin dæmi hér á landi, og er það jafn-fagur vottur
um smekkvísi útgefanda og vinnubrögð prentsmiðjunnar.
— »Dropar« sóma sér vel á hverju jólaborði.
Á. H.