Kirkjuritið - 01.09.1949, Page 49

Prestastefnan 1949.
Prestastefnan sett.
Prestastefna íslands var haldin í Reykjavík dagana 21.—23.
júní. Hún var vel sótt þrátt fyrir erfiðar samgöngur á þessu
vori. Ófærir bílvegir hömluðu mjög aðsókn af Austurlandi.
Prestastefnan hófst, svo sem venjulegt er, með guðsþjónustu
í Dómkirkjunni. Séra Jósef Jónsson prófastur prédikaði, en
biskupinn þjónaði fyrir altari og tók presta til altaris. Þeir
komu flestir hempuklæddir til guðsþjónustunnar.
Kl. rúmlega 4 e. h. var prestastefnan sett í kapellu Háskólans.
Pyrst lék Þórarinn Guðmundsson fiðluleikari á fiðlu við und-
irleik Páls Kr. Pálssonar organleikara. Þá las biskup Ritningar-
kafla og bað bænar. Síðan var sunginn sálmurinn: Vor Guð
er borg á bjargi traust. Því næst flutti biskup ávarp til prest-
anna og skýrslu um helztu kirkjulega atburði á liðnu sýnódus-
ári. Var því öllu útvarpað eins og guðsþjónustunni. Ávarp
biskups og yfirlitsskýrslur fara hér á eftir.
Ávarp biskups.
Kæru starfsbræður og vinir.
Um þessar mundir, í þessum bjartasta mánuði ársins,
bggja leiðir margra þeirra, sem utan höfðuborgarinnar
búa, hingað til Reykjavíkur. Það má sjá það á umferð-
inni, að gestum fjölgar í bænum. Hingað koma fulltrúar
margra félaga og stofnana til þess að ræða áhugamál-
in og framtíðaráform. Því áfram skal halda. Lífið stefnir
fram á veg. Og mikilvægt er að skyggnast um sem bezt
°g gera sér grein fyrir því, hvert halda skal.