Kirkjuritið - 01.09.1949, Síða 76

234
KIRKJURITIÐ
Um kvöldið var haldin guðsþjónusta í Vopnafjarðarkauptúni,
og var þangað kominn Jakob prófastur. Kirkjusókn var sæmi-
leg. Var síðan haldið heim að Hofi og nutum við þar aptur
gestrisni á hinu ágæti heimili prófastshjónanna. Daginn eftir,
sunnudaginn 17. júlí, var messað að Hofi. Kirkjusókn mátti
heita góð og margt af ungu fólki, enda hafði ungmennafélagið
boðað til fundar eftir messu. Frá Hofi héldum við svo kl.
5 þennan dag áleiðis að Hofteigi. Er það löng leið. Fara
verður sömu leið til baka að Möðrudal, en þá yfir Jökuldals-
heiði til Skjöldólfsstaða og sem leið liggur út dalinn, að Hof-
teigi. Komum við þangað klukkan nærri 11 um kvöldið. Var
okkur þar vel tekið. Bóndinn er bróðir Hermanns Gunnars-
sonar, sem nú hefir verið kosinn prestur að Skútustöðum.
Hofteigsprestakall er nú prestslaust, en séra Sigurjón Jónsson
í Kirkjubæ þjónar þar. Kirkjur eru þar tvær, í Hofteigi og
Eiríksstöðum. Vegna þess að tími okkar, og þó einkum minn,
var takmarkaður, var ákveðið að sleppa Eiríksstöðum, enda
er sú sókn afskekkt og mjög fámenn. Guðsþjónusta var haldin
þar í Hofteigi daginn eftir, mánudaginn 18. júlí. Kirkjusókn
var léleg. Eftir messu var haldið þaðan út að Sleðbrjót. Þar
hafði verið ferming daginn áður og lögboðin smalamennska
var þann dag, enda fór svo, að enginn kom til kirkju. Var
þó eigi um að kenna að koma okkar væri eigi auglýst, því að
það gjörði presturinn við ferminguna, auk þess sem hann
auglýsti ferð okkar í prestakalli sínu yfirleitt. Varð því eigi
af messu, en við gengum til kirkjunnar, ásamt heimilisfólkinu
á Sleðbrjót, og flutti séra Magnús þar bæn og prédikun, en
ég erindi. Kirkjan er nýleg og einhver sú fegursta, sem við
sáum á ferð okkar. Var hún mjög áberandi andstæða við þann
áhuga á andlegum málum, sem lýsti sér í kirkjusókninni.
Næsta dag skyldi messa á Kirkjubæ. Séra Sigurjón er búlaus
og gat ekki sjálfur tekið á móti okkur um kvöldið, en hafði
annazt um gistingu handa okkur hjá Birni Hallssyni á Rangá,
og var þar ekki í kot vísað. Daginn eftir, þriðjudag 19. júlí,
var messað í Kirkjubæ. Messan var auglýst kl. 1—2, en byrjaði
kl. 31/2. Kirkjusókn var þar allgóð. Meðhjálparinn er roskinn
maður, sem hefir gegnt því starfi í 40 ár. Vakti það athygli
mína, hve vel hann las bænina. Organistinn var ekki mættur, og
annaðist séra Magnús organleikinn, en séra Sigurjón var fyrir