Kirkjuritið - 01.09.1949, Síða 96

254
KIRKJURITIÐ
Gösta Lundström:
GUDS KIRKE I JESU FÖRKUNNELSE.
Lund 1947.
Þetta er mjög merkilegt rit um sögu skýringanna á guðs-
ríkishugtakinu í kenningu Jesú frá 1890 og til vorra daga.
Þar eru leiddir fram á sjónarsviðið höfuðguðfræðingar kristn-
innar hver af öðrum á þessu tímabili og gjörð grein fyrir
því, hvernig þeir hafi skilið guðsríkisboðskap Jesú. Eru skoð-
anir þeirra allmjög skiptar. Sumir telja guðsríki að skoðun
Jesú ofar öllu, sem jarðneskt er, og að það komi fyrst við
heimsslit, aðrir telja það jarðlífsveruleika og þegar komið,
er Jesú hefur boðskap sinn. Og enn aðrir leitast við að sam-
eina þessi tvö sjónarmið.
Höf. fer í fyrstu allfljótt yfir sögu. En innan skamms
verður frásögn hans ýtarlegri og ljós og lifandi. Hann er
meistari í að greina sundur aðalatriði og aukaatriði, og er
mikilsvirði fyrir guðfræðinga að fá jafngott yfirlit. Þarna
er unnt að kynnast með ljósum og einföldum hætti skoðunum
Ritschls, Jóhannesar Weiss, Alberts Schweitzers, sænsku bisk-
upanna Söderbloms og Billings, Barths og ýmsra Barthsinna,
Rudolfs Ottos og Oscars Cullmans. Að lokum dregur höfundur
saman þræðina og lýsir afstöðu sinni og skoðunum. Bókin
er þrungin djúpum hugsunum og spaklegum og getur orðið
góð hjálp til fyllra skilnings á fagnaðarerindi Jesú Krists.
Það er ekki ætlunin með línum þessum að skrifa ritdóm um
bókina heldur aðeins að vekja athygli presta á henni. Hún
kostar 9 krónur sænskar óinnbundin. Á. G.
Gamla Biblían mín.
Það er nótt, — sunnudagsnótt. Á borðinu hjá mér logar
Ijós, svo að bjart er inni, þó að dimmt sé úti. Opin bók liggur
fyrir framan mig. Það er Heilög Ritning. Ég handleik eintakið.
Það er bundið í alskinn. Það er tannfé mitt, frá foreldrum
mínum. Minningar vakna: Ég sé í anda blessaða mömmu mína.
þar sem hún sat á rúminu sínu í lágreistu baðstofunni og las
í hinni heilögu bók. Hún las f henni á degi gleðinnar. Hún
las í henni á harmastundum. Hvað, sem fyrir hana kom, varð