Prestafélagsritið - 01.01.1923, Síða 14

Prestafélagsritið.
Þorvaldur víðförli.
9
við andlega strauma frá sterkustu og tilkomumestu trúarhreyf-
ingunni á þeim tímum, — Klunyhreyfingunni, — en alt slíkt
yrði bygt í lausu lofti. Það sem mestu varðar í þessu sam-
bandi er ásigkomulag kirkjunnar á Þýzkalandi, þar sem Þor-
valdur hefir dvalið lengst. Þá var mikill áhugi á Þýzkalandi á
því, að breiða út kristnina. Ottó mikli Þýzkalandskonungur
(936—973) hafði verið krýndur af páfa í Róm og sett á stofn
»Hið heilaga rómverska ríki hinnar þýzku þjóðar«. Þeirri tign
fylgdu skyldur og hlaut slíkt ríki að láta kristniboð til heiðinna
þjóða til sín taka. Var Ottó hinn mesti áhugamaður um þau
mál og yfirleitt mikill vinur kristni og kirkju. Hann fékk m.
a. Harald konung Gormsson til þess að láta skírast og efla
kristni í Danmörku. Hann jók einnig mjög biskupavaldið
heima fyrir og veitti þeim fullkomin yfirráð yfir kirkjueignum
og ýms sérréttindi. Studdu þeir hann af alefli í starfi hans
fyrir kristnina bæði inn á við og út á við, enda voru þeir
sumir miklir ágætismenn. Eftir dauða hans halda þeir svo
áfram starfi hans. Aðaldagur erkibiskup í Brimum (937—988),
sem kirkjur Norðurlanda lutu, eflir þannig mjög kristnina í
Danmörku og í löndunum sunnan við Eystrasalt. Sendir hann
þangað kristniboða og vígir suma þeirra biskupsvígslu sam-
kvæmt valdi því, er páfinn hafði gefið honum. í þessu and-
rúmslofti kirkjunnar á Þýzkalandi vaknar og styrkist sá ásetn-
ingur hjá Þorvaldi, að helga æfi sína því hlutverki, að boða
kristna trú á Islandi, svo að frændur hans og vinir og lands-
menn fái að hlýða þeirri kenningu, er bezt sé í heimi, og
eignist með honum hlutdeild í því lífi, er einn sannur Guð
veiti og sonur hans Kristur. Enda leiðir hrein kristin trú til
mannkærleika. Og Þorvaldur er stórhuga og bjartsýnn. Hann
hugsar sér að vinna að því, að öll þjóðin verði kristnuð.
Leitar hann því ráða og liðveizlu til Aðaldags erkibiskups, því
að þaðan var langhelzt styrks að vænta í þessum efnum; en
Aðaldagur bregst hið bezta við. — Lýkur svo, að þeir ráðast
saman í trúboðsför 13 kristnir menn, þar á meðal nokkrir
prestar, og ætla til langdvalar á íslandi. Foringi fararinnar
með Þorvaldi er Friðrekur biskup frá Saxlandi, og ber heim-