Prestafélagsritið - 01.01.1923, Page 28

Prestafélagsritið.
HVERSVEGNA ERU KONUR KIRKJU-
RÆKNARI EN KARLAR?
(KRISTIN KARLMANNSLUND).
Erindi eftir séra Þorstein Briem.
Eg minnist þess aÖ gamall og gætinn maður sagði fyrir
nokkrum árum, að það yrði þjóðkirkjunni áreiðanlega hagur
að konurnar fengju áhrifarétt á þjóðmálin. Því að konur væru
yfirleitt kirkjuræknari og velviljaðri kirkjunni en karlmenn.
Eg ætla að þetta sé yfirleitt svo í öllum löndum. I íslenzkum
sveitakirkjum er að vísu oft eins margt karla sem kvenna,
einkum á vetrardag. En þar hefir veðrátta og vegleysur gert
konum erfiðara um að fara að heiman. Karlar eiga og oft
aukaerindi á kirkjustaðinn fremur en konur. Þar sem aðstaða
er jöfn, sinna konur kirkjunni og trúmálum meira en karlar.
í Reykjavík hefir þetta ef til vill breyzt síðan K. F. U. M.
6x fiskur um hrygg. En einnig þar var það svo.
Hverjar eru þá orsakirnar?
Fyrsta orsökin er vitanlega mismunur á sálarlífi kvenna
og karla. Kvenhjartað er næmara fyrir hinu fagra og göfuga,
og það hefir meiri kærleiksþörf. Guð á að jafnaði skemmri
leið inn að hjarta móðurinnar, en föðurins. Onnur orsökin er
lífsstarf kvennanna. Konur hafa færri áhugamálum að sinna
út á við, en karlmenn. Konan sinnir hins vegar nálega
ein því starfinu, sem göfgast er í mannheimi, að hjúkra sjúkum
og ellimóðum, og þó framar öllu að sá hinu bezta í sál sinni
•nn í barnshjartað sem móðir. Móðirin kennir barni sínu hina
fyrstu bæn. En barnið vekur aftur barnið í hennar eigin sál.
Menn þekkja ekkert hreinna og helgara meðal mannanna,
on móðurgöfgi kvenhjartans. Og ímynd móður- og kvengöfg-