Prestafélagsritið - 01.01.1923, Page 104
Preatafélagsritiö.
í KIRKJU Á SPÁNI.
Eftir S. P. Sívertsen.
Mér veittist sú ánægja á síðastliðnu sumri að komast til
Spánar og dvelja þar nokkra daga. Þótt dvalartíminn væri
stuttur, aðeins 10 dagar alls, gat eg þó kynst ýmsu af eigin
sjón og reynd og fræðst nokkuð um kirkjulegt og kristilegt
ástand þessarar suðlægu, katólsku þjóðar, sem í svo mörgu er
ólík oss Norðurlandabúum. Eg var í kirkju eins oft og mér
var unt þessa dvalardaga mína á Spáni, jafnt helga og virka.
En auk þess, sem eg sá þar og heyrði, gat eg fræðst um
ýmislegt í þessum efnum af spönskum manni enskumælandi,
er eg kyntist nokkuð, og af skilríkum Norðmanni, er dvalið
hafði á Spáni í 10 ár.
Ætla eg mér að segja lesendum Prestafélagsritsins í fáum
dráttum frá því, sem mér þótti eftirtektarverðast af því, sem
eg sá og heyrði í kirkju á Spáni, og nokkrar hugleiðingar
niínar í því sambandi.
Eimskipið »Borg«, sem eg var með, kom til Bilbao á
Norður-Spáni laugard. 12. ágúst. Fór eg fljótt upp í bæinn
°9 þurfti ekki lengi að leita áður en eg fann kirkjur tvær,
fagrar og stórar, sem opnar voru og eg gat skoðað.
Næsta dag, sunnudaginn, heyrðust snemma klukknahringingar
mður á skipið. Fór eg og einn af skipsmönnum í land kl. 10
árd. og vorum við messu í klausturkirkju einni fagurri. Ekki
Þótti okkur messan sjálf tilkomumikil, en þó leið okkur vel
innan um þetta óþekta fólk, sem kraup í kirkjunni mestan
tímann og sumt altaf, sumt á stólunum, en sumt á beru gólf-